hósdagur 4. august 2016síða 7

FRÍGGJADAGUR 5. AUGUST 2016 SOSIALURIN 88 7 aðu okkum kreppuhjálp. Men málið um arbeiðsskaðan tykist hava verið drigið út inntil tað er fyrnað. At tað yvirhøvur kemur fyri, kann eg ikki góðtaka, sigur Súsanna, sum tískil hevur tikið stig til at fara í fjølmiðlarnar við málinum. – Eg havi fingið fleiri áheitanir um at bera hetta fram, og nú havi eg einki at missa. Rætt skal vera rætt; vit vóru ov sein at fráboða, og málið er fyrnað. Tað mugu vit góðtaka, men tá ið umstøðurnar eru, sum tær eru, vil eg gjarna fáa málið fram, soleiðis, at hetta ikki hendir aftur, sigur hon, og heldur áfram: – Kanska man hevur ov nógv álit á myndugleikunum, og bara stólar uppá, at tey taka sær av okk­um, tá ið tørvurin er har. Men her tykir tað mær, at løgreglan var meira upptikin av at rudda fyri egnar dyr, enn at koma okk­ um til hjálpar. Vit høvdu í hvussu er farið øðrvísi fram, um vit høvdu hesa vitanina nú. Høvdu sett okkum í samband við arbeiðs­ plássi at vita eftir hvørjar avhoyr­ ingar vórðu gjørdar, um Arbeiðs- eftirlitið varð kontaktað og so fram­vegis. Nú vil eg nýta høvi at eggja øðrum føroyingum til at fylgja slíkum málum upp, soleiðis at einki líknandi hendir aftur, tí tað er ótrúliga tungt at togast við yvir­vøldina, samstundis sum man hevur mist ein av sínum nærmastu, sigur Súsanna Holm at enda. »Nú havi eg einki at missa« Súsanna hevur latið Sosialinum innlit í skjølini í málinum Tíðarlinja Desember 2011 − 58 ára gamli Magnus Holm er til arbeiðis fyri Faroe Farming, tá ið eitt tungt lok verður blást oman av einum alikari og rakar hann í nakkan. Magnus fær eitt opið sár í høvdið og liggur uttan vit í slakar fimm minuttir. Á sjúkrahúsinum verða staðfest óstabilur »hangman frakturur« í ryggjargeislanum, missur av framtonnum, brot á eygnabeini og innvortis bløðingar. − Løgreglufólkið á staðnum átekur sær, sambært Súsonnu, ábyrgdina at fráboða arbeiðseftirlitinum um skaðan. November 2012 − Tríggjar mánaðir eftir óhappið, vístu røntgenmyndir bata á beinbrotinum hjá Magnusi, men hann hevur framvegis nógvan ampa frá óhappinum næstan eitt ár eftir tilburðin. Í læknafrágreiðingini verður mett, at tað gerst ógvuliga torført hjá honum at røkja fyrrverandi lívsstørvini sum sjómaður ella lastvognsførari, og at Magnus átti at søkt avlamiseftirløn. Februar 2013 − Føroya Vanlukkutryggingarráð hevur fingið øll skjøl, og gongur umsóknini um tryggingarendurgjald fyri arbeiðsskaða á møti við støði í læknaligu frágreiðingini. Juli 2013 − Magnus letur lív, tá ið báturin hjá honum søkkur á Vágsfirði. Mai 2014 − Magnus doyði 18 mánaðir eftir arbeiðsóhappi, og sambært rættarsiðvenju, sum Tryggingarfelagið Føroyar vísir á, minkar endurgjaldið við tveimum triðingum, um livitíðin eftir skaðan er millum 7-20 mánaðir. Hetta er uttan mun til, um deyðin stendst av arbeiðsskaðanum ella aðrari orsøk. Juni 2014 − Arbeiðsskaðaviðgerðin hjá Magnusi varð ikki liðug áðrenn hann doyði. Við andlátinum boðar Føroya Vanlukkutryggingarráð frá, at arbeiðsskaðaviðgerðin nú verður steðgað. − Súsanna Holm ringir til Arbeiðseftirlitið eftir kunning viðvíkjandi málinum um arbeiðsskaðan hjá nú deyða manni hennara. Boðini eru, at Arbeiðseftirlitið einki kennir til málið, hóast løgreglan í Suðuroy hevur vissað Súsonnu um, at skaðin varð fráboðaður. − Arbeiðseftirlitið sendir fólk til Suðuroyar at kanna umstøðurnar kring arbeiðsskaðan hjá Magnusi, og staðfestir, at ongin avhoyring er farin fram av starvsfeløgum, leiðslu ella møguligum vitnum. Ei heldur hevur løgreglan sent Arbeiðseftirlitinum nakra skaðafráboðan. Juli-november 2014 − Súsanna setir seg í samband við løgregluna at vita eftir, um málið veruliga ikki varð fráboðað, og nú váttar løgreglan brádliga. Orsøkin var, at, tá ið løgreglan spurdi seg fyri um støðuna hjá Magnusi á Suðuroyar sjúkrahúsi fyri sløkum 2-3 árum síðani, fingu teir at vita, at skaðin ikki var serliga álvarsamur, og tískil valdi løgreglan ikki at gera meira við málið. Tó dugir løgreglan ikki at siga hvønn tey hava tosað við á sjúkrahúsinum. − Súsanna undraðist á hetta, tí sambært sjúkrafrágreiðingini var støðan álvarsom, og alt tíðarskeiði eftir skaðan hjá Magnusi, helt løgreglan henni í trúnni um, at skaðafráboðanin varð send Arbeiðseftirlitinum. – Stjórin á Suðuroyar Sjúkrahúsi dugir ikki at síggja, at løgreglan hevur verið í sambandi við sjúkrahúsið viðvíkjandi Magnusi, og ei heldur er tað vanlig mannagongd at løgreglan setir seg í samband við læknar ella sjúkrahús, tá ið tað kemur til arbeiðsskaðar. – Hon tekur tískil stig til at kæra arbeiðsháttin hjá løgregluni í Suðuroy fyri Føroya Landfúta. November 2014 – Vegna løgregluna, biður landfútin Súsonnu um umbering fyri handfaringina av málinum, og viðgongur, at bæði avhoyringarnar og fráboðanin til Arbeiðseftirlitið áttu at verið framdar skjótari og betri. Mars 2016 − Arbeiðseftirlitið vísir á, at málið lýkur lógarásetingarnar fyri arbeiðsvanlukku og at arbeiðsumhvørvið ikki hevur verið nøktandi. Tó er fráboðanin komin Arbeiðseftirlitinum somikið seint í hendi, at málið er fyrnað. Apríl 2016 – Fútin tekur fráboðanina hjá Arbeiðseftirlitinum til eftirtektar, og boðar Súsonnu frá, at kanningin av málinum verður steðgað, tí málið er revsirættarliga fyrnað. Av tí sama verður ógjørligt at sikta Faroe Farming ella onnur.