hósdagur 4. august 2016síða 12

FRÍGGJADAGUR 5. AUGUST 2016 SOSIALURIN 88 12 NELI HELDARSKARÐ K lokkan er farin eitt sindur av 11 mikudagin 3. august, tá ið Wim Wenders møtir eitt sindur ov seint upp til sín egna tíð indafund, har føroysku fjøl­ miðlarnir fjølmentir eru møttir upp. Hetta er tann umvenda verð, tí at tað er tað nakar, sum hevur tann eginleikan at møta ov seint upp til ymiskt, so man tað vera føroyingar. Wim Wenders er ein blíður maður, og hóast týski filmsstjórin er blivin heili 70 ára gamal, so er hann framvegis virkin innanfyri filmslistina. Hann hevur stjórnað kendar filmar sum Wings of Desire, Buena Vista Social Group og Salt of the Earth. Hendan mikudagin er Wenders ílatin sermerktar bláar skógvar við samsvarandi bláum hosum, og eisini er hann í einum rættiliga leysum, brún um klædningi. Ikki júst tann klædna­ stílurin, ið føroyingar eru vanir við. Hevur tikið upp í fimm londum Orsøkin til, at Wenders er í Før­ oyum er, at hann seinastu vikuna hevur gjørt upptøkur í Føroyum til komandi film sín, Submergence, ið eftir ætlan verður frumsýndur á stóra filmsfestivalinum í Cannes í mai 2017. Cannes er ein býur í sunnara partinum av Frak landi. Talan er um ein film, ið landa­ frøðiliga spennir víða, tí at hann er blivin upptikin í heili fimm londum. ­ Vit byrjaðu í Berlin í Týsk landi, og síðani fóru vit til sunnara part­ in av Frakland. Eftir hetta fóru vit aftur til Berlin, áðrenn vit fóru til Madrid og útjaðarar í Spania. Síðani gekk leiðin til Djibouti í Afrika, áðrenn vit endaðu films­ upptøkurnar her í Føroyum, sigur Wim Wenders við Sosialin. Tá ið filmsupptøkurnar skulu gerast í so nógvum londum, so er sjálvsagt, at tað tekur drúgva tíð at fáa allar upptøkurnar í kassan. ­ Upptøkurnar til filmin byrj aðu fyrst í apríl, og nú eru vit komin til august. Vit hava brúkt langa tíð upp á upptøkurnar til hendan filmin, tí at vit hava havt steðgir í hvørjum landi, har vit skuldu fyri reika upptøkurnar. Onkuntíð vikur, og onkuntíð eisini longri enn tað. Men tilsamans hava vit brúkt fýra mánaðir upp á upptøkurnar til filmin, greiðir Wim Wenders frá. Ein øðrvísi filmur enn allir aðrir Submergence verður eitt sindur meira enn tveir tímar til longdar, og av hesum fara føroysku upp­ tøkurnar í filminum at fylla umleið 10 minuttir. Men hvat eru tað fyri nakrar upptøkur, ið Wenders hev­ ur tikið upp í Føroyum? ­ Vit hava tikið ymsar upptøk­ ur á sjónum nærhendis Tind hólmi. Eisini í einari holu, har vit sigldu ígjøgnum og høvdu eina heila dialogscenu. Síðani tóku vit eina langa scenu upp við einum fossi nær við Bøi, har Alicia Vikander var við. At enda tóku vit upp á flog vøllinum og á nøkrum vegum nærhendis, sigur Wenders um føroysku upptøkurnar. Alicia Vikander er 27 ára gom­ ul, og er hon filmsleikari úr Svøríki. Hon hevur verið við í filmum sum Testament of Youth, Ex Machina, og fyrr í ár vann hon ein Oscar fyri sín leiklut í film­ inum The Danish Girl. Tá ið Wenders verður biðin um at samanbera sín komandi film við aðrar av sínum mongu filmum, so sigur hann, at hesin veruliga skilir seg úr mongdini. ­ Hesin filmurin er øðrvísi enn allir aðrir, ið eg áður havi gjørt. Talan er um ein sannan ævin­ týrafilm við heimspolitiskum dimen sjónum. Filmurin er eis­ ini upp livingarríkur og er kær­ leiks filmur burturav, ið eisini er hjartaskerandi. Eg havi ongantíð havt so nógvar torførar, ymiskar og serligar upptøkur sum í hesum film inum, sigur Wim Wenders, ið veruliga meinar hvørt eitt orð. Ein vinningur at sleppa til Føroyar Tá ið filmsupptøkurnar skulu ger­ ast í so nógvum ymiskum lond um, har Djibouti man sigast at vera tað mest fjarskotna, kundi ein møguliga ímyndað sær, at hug­ urin at koma til Føroyar at gera tær allar síðstu upptøkurnar ikki hevur verið tann allar besti. Men Wim Wenders staðfestir at enda, at hann er ómetaliga glaður fyri at hava tikið tær síðstu upptøkur nar í júst Føroyum. ­ Aftaná alt tað harða arbeiðið, ið vit gjørdu í Afrika, so haldi eg, at tað at koma til Føroyar var ein vinningur fyri okkum. Tær føroysku upptøkurnar eru tær síðstu fil filmin, og tað var ein sannur heiður at taka tær upp her, sigur Wim Wenders at enda. Wim Wenders fór av landinum klokkan 15 mikudagin, og nú er eitt drúgt arbeiði fyri framman at fáa mongu filmsupptøkurnar í eina sam anhangandi eind. Seinastu vikuna hevur kendi, týski filmsstjórin, Wim Wenders, verið í Føroyum og gjørt filmsupptøkur til komandi film sín, Submergence. Sosialurin hevur hitt hann til eitt prát EIN HEIÐUR AT TAKA UPP Í FØROYUM Kendur filmsstjóri í Føroyum: FAKTA: Navn: Wim Wenders Yrki: Filmsstjóri Aldur: 70 ára gamal (føddur 14. august 1945 í Düsseldorf) Hevur stjórnað filmum sum Wings of Desire, Buena Vista Social Club og Salt of the Earth. Um filmin Submergence:  Filmurin snýr seg um bretan, James More, ið er tikin til fanga í eystara partinum av Afrika av jihadistum. Í "Greenland", sum helst skal ímyndast at vera Føroyar, er Danielle Flinders klár at kava undir vatni við einum undirvatnsbáti fyri at bjarga mannin, ið hon elskar. Síðani verður filmshyggjarin leiddur aftur til farnu jólini, har James og Danielle hittust á fronsku strondini og gjørdust forelskað. FILMUR