hósdagur 4. august 2016síða 5

FRÍGGJADAGUR 5. AUGUST 2016 SOSIALURIN 88 5 FRÍGGJADAGUR 22. JULI 2016 SOSIALURIN 84 missir hann balansuna og tað fer at øra fyri honum. Av tí sama kennir hann seg als ikki trygg­an at ferðast eftir trappum ella í bili. Í læknafrágreiðingini verður lagt afturat, at tað verður ógvu­liga torført hjá Magnusi at røkja fyrr­ verandi lívsstørvini sum sjómaður ella lastvognsførari, og at hann átti at søkt um avlamiseftirløn. – Hann var ein arbeiðssamur og heilt vanligur maður, sum nærum ongantíð var sjúkur. Harða arbeiðið bygdi hann til ein stóran mann, og sum eg skilti, vóru tað bert vødd­ arnir, sum bjargaðu Magnusi frá at gerast heilt lamin. Hóast tað, gjørdist hann heilt óarbeiðsførur eftir arbeiðsskaðan, sigur Súsanna. Kendu onga frágreiðing Læknafrágreiðingin varð send til Føroya Vanlukkutryggingarráð og Tryggingarfelagið Føroyar, sum komu til ta niðurstøðu, at ar­beiðsskaðin var somikið álvar­ samur, at hann var fevndur av ar­beiðsskaðatryggingarlógini. Avgjørt varð at veita fyribils endurgjald fyri mist vinnuføri, tí endalig støða ikki var tikin, hvørt Magnus fór at gerast ar­ beiðsførur aftur. Áðrenn endalig støða var tikin í málinum, kom Magnus Holm í óføri við báti sínum og druknaði hálvtannað ár eftir arbeiðsvanlukkuna. Av tí, at Magnus andaðist um 18 mán­aðir eftir óhappið, verður end­ur­gjaldið fyri varandi mein minkað við tveimum trið­ing­ um. Rættar­siðvenjurnar hjá Patientankenævnet, ið Tryggingar­ felagið Føroyar heldur seg til, áseta nevniliga, at, er livitíðin eftir skaðan millum 7-20 mánaðir, minkar endurgjaldið við tveimum triðingum, uttan mun til um deyðin kemst av ar­beiðsskaðanum ella ikki. Eftir sorgarbornu vanlukkuna hjá Magnusi, settu Súsanna og sonurin seg í samband við løg­ regluna í Suðuroy at vita eftir hvønn veg málið vendi á skriviborðinum hjá Arbeiðs­eftirlitinum, har løgreglufólkið vissaði Súsonnu um, at skaðafráboðanin varð send. Síðani settu tey seg í samband við Arbeiðseftirlitið at kanna málið nærri, og vita hvat Arbeiðseftirlitið hevði skrivað niður viðvíkjandi arbeiðsskaðanum hjá Magnusi. Men á Arbeiðseftirlitinum kendu tey als ikki til málið. – Tað dugdu vit ikki at skilja. Tað var óbehageligt at illteinkja antin løgregluna ella Arbeiðseftirlitið. Serliga, tá ið vit natúrliga valdu at trúgva politistinum, sum vit kendu í Suðuroy. Eftir stóðu vit við spurninginum um »hvør lýgur?«, greiðir Súsanna frá. Hildin fyri spott At Arbeiðseftirlitið skuldi havt borið fram ósannindi viðvíkjandi málinum um arbeiðsskaðan hjá Magnusi, vildi Arbeiðseftirlitið ikki hava sit­andi á sær, og sendi síðani fólk til Suðuroyar at fáa greiðu á støð­uni. Tey staðfestu, at skrivliga frá­greiðingin hjá løg­ regluni við­víkjandi arbeiðs­van­ lukkuni hjá Magnusi, ikki var nøktandi, umframt, at eingin frá­boðan nakrantíð varð send »Hann var ein arbeiðssamur og heilt vanligur maður, sum nærum ongantíð var sjúkur« Magnus við kraga eftir arbeiðsvanlukkuna. Her situr hann saman við Súsonnu Súsanna Holm hevur togast við myndugleikarnar eftir, at maður hennara doyði MYND: BJARTUR VEST ➘