týsdagur 2. august 2016síða 9

9 Mikudagur 3. august 2016 · Nr. 87 Sosialurin Hugskot og viðmerkingar – send sms til 225000 Árni Gregersen Í Danmark er pass lógini broytt seks ferðir síðani 1999, men í Føroyum eru broytingar ikki gjørdar hesi árini. Lógin skal tí dagførast. Heimurin er broyttur nógv seinastu árini og krøvini til passið, sum váttar eins samleika, eru herd munandi. Í Føroyum hava vit ikki dag­ ført lógina, men kortini eru pass­ini dagførd. Praktiskt er tað gjørt, at før­oysku passini eisini hava tær dagføringar, sum verða gjørdar í Danmark, men lógarverkið og tær dagføringar, sum skulu gerast har, eru ikki gjørdar. Uppskot um dagføring av pass­ lógini í Føroyum verður lagt fyri Løgtingið í heyst. Við uppskotinum verður heim­ ild givin at áseta, at umsókn um pass verður send gjøgnum talgilda skipan. Umframt vanliga gjaldið fyri pass skal eisini serstakt gjald lat­ ast fyri at fáa talgild fingraprent í passið. Gjaldið fyri pass til vaksin og fyri pensjónistar, sum hava fylt 67 ár, verður dagført. Løgreglan sigur á heimasíðuni, at passið skal kunna lesast við maskinu og at passmyndirnar í dag skulu takast eitt sindur øðrvísi enn fyrr. Tað er eisini soleiðis í dag, at fingframerkið verður tikið, tá ið tú fært nýtt pass. Í dag kostar tað 400 krónur at fáa pass, men pensjonistar og børn undir 18 ár sleppa munandi bíligari. Føroyingar skulu sambært ólavsøkurøðu løgmans til at gjalda meira fyri pass DÝRARI PASS VIÐ FINGRAMERKI Á Árni Gregersen Ein avgerð skal takast um nýggja fiskivinnuskipan nú. Tað staðfesti løgmaður í ólav­ søkurøðunu. Løgmaður bjóðaði andstøðuni við til at gera skipanina, men onki er sum bendir á, at andstøðan verð­ ur partur av skipanini. Í hvussu so er meldaði Fólka­ flokkurin greitt út í gjár undir orða­skiftini um ólavsøkurøðuna, at verður uppboðssølan av fiski­veiðu­ rættindum ein partur av nýggju skipanini, so fer flokkurin ikki at taka undir við einum uppskoti. Jørgen Niclassen, formaður í Fólkaflokkinum, var rættu­liga greiður, tá ið hann boðaði frá hesum, men løgmaður, Aksel V. Johannesen, Javnaðarflokkur­in, helt samstundis fast við, at fiski­ vinn­an í framtíðini skal arbeiða und­ir einari marknaðarskipan. Hinir andstøðuflokkarnir hava ikki verið so avgjørdir, men sum heild taka teir ikki undir við upp­ boðssøluni. Anita á Fríðriksmørk, Tjóðveldi, segði undir orðaskiftinum, at tað heldur ikki er full semja í sam­ gonguni um allar lutir í upp­boðs­ søluni. Ósemja í bólkinum Ein arbeiðsbólkur situr, sum skal gera eitt uppskot til nýggja fiski­ vinuskipan. Upprunaliga hevði hann freist til 1. august at koma við einum uppskoti, men bólkurin megnaði ikki at gera arbeiðið liðugt og hevur fingið nakað av tíð afturat. Í bólkinum er eisini ósemja um uppboðssølu og hvør atgongdin skal vera til fiskirættindini. Sum støðan er júst nú, so bendir mest á, at samgongan sjálv noyðist at bera fiskivinnunýskipanina í gjøgnum uttan hjálp frá and­ støðuni – í hvussu so er ikki frá Fólka­flokkinum. Onki bendir á semju um fiskivinnupolitikk Nógv bendir á, at samgongan sjálv má bera nýggja fiskivinnupolitikkin ígjøgnum Asel V. Johannesn, løgmaður, fastheldur, at ein marknaðartilgongd verður partur av fiskivinnunýskipanini Jørgen Niclassen, formaður í Fólkaflokkinum, vil ikki taka undir við einari skipan, sum eisini umfatar uppboðssølu av fiskirættindum