mánadagur 22. august 2016síða 14

Mánadagur 22. august 2016 · Nr. 95 14 Sosialurin Hugskot og viðmerkingar – send sms til 225000 Friður er við at leggja seg yvir brasilska høvuðsstaðin, sum seinastu vikurnar hevur verið OL-vertur fyri túsundtals ítróttarfólkum úr hundraðtals londum VEITSLAN Í Pætur Albinus Fyrstu summarleikirnir í Suður­amerika eru av. Brasilski høvuðsstaðurin, Rio de Janeiro, hevur seinastu góðu tvær vikurnar hýst teim­um 11.544 íðkarunum, sum hava kappast í til­ samans 306 kappingum í 28 ymiskum ítróttar­grein­um. Frá morgni til myrkurs hava íðkarar úr 207 ymiskum londum kappast um at røkka dreymum teirra, men tað hevur – sum altíð – verið bæði gleðis- og sorgar­tár at síggja. Tað er tó nakað av tí, sum eyðkennir allar leikirnar, nevniliga kenslur. Enda-hátíðarhaldið fór fram í nátt føroyska tíð, og hóast nógvir íðkarar longu vóru farnir heim, so var tað ein stór veitsla við sangi, røðum og fýrverki. Thomas Bach, IOC-forseti, takkaði íðkarum, áskoðarum og sjálv­bodnum fyri teirra luttøku áðrenn hann alment lýsti leikirnar at vera a v. Næstu summarleikirnir vera í Tokyo í 2020. ALBINUS@SOSIALURIN.FO OL Fríggjaði í OL Mangar løtur í OL eru heilt serligar, og fyri kinesisku He Zi komu tvær serligar løtur mest sum í senn. Júst sum hon var komin av sigursskamlinum, har hon hevði fingið silvur í útlopi, stóð sjeikur hennara fyri henni. Hann gjørdi ikki mætari enn at fara á knæ og fríggjaði til hennara frammanfyri øllum áskoðarunum. Sjeikurin, Qin Kai, sum eisini íðkar útlop, fekk tíbetur eitt ja. - Vit hava verið saman í seks ár, men eg væntaði ikki, at hann fór at fríggja í dag, segði hon eftir minniligu hendingina. - Hann hevur givið mær vøkur orð og nógv lyfti, men tað, ið rørir meg mest, er at eg meti hetta vera mannin, ið eg kann stóla upp á restina av lívinum, segði 25 ára gamla He Zi um tann fimm ár eldri komandi mann sín. Gull Silvur Bronsu Tilsamans 1 USA 46 37 38 121 2 Storbritannien 27 23 17 67 3 Kina 26 18 26 70 4 Rusland 19 18 19 56 5 Tyskland 17 10 15 42 6 Japan 12 8 21 41 7 Frankrig 10 18 14 42 8 Sydkorea 9 3 9 21 9 Italien 8 12 8 28 10 Australien 8 11 10 29 28 Danmark 2 6 7 15 29 svøríki 2 6 3 11 74 Noreg 0 0 4 4 78 Finnland 0 0 1 1 - Ísland 0 0 0 0 Heiðursmerkjayvirlit So søgdu tey... Mo Farrah, rennari (Stórabretland) – Eg koyri kroppin ígjøgnum helviti hvønn dag fyri at tryggja mær, at eg kann vera errin í Rio. Mariana Pajón, BMX-súkklari (Kolumbia) – Eg havi brotið fleiri bein enn eg havi vunnið meistaraheitir. Leitar tú eftir onkrum tryggjari, far so og svim. Rogerio Dutra Silva, tennisspælari (Brasil) – Fyri einum ári síðani var eg nummar 533 í verðini. Hevði onkur fortalt mær, at eg fór at vinna ein dyst í OL, so hevði eg sagt, at tað var lygn. Aleksandra Patskevich, synkronsvimjari (Russland) – Perfektión hevur eingi mørk. Helen Maroulis, glíming (USA) – Øll kunnu vinna. Tað havi eg billað mær sjálvari inn. Eg ætlaði mær ikki at hyggja at Goliath og blíva bangin. Usain Bolt, rennari (Jamaica) – Eg vil teljast ímillum teir stóru, so sum Muhammed Ali og Pelé. Simone Biles, fimleikari (USA) – Eg eri ikki tann næsta Usain Bolt ella Michael Phelps. Eg eri tann fyrsta Simone Biles. Pia Sundhage, fótbóltsvenjari (Svøríki) – Tað er í lagi at vera ein ræðuskítur, so leingi tú vinnur.