mánadagur 11. juli 2016síða 16

Mánadagur 11. juli 2016 · Nr. 79 16 Sosialurin Hugskot og viðmerkingar – send sms til 225000 Fýra føroysk feløg úti í fyrsta umfari í Evropa fótbólti. Ein sigur, ein javnleikur og seks taptir dystir. Føroyskur fótbóltur fær nú kapping frá Gibraltar á styrkilistanum, og tað kann kosta eitt pláss í Evropa í framtíðini. Føroyskur fótbóltur stendur ikki mát við evropesisku avbjóðingarnar í løtuni Tróndur Arge Annað árið upp í slag stendur føroyskur fótbóltur eftir við ongum í Evropa. Átta uppgerðir eru taptar og tað sæst aftur á styrkilistanum hjá UEFA. Í ringasta føri kunnu vantandi úrslitini hjá føroysku feløgunum gera, at vit detta afturum Gibraltar á styrkilistanum. Revsingin er eitt pláss færri í Evropa, sum aftur merkir at færri pengar koma í føroyskan fótbólt. Munurin er ikki dómarin Í øllum fýra uppgerðunum í Evropa í ár, hevur dómarin verið fyri atfinningum í minst øðrum av dystunum. Serliga her á heimavølli hava spælarar, venjarar og fjølmiðlar funnist at týðandi dømingum, sum ikki hava verið til okkara fyrimun. Tað er bara ein partur av søguni, men eitt nú HB og B36 høvdu fleiri møguleikar at skjóta mál, sum helst høvdu verið avgerandi. B36 bæði á heimavølli og á Malta, meðan HB fekk risa møguleika at leggja seg á odda móti FC Levadia. Fyri Víking og NSÍ er støðan kanska í størri mun, at mótstøðuliðini vóru sterkari, men eisini at avrikini ikki vóru á nóg høgum stigi. Eitt nú kundi Víkingur verið aftanfyri 4-0 í hálvleikinum í Lettlandi, meðan NSÍ er uttan kanska týdningarmiklasta spælara, tá teir skulu takast við hvítarussiskt topplið. Bæði vóru eisini fyri vánaligari døming, men tað er ivasamt hvussu oftani NSÍ og Víkingur høvdu vunnið eina slíka uppgerð uttan at yvirprestera. Tað er fair nokk, at bríksla onkrum av dømingunum. Bæði HB og B36 kundi fingið brotsspark, ið hevði muna nógv í samanteljingini. Hini taka av ítróttar Sosialurin hevur lagt nógv fyri, at fylgja føroysku liðunum í Evropa í ár. Her hevur verið afturgangandi, at øll fýra hava fyrireikað seg væl seinastu vikuna undan dystinum. Øll hava ferðast skilagott eftir umstøðunum, og leiðslurnar í feløgunum tykjast vekta Evropa-fótbólt høgt. Tað vísur seg tó, at vit í føroyskum fótbólti ikki standa heilt í mát við mót­ støðu­liðini í løtuni. Nú skal hetta ikki skiljast sum beinleiðis kritikkur av B36, men sum tvífaldir meistarar, so hava teir verið í Champions League tvey ár upp í slag. Í fjør taptu teir rímiliga greitt fyri New Saints úr Wales, meðan tað í ár bleiv akkurát ov lítið til at koppa maltesiska Valletta. Tá B36 er tvífaldur meistari, so er tað yvir­ leggjar­in í føroyskum fót­ bólti í løtuni. Tað vil somu­ leiðis siga, at føroyski meistarin seinastu tvey árini ikki er betri enn meistaraliðið í Wales og Malta, har bæði feløgini eru í uppstartinum til nýtt kappingarár, meðan føroyska liðið er mitt í sínum kappingarárið. Heldur ikki við tí fyrimunin, so megna føroysku liðini at vinna seg víðari í løtuni. Meðan B36 í fjør helst tapti móti væl betri mót­ støðu, so var at kalla ongin munur millum B36 og Vallett – uttan at Valletta skoraði upp á ein av sínum møgu­ leikum á útivølli, meðan B36 ikki kláraði tað sama, hóast fýra stórar mál­møgu­leikar á Malta. Hvat vilja vit? Um vit hyggja at mótstøðuni, sum føroysku liðini hava spælt móti, so er aftur­gang­ andi at tey hava ikki blað­ ungar spælarar á vøllinum. Tað síggja vit hinvegin oftani á føroysku liðunum. Her útmerkaði HB seg við at hava tveir 18 ára gamlar, og ein 17 ára gamlan í fremstu rekkju til dystirnar móti FC Levadia Tallinn. B36 hevur eisini eina miðverju, har báðir hava U21 landsliðsaldur. Tað er eisini ungur aldur fyri tveir miðverjar. Somuleiðis skifti B36 í Pæturi Petursen og Hannisi Agnarsson blað ungar spælarar inn. Teir eru ávikavist 17 og 18. Tað er hugaligt at okkara ungu spælarar standa seg so væl. Serliga teir hjá HB og Hannis Agnarsson gjørdu stóran mun á vøllinum, meðan Pætur Petersen kom seint á vøllin. Miðalaldurin hjá B36 tá dysturin í Gundadali byrjaði var 24,4, meðan maltesiska mótstøðuliðið hevði ein miðal aldur á 29,1. Her lækkaði miðalaldurin hjá B36 til 21,5 í seinna hálvleiki. HB hevur ein miðal aldur sum er 23,5 móti Levadia, sum tó eisini hevði onkrar ungar spælarar við. Miðal aldurin hjá teimum var 24,3. Tað er hugaligt, at vit í Føroyum brúkar nógvar ungar spælarar, men eru vit so aftur har, at vit eru við fyri at læra? Aldurin ikki avgerandi – men? Aldurin er ikki avgerandi fyri hvussu væl eitt lið spælir, men royndir og saman­spæl­ ing er ein týðandi partur av fótbólti. Í áltjóða fótbólti kundu tí nevnt Manchester United, sum við eini aftur­vend­ andi stammu á lið við 92 flokkinum setti seg tungt á Premier League. Nýggjasta dømi er FC Barcelona, sum hevur havt fleiri spælarar, ið hava verið upp­vaksnir í felagnum og hava verið við meginpartin av gylta tíðar­ skeiðnum síðani 2006. Tá vit tosa Evropa-fótbólt í Føroyum, so er Víkingur besta dømi. Teir settu met í 2014, tá teir vunnu seg til 3. umfar í Europa League. Liðið telur ein verjupart, ið hevur spælt saman at kalla øll árini Víkingur hevur verið til síðani 2008. Tað vísur seg, at tað er slíkt í skal til. Tað mekrir ikki, at føroysku liðini ikki skulu brúka ungar spælarar, men tað er vert at hugsa um hvar okkarar spælarar blíva av, sum eru í »besta« fót­bólts­ aldri. Tað eru ov fáir av teimum eftir, tá teir skulu skulu toppa. Eitt gott dømi er Sølvi Vatnhamar, sum hevur áhaldandi spælt fótbólt og ikki fyrr enn í seinnu hálvu av tjúgunum síggja vit hann toppa. Spælarar blíva vekk – 8 ella 12 lið? Tað er nógv dømi um spælarar, sum feløg og Fót­ bólts­sam­bandið hava brúkt nógva tíð upp á at uppala, men sum ungir flyta av landinum í eitt nú lestrar­ ørindinum, og ikki venda aftur sum fótbóltsspælarar. Alt gott um at lesa víðari uttanlands, men tað kann avgjørt hugsast, at um fleiri av hesum spælarum spældu í føroysku kappingini longri, so hevði hon verið meiri kappingarfør. Ein tann besti dysturin eg havi sæð millum tvey føroysk lið, var steypafinalan í 2014 millum Víking og HB. 16 Sosialurin Hugskot og viðmerkingar – send sms til 225000 FÓTBÓLTUR ÚTI AV EVROPA Mynd: Álvur Haraldsen