hósdagur 23. juni 2016síða 11

FRÍGGJADAGUR 24. JUNI 2016 SOSIALURIN 72 11 at samstarva við líka góðum úrsliti, sigur Rógvi Winthereig Rasmussen í samrøðu við VikuskiftisSosialin. LS vildi ikki eftirlíka krøvum frá læknanum Men Rógvi Winthereig Rasmussen setti undir setanarsamrøðuni nøkur krøv til Landssjúkrahúsið. – Mammografihølið á Lands­ sjúkrahúsinum er alt í verðini for lítið. Tað er gamalt og minnur mest av øllum um eitt kustaskáp, sigur hann og fortelur, at hann ikki er einsamallur um at halda, at hølini eru alt ov vánalig. – Tá Sirið Stenberg var og vitjaði Røntgendeildina fyrstu ferð, segði hon: "Er tað virkuliga her, vit skulu hava mammografiscreening?", fortelur hann. – Sum serfrøðingur í krabba­ mein, hvørki vil ella kann eg leggja mítt navn til hetta, og eg meti slett ikki, at tað ber til at gera 3000 árligar screeningar í hesum hølum, sigur Rógvi Winthereig Rasmussen, sum beinavegin gjørdi greitt fyri setanarbólkinum á Landssjúkrahúsinum, at hann ikki vildi setast í starv, fyrrenn ein nýtt og meir hóskandi høli var funnið. – Eg havi sjálvur havt fleiri hugskot. Eitt nú at tann maskin­ an, vit brúka, verður flutt runt í landinum, so vit skjótt og lætt kunnu kanna tær føroysku kvinn­ urnar í útjaðaranum eisini, fortelur Rógvi Winthereig Rasmussen. Men hóast Landssjúkrahúsið, sambært sjúkrahússtjóranum, fegin vildi seta Rógva Winthereig Rasmussen í starv, kundu partarnir ikki finna eina semju. – Í hesum føri er talan um ein sera dugnaligan og royndan ser­ lækna, sum vit gjarna vilja hava knýttan at Landssjúkrahúsinum. Vit vilja gjarna lurta eftir okkara læknum, men í summum førum ber ikki til hjá okkum at lúka tey krøv, sum læknarnir seta, sigur Johnny í Grótinum, sjúkrahússtjóri. Men er tað rættvíst fyri sjúkling­ in, at ósemjur um hølisviðuskifti skulu føra til, at eingin lækni verð­ ur settur? –Landssjúkrahúsið hevur sjálvsagt nakrar fíggjarligar avleiðingar. Og vit hava mett, at tað reint fysiskt kann lata seg gera, at gera mammografiscreeningarnar í teimum somu hølunum, sum man altíð hevur gjørt mammografi­ kanningar í. Tí fara vit ikki at gera nakað við hølisviðuskiftini beint nú. Beint nú snýr tað seg bara um at fáa mammografiscreeningina upp at koyra, greiður Johnny í Grótinum frá og leggur afturat, at hann í setunarsamrøðuna við Rógva Winthereig Rasmussen gjørdi greitt, at man í framtíðini kundi finna onnur høli til mammo­ grafi­screeningarnar. –Men eg kenni Landssjúkra­ húsið betur enn so. Ein fyribils­ loysn verður tann varandi loysn­ in – og í hesum føri livir tann loysnin ikki upp til tað støðið, eg sum serfrøðingurin strembi eftir, sigur Rógvi Winthereig Ras­ mussen, sum hevur lagt eina ætlan fyri, hvussu Føroyar kunnu gerast "Læknatoymið gjørdi tað lætt fyri meg at fáa bróstkrabba", segði ein glað Súsan Joensen í Sosialinum fyrr í ár. Í dag er hon kedd og ørkymlað, tí læknin, sum var partur av læknatoyminum, ikki longur starvast á Landssjúkrahúsinum. Les viðmerkingar frá Súsan Joensen á næstu síðu. Mynd: Sosialurin Framhald á næstu síðu Føroyskar kvinnur eru offur í einum stríði millum Landssjúkrahúsið og ein serlækna