hósdagur 21. juli 2016síða 21

FRÍGGJADAGUR 22. JULI 2016 SOSIALURIN 84 21 62N nýggjan stjóra Ferðaskrivstovan 62N fær nýggjan stjóra 1. august. Tað er Bergur Thomsen, sum áður hevur starvast sum sølu- og marknaðarleiðari í traveldeildini í 62N, sum tekur við starvinum. Bergur Thomsen er 32 ára gamal. Hann er giftur og hevur eina dóttur. Hann hevur seinasta tíðina starvast á Sansum. Heidi Petersen hevur verið stjóri í fyritøkuni síðani hon og maðurin, Tummas Christophersen, keyptu allan partapeningin í fyritøkuni í 2014. Talan er um Flogfelag Føroya, sum í 2007 skifti navn til 62N. Oliver verður 70 Í morgin, leygardagin 23. juli, verður Oliver Joensen, blaðstjóri á Norðlýsinum, í Klaksvík 70 ár. Føðingardagin er hann saman við konuni og dygga stuðli sínum Elsu í Skotlandi. Eingin hevur so stútt og støðugt seinastu knøppu hálvu øldina profilerað Klaksvík og Norðoyggjar so nógv sum føðingardagsbarnið, sum í morgin røkkur dustsins árum. Síðani fyrst í sjeyti árunum hevur hann mest sum út í eitt staðið á odda fyri Norðlýsinum. Aftur og aftur hevur hann mint á, at setningurin er tann sami, sum hann var, tá ið hugsjónarmenn fyri stívliga hundrað árum síðani tóku seg saman at geva blað út, sum skuldi vera ein rødd hjá norð­ oyingum og ein verja ímóti tí, sum varð og verður roknað at vera ágangur aðra staðni frá. Oliver hevur verið ótroyttiligur við penninum og ikki minni við foto­tólinum. Norðlýsið fekk tíð­ liga fatur á týdninginum, sum digitala síðan av miðlanini hevur, og á netinum hevur nordlysid. fo eina rúgvu av fínari mynda dokumentatión av øllum møgu-lig­ um støðum og tiltøkum. Fyrst og fremst í Klaksvík og Norðoyggjum og har, sum klaksvíkingar eru uppí, men síðstu tíggju árini – síðani tunnilin læt upp – hevur málið eisini verið at dekka eystara partin av Eysturoy og Skálafjørðin alt meiri. At reka blað og miðlar í Føroyum er stór avbjóðing. Um alt arbeiðið skal gerast sambært sáttmála og við gjaldi fyri yvirtíð og viku­ skiftisarbeiði og dupultari løn, so høvdu bløð og heimasíður langt síðani verið burtur. Tað veit eingin betri enn Oliver. Høvuðsorsøkin til, at arbeiðið, sum hann fór undir fyri skjótt hálvari øld síðani, framvegis er við sítt fríska lív, er, at hetta er eitt familjuprojekt. Konan og børnini hava verið og eru uppií. Elsa og Oliver eiga fýra børn. John William lærdi til prentara og hevur í nógv ár rikið Norðlýsið saman við pápanum. Hannefía arbeiðir á Norðlýsinum, og Jastrid var eitt skifti uppí. Nú rekur hon saman við manninum egið virkið innan miðlar og annað, sum er tengt at tí. Jacobina býr í Reykjavík. Oliver er klaksvíkingur um ein háls. Foreldrini, Hannefía og John William, vóru klaksvíkingar. Tað lá kanska í kortunum, at føð­ ingar­dagsbarnið fór at verða sjómaður og skipari. Abbarnir vóru báðir skiparar – Oliver í Gøtu á Polarfarinum og Dávur úr Gerðum á Skálanesi. Oliver royndi sjólívið, men hann valdi at útbúgva seg innan skrivstovuyrkið, og hann var í Keypmannahavn og las víðari. Longsulin eftir føðistaðnum og heimliga umhvørvinum var orsøk til, at hann flutti heim aftur. Náttúran fyllir nógv. Oliveri dámar væl at flóta og veiða úr sjónum og luftini, hann er ofta við síla- og laksatráðuni á vøtnum og víkum, vágum og firðum kring landið, túrarnir í fjøllunum eru nógvir, og ferðirnar til Selatraðar, har konan hevur røtur, hava verið nógvar. Arbeiðið á Norðlýsinum hevur borið so mangt annað við sær, sum føðingardagsbarnið sjálvur og saman við øðrum hevur fingið á glið. Hann var stjóri á kunn­ing­ar­ stovuni og skipaði fyri rund­ferð­um kring oyggjarnar við Smyrli. Hann eigur stóran leiklut í sjó­manna­ degnum og kópakonuni, og soleiðis kundu vit hildið fram. Vit takka fyri gott samstarv við fryntliga og fyrikomandi nú 70 ára gamla unglingan í øll hesi árini, og vit vóna, at tað fer at halda fram. Hjartaliga til lukku og blíðan byr ynskja vit Elsu, tær, børnunum, verbørnunum, abbabørnunum - og Norðlýsinum! Sosialurin MYND: SÍMUN Á HØVDANUM MYND: SÍMUN Á HØVDANUM PRIVAT MYND