hósdagur 14. juli 2016síða 12

FRÍGGJADAGUR 15. JULI 2016 SOSIALURIN 81 12 H esi næstu árini skulu fleiri parkeringshús byggjast í miðbýnum í Havn. Tað er ein partur av eini mið­ býarætlan, Tórshavnar Býráð hevur lagt, og sum skal setast í verk so við og við hesi næstu árini. Parkeringsviðurskiftini hava verið tann heilt stóri trupulleikin í miðbýnum í Havn í nógv ár og í nýggju miðbýarætlanini verður dentur lagdur á at loysa tann trupul­leikan. Í hesum sambandi verður arbeitt við tí tey kalla eini miðfirraðari parkeringsætlan fyri miðbýin. Tað merkir, at miðbýurin ikki fær eitt einstakt parkeringshús, men fleiri. – Fyrimunurin við tí er, at bil­ førarar kunnu altíð velja sær tað bilhús, sum liggur nærmast við hagar teir ætlar sær, siga tey. Samstundis verður úrslitið av eini miðfirraðari parkeringsætlan við fleiri bilhúsum, at ferðslan fer at spjaðast, so at tað slepst undan bíðirøðum. Tróndur Sigurðsson, formaður í Byggi- og býarskipanarnevndini hjá býráðnum, sigur, at nett­upp tey vánaligu par­kering­sviðurskiftini eru eitt av málunum, sum liggja eina fremst í skránni hjá býráðnum at fáa loyst. Men hann sigur, at talan kann eisini vera um loysnir, har bý­ráðið, og privat virki, ganga sam­an í eitt samstarv um at gera parkerings­ hús. Tey fyrstu í miðbýnum Í Miðbýarætlanini hjá býráðnum verður víst á fleiri støð, har parkeringshús kunnu byggjast. Her verður hugsað um Skálatrøð, Kongabrúnna, Bøkjarabrekku, Tórsgøtu og á Hálsi. – Tað slepst til øll plássini beinleiðis frá innara Ringvegi ella stórum innkoyringarvegi. Sostatt fer tað at bera til at koma av ringvegin oman í eitt par­kerings­ hús í miðbýnum, og soleiðis kann gjøgnumgangandi ferðsla verða beind úr miðbýnum. Eftir Miðbýarætlanini skal tað fyrsta parkeringshúsið byggjast á Skálatrøð, inn ímóti berginum, aftanfyri eitt møguligt tjóðleikhús. Og sum ætlanin er, verður tað bygt vestarliga á Skálatrøð, vestur ímóti Østrøm og Valdemar Lützen, har tað er mest víðført. – Haðani verður innkoyring av Landavegnum og Gríms Kambans­ gøtu, og samstundis verð­ur ferðslan leidd burtur frá havnar­ lagnum. Annað parkeringshúsið skal byggjast á Kongabrúnni. Eitt bil­ hús har fer at slóða fyri, at tað ber til at gera ferðsluna eftir Áarvegin einvegis við tí í hyggju at lata Havnará upp aftur seinni. Í hesum sambandi verður par­ keringshúsið bygt inn ímóti høga hamrinum, undir Skansavegnum og samstundis verður gøtan um­ skipað við tað, at íbúðir skulu byggjast framvið. Fáa talgilda ávísing Í Miðbýarærætlanini stendur, at fyri at gera tað lættari at brúka tey miðfirraðu parkeringsplássini, verður eisini arbeitt við at seta eina talgilda parkeringsávísing í verk. Ein slík skipan ber í sær, at longu táið bilførarar koma inn í býin, verða teir kunnaðir um, hvar parkeringspláss eru tøk. Soleiðis verður ferðslan beind hagar pláss eru og og tey, ið fara at koyra runt at leita eftir plássi, fara at fækka í stórum. Ein talgild parkeringsávísing fer at minka munandi um ferðsluna, eitt nú í Vágsbotni, har ein stórur partur av ferðsluni, sum nú er, er er óneyðug, tí tað eru bilførarar, sum leitar eftir parkeringsplássi, sigur býráðið. Lógin forðar fyri, at Tórshavnar Býráð tekur pening fyri at lata bilar parkera, og tað hevur gingið strilti at fáa Løgtingið at samtykkja eina skipan, har kommunur kunnu seta eina skipan við gjaldsparkering í gildi. Men tað er einki sum forðar einum privatum virki at gera eitt parkeringshús og at lata bilar parkera har afturímóti gjaldi, og tað er hesin møguleikin, sum nú eisini verður kannaður. »Ferðslan fer at spjaðast, so at tað slepst undan bíði­ røðum« PARKERING Í fyrstu syftu er tvey av teimum staðsett og tey eru bæði í miðbýnum ÆTLA AT BYGGJA FLEIRI PARKERINGSHÚS Í HAVN Eftir framtíðarætlanini hjá býráðnum verður fyrsta parkeringshúsið bygt her á Skálatrøð. Men tað verður bara tað fyrsta av fleiri, og samstundis skal talgild parkeringsávísing setast í verk, so at bilførarar sleppa undan at koyra runt at leita eftir parkeringsplássi