fríggjadagur 10. september 2004síða 10

Nr. 172 - 10. september 2004 19 Hesaferð var betri Eftir at hann í sínum fyrsta landsliðið varð avsmurdur, kundi Claus Bech Jørgensen bera høvdið nakað hægri hesaferð FÓTBÓLTSPRÁT Jákup Mørk jakup@sosialurin.fo Tað var ikki nøkur serlig debut, sum Claus Bech Jørgensen fekk, tá hann í sínum fyrsta landsdysti var við til at fáa ein orduligan umgang í Sveis. Mikudagin eftir dystin var lagið tó øðrvísi betri, og orsøkin var eisini sjálvsøgd. – Vit bitu í øllum førum meira frá okkum í dag, so tað var ein øðrvísi upp- living. – Og tað at spæla móti slíkum stjørnum. Var tað eisini ein av orsøkunum til, at tú valdi at siga ja til landsliðsfótbólt? – Hetta eru sjálvandi stórar avbjóðingar. Talan er jú um leikarar í heims- flokki, men tá vit fyrst eru á vøllinum, so eru teir tíbetur eisini bara menniskju. Og tí bar eisini til hjá okkum veruliga at fara í teir. – Og tað sá heldur ikki út til, at tit høvdu so øgiliga stóra virðing fyri teimum? – Vit høvdu ta virðing fyri teimum, sum teir høvdu uppiborið. Men vit vóru ikki bangnir. Bólturin er jú rundur, og alt kann henda á einum vølli. Fyrstu 20 minuttirnar ella so hevði føroyska liðið eisini sera gott tak á stjørn- unum. Og sjálvur sigur Claus, at hetta var løtan, har føroyska liðið skuldi gjørt meira um seg. – Eg haldi sjálvur, at vit taka teir á bóli. Høvdu vit tá megna at skorað, so kundi dysturin væl verið øðrvísi. Men hinvegin, so sigur tað seg eisini sjálvt, at vit ikki kundu halda slíkum trýsti ein heilan dyst. – Og seinna hálvleik haldi eg eisini, at vit hava hampuligt tak á. Ikki minst eftir at Vieira verður útvíst- ur. Men so fáa teir hatta kontra-málið, har teir sløkkja ljósið. Og eftir avrikið miku- kvøldið duldi hálvi vest- menningurin ikki, at talan hevði verið um hart stríð. – Vit brúka eina øgiliga rúgvu av kreftum, men tað gav eisini úrslit. Ikki minst fáa vit fatur á nógvu av næstu-bóltunum, so sjálv- andi vóru vit troyttir. Men tað bilar so heldur einki, staðfesti hann at enda. Broyttu rangstøðu- reglurnar høvdu við sær, at seinna franska málið varð góðkent ON- ELLA OFFSIDE Jákup Mørk jakup@sosialurin.fo Tað vóru fleiri, sum vildu vera við, at seinna franska málið als ikki skuldi verðið góðkent. Hetta tí tey hildu Djibrill Cissé vera rang- staddan. Hetta er tó ikki so, og var talan um rangstøðu, so var tað í øllum førum ikki málskjúttin, sum var rangstaddur. Niklas á Líðarenda, næstformaður í FSF, er fyrrverandi altjóða dómari, og hann greiðir soleiðis frá um reglurnar. – Ein spælari er rang- staddur, um hann í rang- støðu fær bóltin, hevur fyri- mun av síni støðu, ella órógvar spælið. Cissé var sjálvandi í rangstøðu, tá bólturin verður spældur út í síðuna, men hevur onga ávirkan á spælið, og órógv- ar sum so einki. – At hann so eftirfylgj- andi fær ein veldugan fyri- mun, tá bólturin verður spældur inn, hevur einki við sakina at gera. Tá er talan um eina nýggja støðu, sum skal síggjast fyri seg, og hann var so ikki rang- staddur, tá bólturin verður lagdur til hansara. Var talan um rangstøðu, so skuldi tað verið, tí Giuly, sum legði upp til málið, var rang- staddur, og tað dugi eg so ikki at siga, um hann var, sigur Niklas. So í veruleikanum var hatta kanska eitt skúladømi um, nær tað skal veittrast og ikki? – Tað kanst tú gott siga. Tað er nokk heldur eingin loyna, at hatta er ein regla, sum vit ikki hava fingið gjøgnumført nóg væl enn. Uttanlands hava