mánadagur 22. august 2016síða 39

VIKA 34 • 22. AUGUST 2016 15 ÓKEYPIS LÝSINGARBLAÐ TEMA – Eg vóni, at fólk, sum fara at lesa bókina, skilja, at tað er eitt fantastiskt fólk, sum býr í Norðdepli, sigur rithøvundurin, sum hevur skrivað nýggju bókina um Norðdepil Vilmund Jacobsen Tað er ikki bara Snorri Brend, sum hevur skrivað bók um Norðdepil, nú bygdin fyllir 150 ár. Kendi sjónvarpsmaðurin og lærarin, Zacharias Hammer, sum man eiga flottastu myndir av føroyskari náttúru, hevur eisini gjørt ein film um Norð­depil í samband við hátíðardagin. Filmurin hjá Zachariasi Hammer, sum væntandi fer at vara einar 27 minuttir, kallast »Norðdepil, heim­ staður okkara í 150 ár«. Skráin fyri hátíðarhaldið í Norð­ depli, sum annars hevur sjálvan 150 ára dagin sunnudagin, 28. august, byrjar longu seinnapartin hósdagin, 25. august. Klokkan 19 hetta kvøldið verður fyrst bókaframløga, og klokkan 20 verður filmurin hjá Zachariasi Hammer frum­sýndur. Hesi bæði tiltøk – bókaframløga og frumsýning – verða bæði í Skúlanum á Fossánesi. Tað verður spennandi at síggja, hvat Zacharias Hammer fer at leggja fyri dagin, nú filmurin hjá honum um Norðdepil verður frumsýndur Snorri Brend hevur skrivað bygdarsøgu um Norðdepil Heimstaður okkara í 150 ár Zacharias Hammer hevur gjørt film um Norðdepil, sum verður frumsýndur hóskvøldið klokkan 20 í skúlanum á Fossánesi Vilmund Jacobsen – Tað verður skemtiliga sagt, at tað nærmasta ein maður kann koma hendingini at føða eitt barn, er tá hann gevur út eina bók. Nøkulunda hesa kenslu havi eg, nú onnur bók mín verður útgivin á sjálvum 58 ára føðingardegi mínum í hesi vikuni. Tað sigur Snorri Brend, sum hevur skrivað nýggju bókina um Norð­depil, nú bygdin sunnudagin 28. august hevur 150 ár á baki sum niður­setu­ bygd. Tað var í februar mánaði í fjør, at Hvannasunds kommuna, sum Norð­ depil er partur av, heitti á Snorra Brend um at skriva eina bók um bygdina, Norðdepil, nú bygdin fer at há­tíðar­halda 150 ára dagin. Bókin er nú liðug og kemur út hin 25. august, sum ein byrjan til stóra hátíðarhaldið í bygdini. Bókin ber heitið »Hetta er okkara bygd – Norðdepil 150 ár« og er 224 síður stór við einum hópi av myndum. Millum myndirnar er ein mynd av hvørjum húski í bygdini - ella 53 slíkar myndir í tali. – Hetta er ein bók, sum lýsir Norðdepil og tað fólkið, ið her býr anno 2016. Sjálvandi verður hugt nakað aftur í tíðina, og ein lýsing er av fyrsta niðursetumanninum, Poul Sivert Sivertsen, sum flutti yvir um Sundið hin 28. august í 1866, sigur Snorri Brend, sum eisini hevur skrivað bókina , »Hon fór út«. Tað var í 1999, at Heimamissiónsforlagið gav út hesa bók, sum er um Kaju Nemuel, ættað úr Rituvík, og sum hevur verið trúboðari í afrikanska landinum Nigeria síðani 1969. Øll húski við í bókini So skjótt, sum Snorri Brend fekk uppgávuna at skriva bókina, gjørdi hann sær sjálvum greitt, at bókin skuldi innihalda fimm høvuðspartar: – Ein søguligan part, har hugt verður nakað aftur í tíðina. Ein part, har allar tær mongu tænasturnar og tey mongu tilboðini verða lýst. Ein part, har vinnulívið verður lýst og ein part, har tosað verður við fólk á gøtuni um alt tað, sum tey eru upptikin av og takast við um dagarnar. Snorri Brend ásannar, at tað serliga var tann fimmta partin, hann var mest spentur upp á, og sum kravdi stóra fyrireiking og eisini kravdi nógva tíð. – Í hesum parti var týdningarmikla arbeiðið at taka myndir av øllum teimum 53 húskjunum í Norðdepli. At hetta tók sína tíð, komst millum annað av, at nógvir mans eru sjómenn, og at fólk annars eru upptikin av ymiskum arbeiði og ítrivum. Hann sigur, at hetta arbeiðið kortini eydnaðist til fulnar - ikki minst takkað veri góðum myndafólkum, sum hava lagt eitt stórt arbeiði í at fáa myndirnar so góðar sum gjørligt. Snorri Brend nevnir ikki minst Rósu Miðalberg, sum her hevur verið honum ein hollur stuðul. – Slíkar myndir eru søguligar nærum líka skjótt, sum tær eru tiknar. Tað er eisini ein sannroynd, at onkur av persónunum á hesum myndum ikki er millum okkum meira, leggur hann aftrat. Dagføring av bygdasøguni Í sjeyti-og áttatiárunum skrivaði J. Símun Hansen stóra bókaverk sítt »Tey byggja land«, har hann lýsir bygdir og ættarbond teirra í sjey bókum, sum eru sera væl greiddar úr hondum. – Bókin hjá mær kann als ikki samanberast við hesar. Henda er ein aktuell bók, har núlivandi fólk í bygdini – og í øllum aldri – sjálvi koma til orðanna og greiða frá tí, sum tey takast við. Tilsamans eru 43 samrøður í bókini, og ikki er óhugsandi, at hesar báðar bøkurnar í mangar mátar útfylla hvørja aðra. Ja, eg vóni, at bókaverkið hjá Símuni og bókin hjá mær koma at standa lið um lið á bókahillunum í mongum heimum kring landið. Snorri Brend sigur, at hann hevur roynt at lýsa bygdina so væl sum gjørligt og á ein so mikið lættan hátt, at mong vónandi fara at ogna sær bókina. – Eg vóni tí eisini, at lesarin fær eitt fullkomiliga nýtt inntrykk av bygdini og bygdarfólkinum - og at lesarin fær ta fatan, at tað er eitt fantastiskt fólk, sum býr her, sigur hann. Høvundurin hevur eitt ynski aftrat við hesi bókini, sum er gjørd eftir einum konsepti, sum hann sjálvur er komin fram til. – Eg haldi, at hugskotið og konseptið við hesi bókini er sera genialt og kann saktans brúkast og lagast til aðrar uppgávur og bygdir. Eg vóni tískil, at henda bókin kann kveikja áhugan hjá øðrum størri og smærri kommunum at vilja lýsa fleiri bygdir í teirra øki á sama hátt - ella eftir øðrum leisti. Og sigið bara til. Eg eri í øllum førum til reiðar at taka pennin og myndatólið fram aftur, sigur Snorri Brend brosandi. Bókin hjá honum »Hetta er okkara bygd – Norðdepil 150 ár« verður løgd fram í skúlanum á Fossánesi hóskvøldið 25. august. – Hetta er ein aktuell bók, har núlivandi fólk í Norðdepli – og í øllum aldri – sjálvi koma til orðanna og greiða frá tí, sum tey takast við, sigur Snorri Brend, rithøvundur