týsdagur 9. august 2016síða 23

23 Mikudagur 10. august 2016 · Nr. 90 Sosialurin Hugskot og viðmerkingar – send sms til 225000 ÍTRÓTTUR Í LONDON ætlan teir fyrstu 500 metrarnar, men brádliga fer Pál Joensen at dragna. Hvørja ferð hann vendir sæst, at tíðin hjá honum blívur verri og verri. Seinastu túsund metr­ar­nir vísa seg at blíva ein sonn marra fyri undangongumannin og ítróttar­hetjuna úr Vági. Eftir fýra ár av miðvísari og knall­harðari venjing brestur dreym­urin um eitt pláss í OL final­ uni frammanfyri 17.000 áskoðar­um í Aquatic Center. Øll ynski um at hetta er takt­ ikk­ur, og at Pál Joensen hevur ein endaspurt, fána burtur so hvørt hann verður yvirhálaður av monn­ um, sum hann helst kundi vunn­ið við einum armi. Eina løtu stendur tíðin í stað í Føroyum. Sjálvt viðmerkjararnir á BBC skilja ikki hvat hendir. Maður­ in við fjórð bestu tilmeldingartíð­ini kemur á mál sum nummar 17. Meiri enn ein hálvan minutt seinni enn til­meldingartíðin. Ongantíð hava fyrireikingar­nar verið so drúgvar, og ongantíð hava ráðini verið so nógv undan eini svimjing, sum til OL - men alíkavæl riggar einki. Eitt er vónbrotið, ið vanligi før­oyingurin og fólk í fylgja Páli kenna á sær, eitt annað er hvussu hart hetta er fyri svimjaran sjálvan og venjara hansara, Jón Bjarnason. Eitt tað størsta føroyska ítrótt­ ar­bragdið blívur upp á eitt stórt kort­er til eitt vónbrot. Eitt vónbrot ikki at koma í OL finaluna, men tað sig­ur ikki so lítið um høgu málini, ið Pál Joensen og Jón Bjarnason hava sett sær, og hvussu lang teir vóru komnir. Je havi onga forkláring Kvøldið eftir er finalan í 1.500 metra frí svimjingini í Aquatic Center í Olympisku parkini. Svimjihøllin er nýggj og bygd til høvið. Aftaná finaluna, har Sun Yang vinnur gull og setur nýtt heimsmet, fær Sosialurin orðið á Pál Joensen. Hann stendur leingi og tosar við fólk, sum standa honum heilt nær. Tað sæst á eygunum á honum, at hann er ein vónbrotin maður. Í løt­um eydnast tað onkrum at fáa hann at smílast. – Je havi onga forkláring upp á hví hatta hendi, er tað fyrsta hann sigur aftaná at hava anda djúpt. Pál er blíður sum altíð og rennur ikki undan, sjálvt um tað kundi ver­ið tað lættasta. Hann tosar ikki í fullum setningum og hugsar leingi áðrenn hann svarar. Summ­ar setn­ingar endar hann ikki heilt, og byrjar at tosa av nýggjum. Eyguni ferðast aftur og fram, og í løtum hyggur hann út í tóma heim. Tað er ongin ivi um at hetta er ein maður, sum hevur nógvar tankar í høvdinum. - Hatta er ikki tað, sum burdi hent í mun til fyrireikingarnar. Tað er ein torførur biti at svølgja. Tað hevur gingið væl í øllum fyri­ reikingunum. Eg veit, at eg hevði kunn­að svomið væl skjótari enn eg gjørdi í fjør, við tí venjingini eg havi havt í ár, sigur Pál Joensen hendan august dagin í 2012. - Eg havi verið harður við meg sjálvan síðani tað hendi. At tað kiks­ar so illa er ikki so stuttligt. Tað fer at taka langa tíð koma yvir tað. Men tað er bara eitt at gera og tað er at byrja av nýggjum, sigur Pál Joen­sen. Í dag vita vit, at Pál Vitalis Joen­sen hevur lagt vónbrotið aftur­um seg. Galið aftaná 500 metrar Longu kvøldið eftir svimjing­ina hevur Pál Joensen hugsað nógv um tað, ið fór fram