dómar- arnir lagt sera stóra áherslu á hetta, síðani broytingin varð gjøgnumførd, og tað kundu vit kanska eisini gjørt her. Vit hava kanska prioriterað øðrvísi í so máta, men tað er eingin ivi um, at hetta eisini kemur at sláa ígjøgnum her heima, sigur altso Niklas á Líðar- enda at enda. Onside – Vit høvdu ta virðing fyri teimum, sum teir høvdu uppiborið. Men vit vóru ikki bangnir, staðfesti Claus Bech Jørgensen Mynd: Álvur Haraldsen 19 18 Nr. 172 - 10. september 2004 Føroyska spælið í dystinum mikukvøld- ið var kanska tað besta, sum nakað før- oyskt landslið hevur sýnt, og tí fær illa ver- ið annað enn reint UG yvir alla linjuna. Kanska var tað serliga miðvøllurin, sum átti sín lut í trýstinum, sum føroyska liðið til tíðir hevði, men talan var heilt, heilt avgjørt um eitt kollektiv, sum lyfti størstu hugsandi uppgávuna í felag LEIKARAUMMÆLI Jákup Mørk 1. Jákup Mikkelsen, KÍ (34 dystir/0 mál) Hevði endurvunnið sær sessin sum fyrsti-málverji, men í mun til mótstøðuna, hevði hann merkisvert lítið at gera. Bert eina ferð var veruligur tørvur á eini kanón-bjarging, men ta ferðina vóru fraklendingar fyrstir at fylga upp. Tóktist annars at hava eina stabili- serandi effekt á verjuna, og var sera tryggur í tí mesta av tí, sum hann tókst við. 2. Súni Olsen, GÍ (15/1) Sýndi enn einaferð eitt av bestu føroysku avrikunum. Framúrskarandi bóltfør- leikin ger, at tað trupla gerst so sera einfalt, og longu neyvu sendingarnar vóru eisini til staðar. Eftir steðgin var eisini sjónligt, at fraklendingar ikki vildu hava hann við í spælið, tá trýstið ofta bleiv lagt so- leiðis, at okkara heldur máttu spæla mitt á ella til høgru. Tað ljóðar at fleiri føroysk feløg bjóða honum nógv fyri sáttmála til kom- andi ár, men spurningurin er helst, hvørt ein slíkur leikari hoyrir heima í før- oysku landskappingini. 4. Pól Thorsteinsson, B36 (35/0) Er framvegis fyrsta val á høgra bakki, og hesaferð prógvaði hann eisini, hví so er. Megnaði aloftast at standa rætt, tá longu bólt- arnir vórðu sendir niðan, og forðaði sostatt mótstøðuni í at yvirspæla seg. Hevði fyri steðgin ávísar trupulleikar í avspælinum, men hetta betraðist munandi eftir steðgin. Ikki minst eftir reyða kortið til Viera, sum annars kom, tá Pól var kvikari á bóltinum enn franski liðskiparin. 5. Jón Rói Jacobsen, BK Frem (18/0) Tykist enn ikki vera komin í fullar snúningar, men tað er nokk ikki annað enn væntandi, tá skaðasteðgur- in hevur verið so drúgvur. Megnaði tó í fleiri førum at koma ímillum franska smá- spælið, og steðgaði soleiðis nógvum vandastøðum, áðr- enn tær gjørdust vanda- miklar. Hevði tó merkis- verdar trupulleikar í av- spælinum, har hann eini tvær ferðir kom Føroyum í vandastøður, uttan at hetta tó kostaði. 6. Rógvi Jacobsen, HB (28/4) Steðgurin á beinkinum gjørdist stuttur, og Rógvi prógvaði eisini, at valið hesaferð var rætt. Hevði leiklutin sum miðvallarin, ið skuldi stuðla álopsspæl- inum, og megnaði eisini hetta. Nart við eina rúgva av luftbóltum, so føroying- ar hildu trýstið, og vann eisini hópin av nærdystum. Nógvu rennitúrarnir kost- aðu tó nógvar kreftir, og útskiftingin tóktist tí náttúrlig. 7. Fróði Benjaminsen, Fram Reykjavík (28/2) Prógvaði aftur, at hann er besti miðvallarin, sum før- oyingar eiga. Fraklendingar fingu at kenna styrki hans- ara í nærdystunum, og fyrra gula kortið til Viera kom mest sum bara av frustra- tión. Er hartil eisini mest sum føst millumstøð í før- oyska uppspælinum, og týdningur hansara fyri liðið fer skjótt at líkjast tí, sum Abraham Løkin hevði fyrstu altjóða fótbóltsárini. 