mánadagur 4. juli 2016síða 54

VIKA 27 • 4. JULI 2016 8 ÓKEYPIS LÝSINGARBLAÐ Norrøna Dansband kemur á triðja sinni at spæla til vælumtókta dansin í Eydnuni til við Brúnna tiltakið. Norrøna Dansband varð stovnað aftan á ein harmonikutúr við Norrønu, og navnið er grundað á, at teir hittust og spældu saman fyrstu ferð umborð. Teir spæla vælsvingandi dansitónleik, við íkasti av dansband- og countrytónleiki, og hava allir drúgvar royndir frá føroyska dansiumhvørvinum. Manningin í Norrøna Dansbandi hevur verið virkin í dansiumhvørvinum í nógv ár, og hava flest allir spælt til dans við ymiskum bólkum í eitt mannaminni. Marni Kruse er ein ungur og spennandi tónleikari av Oyrarbakka, sum eisini framførdi við Brúnna í fjør. Hann hevur útgivið stakløg og EP´ina “Searching for something I´m looking for”. Við egnum løgum og tekstum tekur hann oftast støði í evnum úr gerandisdegnum. Marni hevur verið nógv frammi í útvarpinum við sangunum „Back Together“, „Boombox Songs“ og „Walking Under Stars“ og hevur fingið góð skoðsmál fyri sín tónleik. Norrøna Dansband Marni Kruse kl. 00.05 kl. 01.10 Eitt frálíkt høvi at steðga á – Tá tiltøk spretta úr fólkinum, hava tey eisini eina sál, sigur borgarstjórin í Sunda kommunu, Heðin Zachariasen Vilmund Jacobsen T ónleikatiltakið Við Brúnna verður leygar­ dagin 9. juli, sum er leygardagin komandi. Í Vikublaðnum í dag gera vit burtur úr tónleikabólkum og tónleikarum, sum luttaka á tiltakinum. Fyriskipari er grunnurin »Tónar við Brúnna«, og endamálið hjá grunninum er at stuðla mentanarligum verkætlanum í økinum. – Tað er eini 10 áhugafeløg, sum eru við í fyrireikingunum og eru partur av tiltakinum. Ætlanin er eisini at skipa fyri øðrum mentanar­ ligum tiltøkum framyvir. Tað sigur samskiparin, Hans Olivur Joensen. Sprettur úr fólkinum Borgarstjórin í Sunda kommunu, Heðin Zacharia­ sen, fegnast um, at tónleikatiltakið »Við Brúnna« nú er vorðið eitt afturvendandi tiltak. – Vit fegnast um, at eitt slíkt tiltak nú eisini er í okkara kommunu, og vit fegnast eisini um, at tiltakið undanfarin ár hevur savnað nógv fólk, bæði úr okkara kommunu, grannakommunum og úr øllum Føroyum annars. Heðin Zachariasen vísir á stóra týdningin av, at slík tiltøk spretta úr fólkinum, tí tá hava tey eisini eina sál, sum hann tekur til. – Tónleikatiltakið er eitt frálíkt høvi at leggja gerandisdagin frá sær eina løtu og njóta saman­ haldið og góða tónleikin. Borgarstjórin sigur, at hann vegna Sunda kommunu er teimum ógvuliga takksamur, sum hava slóðað fyri, hava reist hetta tiltak á føtur, og sum nú føra tiltakið víðari sum eitt afturvendandi tónleikabrak í kommununi. – Aftan fyri liggur hvørt ár eitt stórt og sjálvboðið arbeiði, og tað eru vit øllum teimum, sum á ymiskan hátt lyfta undir, sera takksom fyri. Hjartaliga vækomin! At enda ynskir Heðin Zachariasen vegna Sunda kommunu øllum hjartaliga vælkomnum til tónleikatiltakið Við Brúnna leygardagin 9. juli. Borgarstjórin í Sunda kommunu, Heðin Zachariasen, bjóðar øllum - bæði nær og fjar - hjartaliga vælkomnum til tónleikatiltakið Við Brúnna Mynd: Vilmund Jacobsen