í hylinum. Aftaná 500 metrar er Pál Joen­ sen framvegis nummar tvey, men split tíðinar hjá honum fyri hvørjar 50 metrar blíva verri og verri. Í Shanghai í 2011 kemur hann á mál við tíðini 14.46,33, men til OL er tíð­in 15.18,42. Tað er gott og væl 32 sekund seinni enn árið fyri. - Aftaná 400 ella 500 metrar síggi eg at her er okkurt, sum ikki riggar sum tað skal. Tað kendist ongantíð ordiligt gott sum í Shanghai fyri einum ári síðan. Sjálvt um eg ikki eri væl fyri, so burdi eg kunna svomið undir 15 minuttir til ein og hvørja tíð, sigur Pál Joensen, með­ an teir 17.000 áskoðararnir eru á veg út úr svimjihøllini eftir finaluna í 1.500 metrum. Aftaná 500 metrar er Pál Joensen framvegis nummar tvey og hann er undir ein hálvan minutt fyri hvørjar hálvthundrað metrar. – Tá eg komi til 500 metrar føli eg at hetta riggar ikki. Og so síggi eg Oussama Mellouli yvirhála meg og hinir innheinta meg, greiður Pál Joensen frá. Vágbingurin og Oussama Mellouli hava vant saman í upptaktini til OL. Málið er OL 2016 Longu hetta leygarkvøldið í 2012 hevur tá 21 ára gamli Pál Joensen sett sær fyri, at hann skal svimja til OL í 2016. – Eg havi sett mær sum mál at vera svimjari í 2016, og málið er at koma til OL leikirnar tá. Tað er long tíð til tað – serliga í svimjihøpi, staðfestur Pál Joensen og leggur afturat: - Tað eru nógvar avbjóðingar fyri framman, men nú má eg líka samla tankarnar og meg sjálvan saman. Eg má eisini arbeiða við tí mentala, tí eg velji at trúgva at tað er tí tað er galið við, og ikki tí kropsliga. HM í Shanghai verður ikki mítt størsta bragd – tað lovi eg mær sjálvum. Nú má eg bara arbeiða víðari og fornuftigari, sigur Pál Joensen at enda hetta góðveðurskvøldið í London. Pál Joensen og Jón Bjarnason hava slóðað fyri føroyskari svimj­ ing í olympiskum høpi. Tað kann gott vera, at úrslitið ikki bleiv sum teir og vit kundu hugsað okkum ta ferðina, men teir hava prógvað, at umstøðurnar í Føroyum ikki eru ein forðing fyri at røkka tindinum í ítróttarheiminum. Pál klárur til Rio Síðani hevur Pál Vitalis Joensen hildið áfram við at svimja við full­ ari ferð. Hann er fluttur til Dan­ markar við nú konuni, Maluni Vit­ alis Joensen. Tey hava verið saman í fleiri ár og vita hvat skal til fyri at vera ein yrkissvimjari. Pál Vitalis Joensen er í dag 25 ára gamal. Hann hevur fýra ár av fleiri royndum, men tíðirnar eru ikki eins góðar og tær hava verið árini framm­anundan. Tað er ikki vist, at tað er ein samlað afturgongd. Sum Jón Bjarnason vísti á í ítróttarSosialinum frá mána­deg­ num, so kunnu royndirnar verða munurin á avrikinum í London í 2012, og einari møguligar finalu í Rio í 2016. Kappingini er harðari enn nak­ ran­tíð, men tað hevur ikki steðgað vábinginum fyrr. So hví skal tað steðga honum nú? Greinin frá samrøðuni endaði við tekstinum ”Vit síggjast til OL 2016!”. Tað passar ikki heilt, tí týn­ ing­in av føroyska miðla­heim­inum hevur nú gjørt, at ongin før­oysk­ur miðil hevur fólk á staðnum. Sostatt verður tað hesa ferð við frástøðu, at føroyski miðla­ heimurin og føroyingar kunnu fylgja Pál Vitalis Joensen, tá fríggjadagin seint seinnapartin fyri aðru ferð kavar í OL hylin. Góða eydnu, Pál! trondur@sosialurin.fo