mánadagur 18. juli 2016síða 37

VIKA 29 • 18. JULI 2016 13 MIÐLAHÚSIÐ ÓKEYPIS LÝSINGARBLAÐ Eisini nógv gott føroyskt á skránni Umframt øll tey útlendsku nøvnini, fara eisini nøkur av teimum best umtóktu føroysku tónleika- nøvnunum á pall leygarkvøldið. Føroysku nøvnini, sum fara á pall eru Týr, Marius, Punjab, MC-Hár, Eyðun & Terji og Eivør. Eisini fara Bubu, Angela og Hannibal og Kúllarnir at undirhalda um dagin. Eyðun & Terji Tað munnu vera fá tónleikanøvn, ið megna at fáa so nógvar áskoðarar at syngja við, sum júst Eyðun og Terji, ið koma á Tórsfest við einum stórum kufferti av sangum, ið vit øll elska. Hvør í sínum lagi og saman, hava teir støðugt skapt nøkur av størstu hittunum seinastu 30 árini. Eyðun og Terji eru garantar fyri einari góðari veitslu, óansæð um tað snýr seg um Eros, jalousi, um at fara aftur í 80’ini ella at flýggja til tónleikin. So tað verður uttan iva lív í leygarkvøldið, tá føroysku hittmakararnir fara á pall. MC-Hár heldur veitslu á Tórsfest Síðani 16. februar 1991 hevur MC-Hár verið við til at mynda tónleikalívið í Havn og tí kann hetta óskikkiliga barnið í ár halda 25 ára føðingardagsveitslu. Fyrsta rimmar veitslan var í Reinsarínum fyrr í ár og ætlanin er at halda eina uppaftur størri veitslu á tremur við kærleika og yvirkroppi á Tórsfest. Tað vóru rappararnir MC-Allah og Niels Uni Dam, sum stovnaðu bólkin í 1991. Hvørgin teirra var nakar stórur sangari, so hóast áhugin fyrst og fremst var fyri tungmálmi og rokki, so valdu teir heldur at rappa. - Eg rappi, tí eg ikki dugi at syngja, eg rappi fúlt, tí eg ikki dugi so væl at rappa, sigur Niels Uni Dam. Í byrjanini vóru tað bert teir báðir sum rappaðu. Teir luttóku m.a. við bólkum sum Paria og Panic, men tá Tróndur Bogason kom við, tók bólkurin skjótt skap og lags- skrivingin tók tá veruliga dik á seg. Síðan tá hevur bólkurin spælt ikki minni enn á 11 ólavsøku- konsertum umframt á eini rúgvu av øðrum konsertum og festivalum. Hetta verður so nummar 12. Umframt luttøku á nógvum livefløgum, hevur MC-Hár lagt tvær útgávur eftir sær, “Framvegis uttan vit” og “Burn me”. Í februar í ár gav MC-Hár sítt fyrsta staklag í nógv ár "Exit Tórshavn" út, og lagið hevur verið nógv at hoyrt í útvarpi síðan tá. Leygarkvøldið er so ætlanin at halda eina uppaftur størri føðingar- dagsveitslu á tremur við kærleika og yvirkroppi. Vitusland og barnaundirhald Tá Tórsfest byrjar leygardagin kl. 16.00, verður tað við nógvum undirhaldi til børnini. Tá letur nevniliga Vitusland upp, sum er eitt spæliland við hoppiborgum v.m. Á stóru pallunum fara Bubu, Angela og Hannibal og Kúllarnir at undirhalda fram til kl. 19.00, tá stóru konsertirnar byrja. Forsølan gingið sera væl Tað verða nógv fólk á Tórsfest leygarkvøldið, tí forsølan hevur gingið sera væl, og í skrivandi stund eru ikki nógv atgongumerki eftir í forsølu. Fyriskipararnir hava tí gjørt av, at forsølan endar mikudagin kl. 18.00. Eftir hetta verður ein sera avmarkað nøgd av duraatgongu- merkjum sett til sølu fyri duraprís á 490,- kr. Hesi kunnu frá hósdegnum keypast á Torginum í SMS, í Kunningarstovuni í Havn og á ebillett.fo. Somuleiðis bera til at fáa armband á frá hósdegnum, á Torginum í SMS og á Kunningar- stovuni í Havn. Spar pening við at keypa atgongumerki í forsølu Tey fáu atgongumerkini, sum eru eftir í forsølu, kunnu keypast í Kunningarstovuni í Havn ella á ebillett.fo fyri bara 390,- kr + avgreiðslugjald fram til mikudagin kl. 18.00.