mánadagur 18. juli 2016síða 17

17 Mánadagur 6. januar 2014 · Nr. 2 Sosialurin Mánadagur 18. juli 2016 · Nr. 82 Hugskot og viðmerkingar – send sms til 225000 STUTTSØGD TÍÐINDI NÓGVAR FLYTINGAR Í FÓTBÓLTINUM Stórfeløg sum Chelsea og FC Barcelona hava gjørt um seg á marknaðinum seinastu dagarnar. Stuttsøgdu ítróttartíðindini hesaferð hyggja nærri at leikaraflytingum í fótbólti, men eisini er nýtt at frætta úr frælsum ítrótti, hondbólti og súkkling Pætur Albinus FÓTBÓLTUR Viljormur Davidsen spældi allan dystin, tá ið Vejle um vikuskiftið spældi sein­asta venjingar­dyst­in áðrenn lands­kappingin fer av bakkastokki komandi vikuskifti. Dysturin, sum var ímóti eykaliðnum hjá FCK, endaði við 2-2-javnleiki. Vejle spælir fyrsta lands­ kappingar­dystin næsta viku­ skifti ímóti Fremad Amager, sum hevur Heina Vatnsdal og Bárð J. Hansen í hópinum. Fremad Amager er eisini í holt við at leggja seinastu hond á fyri­reiking­ar­nar til komandi kappingaár í næstbestu donsku deild­ ini. Heini Vatns­dal byrjaði inni í verjuni, tá ið tað fyrra­dagin var venjingar­ dystur á skránni ímóti Hvid­ovre. Dysturin varð vunnin 2-0. Sum nevnt, so spæl­ir Fremad Amager fyrsta landskappingar­ dystin ímóti Vejle. Chelsea hevur keypt ein av størstu profilunum hjá Leicester, franska landsliðsleikaran, N'Golo Kanté. 25 ára gamli miðvallarin hevur í longri tíð verið settur í samband við Chelsea, og nú váttar Leicester, at teir hava selt hann til Chelsea. Keypsprísurin er ikki upp­ lýstur, men hildið verður, at hann hevur kostað London-felagnum um­leið 285 milliónir krónur Tað gekk annars einki serligt hjá Chelsea, sum um vikuskiftið tapti 2-0 í venjingardysti ímóti Rapid Wien. Hetta var fyrstu ferð, at Antonio Conte stóð á odda fyri Chelsea. Chelsea hevði annars fleiri av stjørnunum við, og serliga 2-0-málið átti Branislav Ivanovic sín stóra lut í. Eisini Europa League- vinnararnir úr Sevilla hava styrkt um miðvøllin. Spanska felagið hevur nevniliga skrivað undir sáttmála við brasilska spælbýtaran, Ganso, sum kemur til úr heimlandsfelagnum Sao Paulo. 26 ára gamli Ganso hevur áður verið útnevndur sum eitt risatalent, men hann hevur einans fingið átta landsdystir fyri Brasilia síðani hann fekk sín fyrsta fyri seks árum síðani. Christian Benteke hevur ikki fingið sítt gjøgnumbrot í Liverpool, og nú bendir nógv á, at hann kann vera ávegis úr felagnum. Sambært Sky, so er møguleiki fyri, at hann fer til Crystal Palace. Fyrrverandi áleyparin í felagnum, Leon McKenzie, sigur við sjónvarpsstøðina, at Benteka hevði passað ómetaliga væl inn í spæliskipanina. Crystal Palace hevur higartil í summar fingið fatur á James Tomkins, Steve Mandanda og Andros Townsend. Pep Guardiola ætlar sær at skilja sær av við nógvar spælarar í Manchester City. Sambært The Telegraph, so hava Eliaquim Mangala, Samir Nasri, Wilfried Bony, Willy Caballero, Pablo Zabaleta og Alexandar Kolarov spælt sínar seinastu dystir fyri felagið, meðan tað eisini er ivasamt, um hann ynskir at hava Yaya Touré og Jesus Navas í hópinum FC Barcelona hevur skrivað undir fimm ára sáttmála við Lucas Digne, sum kemur til frá fronsku meistarunum úr PSG. 22 ára gamli vinstri bakkurin kostar spanska felagnum umleið 140 milliónir krónur og er annað keypið eftir at Samuel Umtiti júst er keyptur úr Lyon. Tað kom heldur óvart á, at málslúkarin hjá Malmø FF, Viðar Kjartansson, ikki varð úttikin til íslendska EM-hópin. Í Allsvenskan hevur tað gingið sera væl hjá framherjanum, sum hevur skotið níggju mál seinastu átta dystirnar. Aftonbladet avdúkar, at hann nú er ávegis til The Championship, har Brighton er tilreiðar at keypa hann leysan frá svenska oddaliðnum. Carlos Tevez er framvegis ein eftirspurdur harri. Juventus, West Ham og Corinthians hava verið upp á lúr eftir at ognað sær argentinska framherjan, sum í løtuni spælir í heimlandsfelagnum Boca Juniors. Varaforsetin í felagnum sigur tó við Radio Guemes, at tað ikki kemur upp á tal at selja tann nú 32 ára gamla Carlos Tevez. Arsenal hevur leingi ligið framvið eftir Gonzalo Higuain, men nú veit Football Italia at siga, at enska felagið er í samráðingum við Inter- framherjan, Mauro Icardi. 