hósdagur 21. juli 2016síða 11

FRÍGGJADAGUR 22. JULI 2016 SOSIALURIN 84 11 DANJAL AV RANA Tað gekk væl at sløkkja eldin, sum var í húsunum hjá AA á Tinghúsveg­num mikukvøldið. Umleið hálv­an tíma eftir, at sløkkiliðið fekk fráboðan­ina um eldin, var hann sløktur. - Tað vóru serligar um­støður sum gjørdu, at tað gekk so skjótt í kvøld. Tanga­bilur okkara var longu í býnum til eina spuli­uppgávu, og koyrdi tí bein­leiðis oman og fekk hild­ið stand til brandbilurin kom, sigur Hans David Hansen, átaksleiðari. Tó at tað gekk skjótt at sløkkja, hava húsini fingið stóran skaða.  - Har er stórur skaði á hús­unum, bæði av eldi, royki og vatni. Tað er tó ikki so, at eldur stóð upp gjøg­num takið, sum fyrstu frá­boðanirnar søgdu. Eldur stóð út gjøgnum vind­eyguni á síðuni móti Ting­ húsvegnum, og tað er á tí síðuni, at størsti skaðin er hendur, sigur hann. - Av tí at tangabilurin var í býnum til aðra uppgávu, var neyðugt at senda stigabil­in eisini oman í býin við bæði útgerð og fólki.  - Tað var bara ein mað­ur í tanga­ bilinum, og hann hevði ikki brand­ drakt við sær, tí máttu vit senda stiga­bilin eisini, hóast vit vistu, at tørvur neyvan var á stiga­num sjálvum, greiðir átaksleiðarin frá. Eingin var í húsunum, tá eldurin kyknaði beint áðrenn klokkan 23. Talan er um húsini hjá AA (Anon­ ymum Alko­hol­ik­arum) á Ting­hús­ vegnum í Havn. Vakthavandi á løg­reglu­støðini váttar fyri in.fo, at eing­in var í húsunum, tá eld­urin kyknaði. Fyrranáttina var eldur sett­ur á tveir skutarar í urta­garðinum rundan um somu hús. ALT BRENDI INNAN Í HÚSUNUM Eini hús á Tinghúsvegnum fingu stóran skaða í eldsbruna mikukvøldið MYND: ANJA COLLIN