týsdagur 21. juni 2016síða 15

15 Mikudagur 22. juni 2016 · Nr. 71 Sosialurin TÓRSVØLLUR Hetta fæst fyri 100 milliónir Áki Bertholdsen Tórskvøldið samtykti Tórshavnar Býráð at játta slakar 50 milliónir krónur til at gera Tórsvøll lidnan fyri. Alt arbeiðið kostar slakar hundrað millónir, men hina helvtina fíggjar Fótbóltssambandi. Og býráðið og Fótbóltssambandið hava gjørt skjótt av, tí longu í gjáramorgunin skrivaðu partarnir undir samstarvsavtalu um ætlanina. Sum tað sæst í hinari greinini her á síðunum, eru tað summir býráðslimir, sum halda, at kommunan fær alt ov lítið fyri tær 50 milliónirnar, hon skal brúka upp á arbeiðið. Tað, sum nú skal gerast, er at gera vestursíðuna á Tórsvølli, soleiðis at hon nú verður bundin saman við eystara- og sunnara skýlið, og tá sita eisini allir áskoðarar undir taki. Talan er harumframt um at bøta um umstøðurnar hjá áskoðarum, spælarum, fjølmiðlum, dómarum og øðrum, sum hava tilknýti til dystin. Men tað, sum heilt ítøkiliga fæst við útbggingini, sum nú verður farið undir, er, at 200 áskoðarapláss verða gjørd afturat. Annars verða høli til vaktarhald, tvey umklæðingarrúm til dómarar, dopingrúm, tvey umklæðingarrúm til liðini, høli til tíðindafundir, høli har tað ber til hjá fjølmiðlum at hitta leikarar og harumframt verður eisini ein deild ímóti Niðaravølli til foreldur við børnum. Høli verða eisini til serligar gestir, sum verða bodnir til dystir, umframt at sølubúðir verða gjørdar. Og at enda verða høli til ymisk endamál, eitt nú, høli, har tað ber til at gista í sambandi við venjingar. Býráðið sigur annars, at um tvey ár byrjar nýggj altjóða kapping fyri landslið, nevnd Nations League, sum UEFA skipar fyri. Hendan kappingin verður samstundis sum vanliga EM undankappingin lið, sum spæla í henni, kunnu eisini spæla seg til EM endaspælið. Sostatt fara í miðal eini fimm - seks landsdystir at verða spældir um árið, umframt teir vinadystir, sum verða og hetta krevur, at spælast kann alt árið. - Við skýlinum á vestursíðuni er Tórsvøllur vardur fyri vetrarveðrinum og næsta ár fer harumframt eisini at bera til at hita sjálvan vøllin við fjarhita, og tá verða frost og kavi ikki nøkur forðing. Marin Katrina Frýdal helt, at eru tað nøkur áskoð­ ara­pláss, kommunan skal fáa fyri hesar 50 milliónirnar, eru tey dýrt keypt. – Eg haldi, at tað er ógvu­ liga vági av býráðnum at fara í holt við Tórsvøll, sam­ stundis sum nógvar aðrar ætlanir eru settar á skrá, bæði musikkskúli, skúlin á Fløtum og langhylur, sam­ stundis sum at vegirnir eru uppslitnir og tørvur er á stórum upphæddum fyri at fáa kloakkviðurskiftini í rættlag. Marin Katrina Frýdal staðfestir, at hetta er ein íløg­a, sum kemur ógvuliga fáum skattgjaldarum til góðar. – Hví skulu vit brúka 50 millónir uppá nøkur áskoð­ arapláss og høli til at taka landroyndir við í sambandi við doping, samstundis sum so ómetaliga nógv liggur á láni á øðrum økjum, helt hon speiskliga fyri. Jógvan Arge, sum eisini er limur í nevndini fyri Tórs­ vøll, men hann hevur ikki hoyrt hvørki orð ella eið um hesa útbyggingina, og tað átal­aði hann. – Fíggingin er eitt stórt klúta­teppi, og tá ið parturin hjá kommununi skal rindast í smáum, er eitt greitt tek­ in um, at býráðið er við at ovtaka seg við øllum íløg­ un­um, sum ætlanin er at fremja. Hann heldur eisini, at tað er váðaverk at samtykkja útbyggingina, áðrenn hon er projekterað, tí tað merkir, at ongin veit í roynd og veru, hvat hetta fer at kosta. – Vandi er fyri, at tað verð­ur okkum ein dýr søga, heldur Jógvan Arge. Pengarnir brúkast aðrastaðni Eisini Jákup Dam heldur, at hetta arbeiðið á Tórsvølli, verð­ur betur ógjørt. – Talan er um rættiliga nógvar pengar, og eg ivist í, um vit fáa nakað fyri teir. Hann staðfestir eisini, at vanligi skattgjaldarin fer lítið og onki at fáa burtur úr hesum 50 milliónunum, tí talan er um nøkur fá áskoð­ arapláss og nøkur serhøli. – Hetta er skattaborgarans peningur og hann heldur, at tað hevði verið nógv betri at brúkt pengarnar á øðrum økjum, eitt nú á eldra- økinum, sum liggur í skelja­ sori, og at fólk næstan fylgja við í andlátunum fyri at vit um tey ikki fáa pláss á einum stovni. Hann vísir eisini á ætl- an­irnar um at bøta um par- keringina um nýggja skúlan á Fløtum, um langhylin og annað. – Tað eru íløgur, sum ein stórur skari av fólki fær gagn av, men borgarin fær ógvuliga lítið burtur úr íløguni á Tórsvølli. Sjálvandi er tað gagnligt, at peningur kemur uttaneftir til Tórsvøll, men sum ein, ið varði av skattaborgarans pengum, haldi eg, at hesar 50 milliónirnar eru illa farnar í áskoðarapláss og pisshús til doping, sum Jákup Dam, helt fyri, líkasum fyri at skera tað út í papp. Hann heldur, at vit hava ein góðan Tórsvøll, sum er, og at hetta er ikki rætta løtan at brúka meiri pengar upp á hann. Tá ið avtornaði varð niðurstøðan, at uppskotið varð samtykt við tað, at 10 býráðslimir atkvøddu fyri. Teir vóru Heðin Mortensen, Elin Lindenskov, Bjørghild Djurhuus, Helena Dam á Neystabø, Sigrún Mohr, Tróndur Sigurðsson, Halla Samuelsen, Bogi Andreasen, Annfinn Brekkstein og Sjúrður Olsen. Jákup Dam og Marin Katrina Frýdal úr Tjóðveldi at­kvøddu ímóti og Jógvan Arge atkvøddi blankt, tí hann heldur, at tað er ov stór­ur ivi um, hvat arbeiðið fer at kosta. aki@sosialurin.fo SÍÐSTA BYGGISTIG Soleiðis fer Tórsvøllur at síggja út, tá ið hann er heilt liðugur í 2019. Hann verður ein stoltleiki fyri Havnina ogf fyri alt landið, halda summir býráðlimir. Síðsta byggistig, sum farið verður undir nú, kostar Tórshavnar kommunu 50 milliónir, men summir býráðslimir halda, at tær eru mestum tveittar burtur