23 ára gamli Icardi hevur skotið 52 mál í 105 dystum fyri Inter. Eisini Tottenham og Atlético Madrid sigast at vera áhugaði í at fáa fatur á honum. Luke Shaw er longu klárur at spæla aftur, eftir at hann í septembur í fjør fekk eitt opið beinbrot í Champions League-dystinum ímóti PSV Eindhoven. Hann spældi 45 minuttir í venjingardystinum ímóti Wigan leygardagin, sum varð vunnin 2-0. José Mourinho, venjari, segði eftir dystin, at hann er ovfarin av, at hann longu er klárur at spæla aftur. - Hann hevur offrað sína feriu upp á at blíva klárur, segði hann. Louis van Gaal fer neyvan at vera arbeiðsleysur leingi afturat. Okkurt bendir á, at hann verður nýggjur landsliðsvenjari hjá Belgia, sum má finna sær ein nýggjan eftir at Marc Wilmots hevur lagt frá sær. Francois De Keersemacker, forseti hjá belgiska fót­ bólts­sam­bandin­um, váttar, at teir hava áhuga í at seta fyrr­verandi hollendska lands­liðs­venjaran í starv. HONDBÓLTUR Tað verður neyvan nakað føroyskt íkast á danska mans­lands­liðnum í hond­ bólti, sum fer at spæla OL- endaspæl í Rio de Janeiro í summar. Jóhan á Plógv Hansen hevur ikki verið inni í myndini seinastu tíðina, og heldur óvæntað hevur Guðmundur Guðmundsson, lands­liðs­venjari, eisini valt at seta Hans Lindberg uttan­ fyri. Hann er einans við sum eyka­leikari og kann einans innlimast í hópinum, um skaðar ella annað stingur seg upp. FR. ÍTRÓTTUR Nærmari kanningar skulu nú staðfesta, um russiskir íðkarar hava nýtt skipaða doping eitt nú undir vetrar­ leik­un­um í Sotji í 2014. Verður ill­grunin staðfestur, so eru fleiri stór lond, har ímillum USA, Týsk­land, Spania, Japan og Kanada, til­reiðar at skriva undir eitt skjal til altjóða sam­bandið fyri frælsan ítrótt við ynski um, at eingin russi skal sleppa at luttaka í OL í Rio de Janeiro í summar. Tað skrivar Reuters SÚKKLING Tað gongur framvegis væl hjá Torkili Veyhe, sum leygardagin súkklaði seg til eitt fjórða pláss á einkult­ startinum í kappingini U6 Cycle Tour. Hann var besti maður á liði sínum, Team WeBike-CK Aarhus, sum somuleiðis gjørdist nummar tvey í liðkappingini. Kappingin var tann fyrsta í seinnu helvt av kappingar­ árinum, og á heima­síðu síni hevur Team WeBike-CK Aarhus gjørt upp hvørji nevni­verd úrslit liðið hevur fingið higartil. Har fram­ gongur greitt, at Torkil Veyhe hevur verið stóri heiðursmerkjaslúkurin. Tríggjar ferðir hevur hann staðið ovastur á sigursskamlinum, og aðrar tríggjar ferðir er hann vorðin nummar tvey. 15. teinur av Tour de France varð súkklaður í gjár. Á 160km-teininum úr Bourg- en-Bresse til Culoz vóru tað Jarlinson Pantano (IAM) og Rafal Majka (Tinkoff), sum sluppu avstað í útbrot og fylgdust á mál. Í spurtinum var kolumbianski Pantano stinnastur og tryggjaði sær sigurin. Samlaða støðan í Tour de France broyttist einki eftir teinin í gjár. Allir teir, sum liggja frammaliga í samlaðu kappingini, komu savnaðir á mál við tí stóra feltinum. Chris Froome (Sky) er framvegis greitt á odda við 01:47 frammanfyri Bauke Mollema (Trek- Segafredo) og 02:45 frammanfyri Adam Yates (Orica-Bikeexchange). Seks teinar eru eftir at súkkla. Serfrøðingar eru vónbrotnir um, at fleiri súkklarar ikki royna at bjóða Chris Froome av, og eftir teinin í gjár hevði maðurin í gulu troyggjuni eisini eina heilsu til kappingarneytarnar. - Eg hevði væntað fleiri álop, fyri at vera heilt erligur. Eg væntaði meira frá Movistar, segði Froome vísandi til argasta kappingarneytan, Nairo Quintana, sum í løtuni tó einans er nummar fýra í samlaðu kappingini, 02:59 aftanfyri Chris Froome. Bjarne Riis er ávegis aftur í súkkluheimin sum liðeigari. Eftir at hann í fjør skilti seg av við Tinkoff-Saxo, sum hann sjálvur stovaði fyri mongum árum síðani, er hann nú tilreiðar at seta eitt nýtt lið á stovn, sum aftur skal savna donsk súkklutalent kryddað við profilum á liðum. Bjarne Riis sigur við TV2 Sport, at hann væntar liðið at vera klárt at súkkla um tvey ár. ALBINUS@SOSIALURIN.FO