8. Julian Johnsson, ÍA Akranes (58/4) Hesaferð hevði hann ikki hitan at stríðast við, og tá er Julian gull verdur í eini slíkari uppgerð, har nær- dystir á miðvøllinum hava so stóran týdning. Vann hópin av nærdystum - bæði á jørðini og í luftini - og var sostatt við til at fasthalda føroyska trýstið. Sum bólt- spælari er hann tó fram- vegis nakað avmarkaður, men sum innpískari á miðvøllinum finst neyvan nakar betri. 9. Jákup á Borg, HB (35/1) Hevði helst sín besta lands- dyst í eitt gott ár ella so. Tordi og vildi bjóða av, soleiðis at framdrift eisini var í hansara síðu, og ar- beiddi sum vant ótroyttiligt í verjupartinum. Fleiri ferð- ir var eisini vanliga bitið í innleggunum, soleiðis, sum vit vilja hava tað. Eftir reyða kortið valdi hann tó ofta at flyta seg ov langt niðan, soleiðis at hann í ov lítlan mun kom við í føroyska spælið. 11. Jónhard Frederiks- berg, Skála (5/0) Fekk afturval eftir avrikið í Sveis, men hevði - um gjør- ligt - enn truplari umstøður, nú hann var einsamallur áleypari. Stóð seg tó aftur væl, og megnaði millum annað fleiri ferðir at varð- veita bóltin, tá okkara spældu langt. Kom tó ikki til nakran veruligan mál- møguleika, men fekk enn einaferð prógvað, at hann veruliga hevur bitið seg fastan í hópin. 12. Claus Bech Jørgensen, Coventry CFC (2/0) Við nýggja leikarunum á vonginum hava føroyingar fingið eitt nýtt álopsvápn, og hann sýndi fleiri ferðir veruligt bit og framdrift. Megnaði eisini fleiri ferðir at søkja inn í vøllin, so- leiðis at yvirtal okkara her gjørdist enn sjónligari, samstundis sum pláss varð skapt fyri Súni, men í løtum tóktist tó, sum hevði hann ov góðan hug at halda bóltinum. 13. Óli Johannesen, TB (68/1) Metmaðurin mundi við av- rikinum hesaferð sannføra øll um, at tað eru nógvir landsdystir eftir í bein- unum. Til tíðir kundi verið hóskiligt at spurt, hvørt munurin millum toppin av Premier League og før- oysku 2. deild var somikið lítil, tá Óli í fleiri førum trýsti Henry av kósini móti málinum. Sum liðskipari átók hann sær eisini ein stóran stýrandi leiklut á liðnum, og seinastu løtuna var hann eisini við til at hótta franska málið, og við hepni kundi hann bæði skorað og lagt upp til føroyskt mál. 10. John Petersen, B36 (55/6) Veteranurin mátti fyri fyrstu ferð í langa tíð á beinkinum, men fekk tó seinastu 25 minuttirnar á vøllinum. Hesa løtuna var hann eisini við til at halda góða føroyska trýstið, og einstakar ferðir sást gjøgn- umbrotsvilji eisini í spæli hansara. Samanlagt ber tó illa til at geva eina heildar- meting, grundað á ov lítla spælitíð. 14. Andrew av Fløtum, Fremad Amager (14/1) Fekk seinasta korterið á vøllinum, og sýndi í løtum, at bóltførleikin framvegis er framúr, tá tamarhald skuldi fáast á truplum bólt- um. Men samanlagt var tíðin tó ov stutt til eitt veruligt skoðsmál. 18. Atli Danielsen, KÍ (6/0) Fekk bert seinastu minuttir- nar, og tí kann einki veru- ligt skoðsmál gevast. Tókt- ist tó deiliga óimponeraður um mótstøðuna, og sýndi í so máta, at hugburðinum er í øllum førum einki galið við, tó at hann ta einu ferð- ina var um at vera ov fiksur. Reint UG Súni Olsen staðfesti enn einaferð, hvussu stóran týdning hann hevur fyri liðið. Spurningurin tykist í løtuni einamest vera, hvørt hann yvir høvur hoyrir heima í føroysku kappingini Mynd: Álvur Haraldsen C M Y K 18