hósdagur 16. juni 2016síða 5

FRÍGGJADAGUR 17. JUNI 2016 SOSIALURIN 69 5 Vága floghavn spardi tríggjar milliónir Eystari Landsrættur lækkaði endurgjaldið, sum hagaparturin Ytri Suðurtriðingur skal fáa frá Vága Floghavn DANJAL AV RANA V ága Floghavn skal rinda hagapartinum Ytri Suðurtriðingur 7,8 milliónir krónur í endur­gjaldi fyri lendið, sum varð tikið, tá flogvøllurin varð longdur. Lendið varð ognartikið í 2009 og arbeiðið var liðugt í 2012. Upp­ runa­liga vildi Vinnumálaráðið einans rinda 340.000 krónur fyri ognartøku av lendinum, men haga­ parturin valdi at fara í Føroya rætt við málinum. Teir mettu seg hava rætt til 20,6 milliónir krónur. Tvær metingarnevndir hava mett um kravið. Onnur metti, at 71 krónur fermeturin var rættur prísur, meðan hin metti hagan hava rætt til 27 krónur. Talan er um góðar 193.000 fermetrar. Dómur fall í Føroya rætti síðst í mars í fjør. Niðurstøðan var, at talan var um vanligan haga, og tí fekk hagaparturin 5,2 milliónir krónur í endurgjaldi, umframt 6,5 milliónir krónur fyri grótið. Talan er um 1,1 millión kubikk av gróti, sum er tikið úr haganum. Í viðgerðini í Eystara Landsrætti er komið fram, at talan ikki var um væl minni nøgd av gróti, okkurt um triðingin minni. Hetta hevur landsrætturin eisini tikið atlit til í niðurstøðu síni. Harumframt vísir Eystari Landsrættur á, at lendið, ið var handað hagapartinum aft­ur, var í betri standi enn framm­an­ undan. Tí lækkaði Eystari Lands­ rættur eisini endurgjaldið, hagin skuldi hava fyri lendi. – Tað vóru júst hesi bæði atlitini, sum gjørdu, at vit valdu at kæra dómin. Avgerðin í Føroya rætti gav í veruleikanum hagapartinum størri endurgjald fyri tað lendi, sum varð handað teimum aftur, enn tað, sum varð til fulnar ognartikið, sigur Óla Jákup Kristoffersen, sakførari hjá Vága Floghavn. Samlaða endurgjaldið, sum Vinnumálaráðið nú er dømt at gjalda, er tí 7,8 milliónir krónur. Jákup Sverri Kass, stjóri í Vága Floghavn, er fegin um, at málið nú er avgreitt. – Illa ber til at siga, at vit eru fegin um avgerðina, men hon kundi í øllum førum verið nógv verri og er hóast alt nakað frægari enn í Før­oya rætti, sigur hann. Hóast tað formelt er Vinnu­ málaráðið, sum skal rinda, so fellur rokningin til Vága Floghavn. Jákup Sverri Kass sigur, at peningur er lagdur til síðis. – Vit hava ført ein sera varnan íløgupolitikk hesi seinastu árini og verið sera varin við at halda fíggjarætlanir, júst orsaka av hes­ um málinum og ótrygga úrslit_ inum. Tað, at málið nú er avgreitt og endurgjaldsupphæddin staðfest, fer at geva okkum størri rásarúm framyvir, sigur Jákup Sverri Kass. TÍÐINDI Bjóða til fótbóltsveitslu í Vágsbotni Televarpið, Tórshavnar kommuna, Ljóð-tøkni, Hvonn og Miðlahúsið bjóða øllum føroyingum til at síggja EM-fótbólt á stórskíggja við trappuna í Vágsbotni. HALLUR AV RANA T að var sannur fót­bólts­ rómur í Vágsbotni týsk- vøldið, tá Televarpið, Tórshavnar kommuna, Ljóðtøkni og Miðlahúsið bjóðaðu føroyingum til fótbóltsdyst í trapp­ uni í Vágsbotni.  Trappan var á tremur við før­ oyingum, íslendingum og øðrum, ið vóru møtt at stuðla grannunum fyri vestan, tá teir møttu Portugal í teirra fyrsta EM-dysti nakrantíð. Tiltakið, ið helst var tað fyrsta av sínum slag í Føroyum, savnaði millum fýra- og fimmhundrað fólk á trappuni, og lagið var av tí besta, tá tað eydnaðist Íslandi at spæla javnt móti Portugal. Sjálvt tiltakið eydnaðist so mikið væl, at fyrireikararnir, sam­ an við Hvonn, hava avgjørt at endur­taka fótbóltsveistluna. Tí verður hildið fram við at vísa EM- dystir á stórskíggja við trappuna í Vágsbotni, har umstøðurnar eru góðar hjá nógvum fólk at savnast, umframt at fleiri handlar og matstovur eru nærhendis. Í gjárkvøldið varð dysturin mill­um grannatjóðirnar Týskland og Pólland vístur á stórskíggja, og fótbóltsveistlan heldur fram í kvøld og í morgin. Í kvøld er er tað dysturin millum Spania og Turkaland, ið byrjar klokkan átta, ið verður vístur á stórskíggja, men stóra brakið bíðar til leygardagin, tá tveir dystir verða vístir við trappuna. Fyrri dysturin er klokkan 17, tá Ísland møtir Ungarn. Um áhugin fyri at stuðla Íslandi var eins góður sum týskvøldið, so verður talan helst um eina fótbóltsuppliving av teimum heilt stóru, tá fleiri hundraðtals føroyingar savnast til fótbólt í Vágsbotni. Tá tann dysturin er liðugur, verður hin dysturin, millum Portu­ gal og Eysturríki, eisini vístur. Tann dysturin byrjar klokkan átta. Fyrireikararnir leggja sjálvandi dent á, at tiltøkini eru treytað av, at veðrið er gott tá dystirnir verða spældir. Meðan dystirnir verða vístir, verður stongt fyri bilferðslu í miðbýnum. HALLUR@SOSIALURIN.FO