hósdagur 21. juli 2016síða 16

FRÍGGJADAGUR 22. JULI 2016 SOSIALURIN 84 16 SAMRØÐA HÓTT AV BRO Í MEKSIKO ANN KRISTINA S. SIMONSEN J órun Nielsen úr Vest­manna hev­ ur seinastu 5 árini verið bú­sit­ andi í Meksiko, har hon lesur til sálarfrøðing. Meksiko er eitt fantastiskt land, við sera blíðum og vin­ ar­ligum fólkum, men tó skal man ansa væl eftir, at man ikki kemur í samband við tey skeivu fólkini, tí hetta kann fáa álvarsamar avleiðingar. Tað sigur Jórun, sum fyri trimum mánaðum síðani var hótt av lim­um í meksikanska kartell­ inum, meðan hon var í starvsvenjing sum sálarfrøðingur. Vildi okkurt øðrvísi Kærleikin til Meksiko byrjaði av álvara tá ið Jórun, á sínum øðr­um árið á Fiski­ vinnu­skúlan­um, var á námsferð í býn­um Can­cun í Meksiko. Henni dámdi so væl landið, og fólkið ið hon møtti har, at tá ið hon kom aftur til Føroy­ar, gjørdi hon av at fara at kanna møguleikarnir fyri at nema sær út­búgving har. - Tá eg kom aftur frá náms­ferðini, var tað so myrkt og kalt her heima, at eg bein­anvegin longdist eftir at sleppa yvir aft­ur. Eg hevði avgjørt at fara undir hægri lestna, og vildi sleppa at royna okkurt heilt øðrvísi og spennandi land, við nógvari sól, sigur Jórun. Tað var ikki bara sum at siga tað, at fáa stýr á øllum sum skal fáast uppá pláss áðrenn tú kanst fara avstað. Jórun setti seg í samband við Studna, og fekk at vita, at um útbúgvingin hon ynskti varð góðkend av danska statinum, so var eingin trupul­leiki at fáa fíggjarlig­an stuðul frá Stud­na til útbúgvingina. Tó kann tað taka langa tíð at fáa í lag, tí tú kanst millum annað ikki byrja at søkja inn á útbúgvingar, um tær ikki eru góðkend­ar av danska SU fyrst. Stutt eftir námsferðina, fór Jórun tí í holt við at kanna skúl­ar, og at søkja um tey ymisku loyv­ini, ið neyðug vóru. Eitt ár eftir hetta, var alt komi upp á pláss, og Jór­un var sloppin inn á lærda háskúlan í Cancun, Meksiko, har hon skuldi lesa til sálarfrøðing. - Umframt hjálpina frá Stud­na, so eru fólkini í Cancun eisini sera blíð og hjálpsom, og har var nógv hjálp at heinta, bæði við øll­um pappírarbeiðinum, og tá ið tað snúðið seg um at finna okkurt at búgva í, eins og við øllum øðrum, ið skal til, tá ið tú kemur til eitt nýtt stað, sigur Jórun. Leyp út í tað Tann 23 juni 2011 er dagurin tá ið Jórun varð liðug við sína mið­náms­útbúgving á Fiski­vinnu­skúlanum, og sama dagin legði hon leiðina allan vegin til Can­cun, Meksiko. Har byrjaði hon nýggja lív sítt við at fara á ein mál­skúla í sponskum. Hesin skúlin vardi í tríggjar mánaðar, og síðani byrj­aði hon at lesa sálarfrøði á lærda háskúlanum. - Eg dugdi als ikki málið aðrenn eg fór, men vildi bara royna okkurt heilt nýtt, og nak­að ann­að enn tað, ið øll hini gjørdu, so eg leyp bara út í tað, sig­ur Jórun, ið sá lestrartíðina sum ein møgu­leika at læra landið og málið, ið hon var vorðin so hugtikin av, betur at kenna. Sjálvt um spanskt er móð­ur­málið í Meksiko, so er Cancun ein feriubýur, og tí duga tey allar­flestu eisini at tosa enskt. Hetta var ein stór hjálp, og eisini hjálpti tað, at tær flestu uppgávurnar tað fyrsta árið kundu læt­ast inn á enskum. Eftir hetta var allur lest­urin á sponskum, men tá var Jórun vorðin so mikið trygg í sponsk­um, at hetta als ikki var nak­ar trupulleiki. Nú, – Har yviri fært tú ikki nakra ávaring frá teimum kriminellu, um tey ætla sær at gera seg inn á teg, tí tey drepa fyrst - og spyrja aftaná. Tað sigur Jórun Nielsen, sum í blaðnum í dag greiðir frá bæði góðum og minni góðum hendingum, hon hevur havt tey seinastu 5 árini, hon hevur verið búsitandi í Meksiko