mánadagur 1. august 2016síða 39

04-06/08 SUMMAR FESTIVALURIN 2016 11 LETUR NÓGVAR GÁVUR Cliff Richard verður ofta nevnd­ ur sum tann peni drongurin innan tónleikin. Hann hevur fyri tað nógva hildið seg burtur frá gølusøgunum, og hann hevur øll árini viðgingið sterku ávirkanina, sum átrúnaður hevur hjá sær. Eitt nú hevur hann í hálva øld havt sum fast prinsipp at lata tíggjund av øllum inn­ tøkum sínum til vælgerandi endamál. Orsøkina til hetta sigur hann vera, at grammleiki eftir ríkidømi er rótin til alt ilt, og heldur vil hann vísa í verki, at tey, ið hava nóg mikið, eisini skulu lata burturav til onnur, ið ikki eru eins vælbjargað. Eitt nú er hann fastur stuðul hjá Tearfund-grunninum, sum stríðist móti fátækradømi í heiminum. Hann hevur latið stórar upphæddir til gransking innan alzheimer, og umvegis egna Cliff Richard Charity Trust letur hann stuðul til á leið 200 vælgerandi átøk um árið. COUNTRY-DROTNINGIN VIÐ SALTANGARÁ Seinnu árini hevur Kristina Bærend­sen verið millum fremstu – um ikki tann fremsta – country- songkvinnan her á landi. Heilt óvæntað mundi tað ikki vera, tá hon er dóttir Alex Bærendsen, men sum einstaklingur hevur Kristina langt síðani traðkað úr fótasporunum hjá pápanum. Bæði sum solistur og saman við øðrum hevur Kristina í fleiri ár framført sínar framúr tulkingar av country- og gospelsangum. Ein part av lønini fekk hon, tá hon í 2011 saman við country- legend­uni, Bobby Bare, hevði eina minniliga útseting av Let it be Me. Seinnu árini hevur hon ofta framført saman við Halli Joensen, sum av mongum verður rokn­aður sum føroyski country- kongurin. Nú hon er vorðin 25 ára gomul, hevur Kristina longu staðið fyri tveimum fløgu-útgávum, sum báðar hava verið framúr væl mót­tiknar, og somuleiðis eru um­ mælini framúr, hvørja ferð hon er á palli. Fyri stuttum hevur Kristina verið á konsertferð í Danmark, og tí kann roknast við, at formurin er í toppi, nú hon fer á pall á Summ- ar­festivalinum. Har verður tað uttan iva ein blanding av egnum løgum og nøkrum løgum frá kendum út­ lendskum nøvnum, har Kristina við síni framúr rødd tulkar stóru meistararnar. SIGNAR Á STÓRA PALLIN Seinastu tríggjar ferðirnar hevur Signar í Homrum verið partur av skránni hjá Summarfestivalinum. Bæði við framførslum í tjaldinum og á Torginum. Hvørja ferð hevur breið semja verið um, at framførslurnar hjá Signari hava verið millum tær allar bestu í eini annars frálíkari skrá, og í ár skal hann veruliga standa royndina, tá Signar verður eitt av nøvnunum, sum sleppa á Vágsbø at framføra. Signar er ikki nakar ársungi innan føroyskan tónleik. Longu fyrst í 90’unum var hann saman við Kjølum ofta at hoyra á ymsum dansigólvum kring landið, og tað var eisini her, at eitt stóru hittum hansara, Sorgblídni, fyrstu ferð var at hoyra. Stílurin hevur alla tíðina ver­ið melodiøsur rockur, sum er skriv­ aður á føroyskum til før­oy-ingar, og sjálvandi sleppa vit ikki undan at nevna, at onkur framúr góð umseting úr íslendskum eisini er millum úrvalið. Tað er tó fyrst og fremst hetta at skriva rock á føroyskum, sum Signar hevur verið eksponentur fyri. Tað nógva av tíðini hevur tað kanska verið hart arbeiði, har takkarlønin ikki hevur verið tann heilt stóra, men í dag kunnu vit øll siga, at føroyingar hava tikið hetta til sín. Seinastu trý-fýra árini man Signar hava verið eitt tað mest spælda tónleikanavnið í føroysku loftmiðlunum, og tað er eisini upp á tíðina, at hann nú sleppur á stóra pallin at royna seg. Torgið tóktist í øllum førum dekan ov lítið, tá Signar í fjør hevði enn eina minniliga festi­ val­framførslu. PUNJAB VIÐ LÍVLIGUM BLANDI Punjab hevur seinastu árini sett veruligt lív í føroyskan tónleik. Bólkurin Punjab spælir alterna­tivan funk-rock við jazz­ íblástri og er nakað heilt fyri seg á tónleikapallinum í Føroyum. Bólkurin var stovnaður í 2012, og í fjør góvu teir fyrstu út­gávuna, The Flying Elephant, út. Teir hava eisini gjørt vart við seg við framførslum á størri og smærri tiltøkum og konsertum kring landið. Framførslurnar hjá Punjab eru lívligar og grundaðar á framúr saman­spæl hjá dugnaligum tónleikarum. Teir hava skrivað frálíkar sangir og lagt til rættis sera fangandi tónleik. Nú er tíðin komin til, at Pun­ jab vitjar landsins størsta tón­ leika­tiltak. Cliff Richard er føddur enter­tainari. Síðani fyrstu framførslurnar afturi í 50’unum hevur pallurin hevur verið heimstað hans­ ara, og enn sum áður eru um­mælarar á einum máli um, at talan er um ein tann fremsta popparan. Ikki bara í tónleikasøguni, tí har verður hann mest sum ikki tikin, men eisini í dagsins útgávu dugir hann betur enn teir flestu at framføra sítt show og fáa lív í fjøldina. – Tað eru helst fá ting, ið eru eins surrealistisk, sum sjónin, tá ein nøkur- og-hálvfjerðsára gamal maður í leðurbuksum stend­ ur á palli og syngur løg, meðan ung sprung rista við mjadn­unum á pallinum. Men tað er ikki ein tann ein­asti í áskoðarafjøldini, sum leggur petti í tað, skrivaði ummælarin hjá The Guardian, tá Sir Cliff Richard hevði fyrstu framførslurnar av síni 75-ára konsertferð. Hóast ágangurin við følskum ákærum um bæði líkt og ólíkt hevur verið harð­ur, er Cliff Richard fram­vegis hin sami, tá hann fer á pallin. Hann megnar framvegis at koyra á í hálvan triðja tíma, og størsti trupulleikin er uttan iva, at hann ikki hevur ein livandi kjans at framføra alt tað, sum áhoyrararnir vilja sleppa at hoyra. Nógvir av kendastu góðbitunum eru tó altíð á skránni, og tí skulu vit uttan iva rokna við eini enskari hitparadu av teimum stóru hóskvøldið. STÓRT­RÍVIST Á PALLINUM