hósdagur 16. juni 2016síða 9

FRÍGGJADAGUR 17. JUNI 2016 SOSIALURIN 69 9 Lættari at sleppa undan forfylging Nú fáa vit eina lóg, sum fer at gera tað munandi lættari at verja fólk, sum verða tráfylgd, sum er føroyska orðið fyri tað enska, stalking. BARBARA HOLM Á undanfarnu síðum kanst tú lesa um Finn Ougaard, fyrrverandi vara­fúta, sum í 2010 upplivdi ein heldur øðrvísi form fyri tráfylging. Tað var afturi í 2010, at ein maður sá seg illan á skipanina, og tí vildi fremja eina ógvusliga hending og soleiðis royna at fáa hjálp. Tað elvdi tó til, at Finn Ougaard upp­ livdi fleiri óhugnaligar hendingar áðrenn sjálvt álopið 4. Mai. Eitt nú uppsøkti maðurin Finn og familjuna heima á privata bú­stað­ num, tí hann vildi tosa við Finn um sína støðu. Í fleiri umførum kunn­ aði Finn løgregluna um støðuna. Finn Ougaard ger tó greitt, at hesin formur fyri tráfylging er einki í mun til tað, sum aðrir før­ oyingar uppliva. Hann vísir eitt nú á, at hann als ikki kann seta seg inní, hvussu tað man kennast, at verða tráfylgdur gjøgnum fleiri ár. Kritikkur hevur í fleiri ár verið av, at tað er sera trupult at basa tráfylging, tí tað er sum so einki løgreglan kann gera, um fólk velja at elta ein annan. Men nú skal tað broytast. Ein lóg er smíðað, og hon er nú send avvarðandi pørtum til hoyringar, og endamálið er, at hon skal koma í gildi á nýggjárinum Í hesum sambandi skal heim­ ildin víðkast at geva fólki tilhald, ella forboð fyri at seta seg í sam­ band við ávís fólk, eisini munnligt og skrivligt, og somuleiðis eisini í telefon, sms, teldubrævi og á Facebook, ella øðrum, talgildum miðl­um. Tilhald kann verða givið, har grundaður illgruni er um, at ein persónur hevur volt øðrum persóni ónáðir við at forfylgja ella órógva viðkomandi, ella um mett verður, at hann fer at volda viðkomandi ónáðir. Tað skal eisini bera til at geva einum persóni forboð fyri at uppi­ halda sær, ella ferðast á einum ávísum øki, sum er við bústað, arbeiðspláss, útbúgvingarstað, ella tilhaldsstað, hjá einum øðrum persóni ella har har ein annar persónur ofta ferðast. Og at enda skal tað bera til at geva einum persóni yvir 18 ár beinleiðis forboð fyri at uppihalda sær í sínum egna heimi í fýra vikur, tá ið hann er ger seg grovliga inn á hini húsfólkini, ella tá ið vandi er fyri, at hann fer at gera seg inn á húsfólkið. Løgreglan hevur upplýst, at hesi seinastu fimm árini frá 2011 til 2015, hevur løgreglan annars fingið 49 umbønir um tilhald, og í hesum sama tíðarskeiði eru treytirnar um tilhald brotnar 33 ferðir. Tilhald vanligast í málum, har trupulleikar eru millum hjúna­ felagar ella sambúgvar í samband við hjúna­skilnað, og har partarnir sita illa um sátt aftaná. BARBARA@SOSIALURIN.FO