hósdagur 25. august 2016síða 15

FRÍGGJADAGUR 26. AUGUST 2016 SOSIALURIN 97 15 Marita Petersen var ein. Eisini nevnir hon Jonu Henriksen sum eina, ið hon sær upp til. Tá Jona Henriksen var politikkari vórðu tað ógvuliga fáa kvinnur, ið hildu seg framat í samfelagnum. Gro Harlem Brundtland er ein onn­ur. Tað eru nakrar sterkar kvinn­ur, sum hava gingið undan og víst, at mann kann koma langt, sigur Elin Lindenskov. Tá Elin Lindenskov tosar um sínar politisku fyrimyndir, tosar hon nógv um teirra visiónir fyri samfelagnum og hvussu tær arbeiddu fyri at fáa betra korini hjá heilum samfelagsbólkum. Hon saknar hesar idealistarnar í politikki í dag. Tað eru øgiliga nógvir individu­ alistar og nógv, sum hugsa um seg áðrenn tær hugsa um visiónir og sjónarmið, sigur hon. Elin Lindenskov sigur, at sam­ felagið sum heild er blivið ov visiónsleyst og at hon vónar, at mann fer aftur til at fólk savnast í áhugafelagsskapir og annað, ið alt færri fólk melda seg til Vit eru eitt tað javnasta fólk í heiminum og hava fingið so nógv rættindir uppá pláss. Kann tað ikki verða partvíst tí at vit eru komin so langt ávegis í menning, at idealistarnir ikki eru meira? Tað kann gott verða, men tað er umráðandi at halda tað viðlíka. Um vit gloyma hvussu alt er komi til har tað er, so sovnar alt bara og so verður tað eisini nemmari at skrykkja tað undan okkum aftur, staðfestir Elin Lindenskov. Elin Lindenskov heldur at um vit gloyma øll okkara undangongu­ fólk og hvat tey hava gjørt, so følnar virðingin fyri teimum og, tað sum verri er, at vit fara frá teimum virðum, sum tey bardust fyri. Elin nevndi kvinnurørsluna og javnstøðu í breiðastu merk­ing sum dømir. Vit hava ikki fulla javnstøðu í samfelagnum. Um vit fara frá teimum virðunum, so er vandi fyri at alt arbeiði, ið bleiv gjørt framm­anundan dettur niðurfyri, sigur hon. Nógv gott at minnast aftur á Tá mann hevur sitið í býráðnum í 24 ár, er sjálvandi nógv, sum mann hevur verið ein partur av. Tað er nógv, sum er viðtikið og nógvar broytingar, ið eru farnar fram í kommununi. Elin Lindenskov er einki undan­ tak í so máta og hon hevur nógv mál, ið hon minnist aftur á. Eitt, ið hon gleðist serliga nógv um, eru broytingarnar í barnaansingini. At barnaansing bleiv ein natúr­ lig­ur partur av dagligdegnum. Har var eg øgiliga nøgd við, at tað bleiv yvir­tikið av kommununum, sigur hon. Elin Lindenskov segði, at tað var strævið at yvirtaka og mann skuldi sam­ráðast bæði við kommunalar og landsmyndugleikar, men tey fingu yvirtikið alt til endans. Vit hava fingið barnagarðar í dag. Tað er ein sjálvfylgja og allir flokkar siga seg ganga inn fyri tí. Eg trúgvi ikki nakar í dag hevði funnið uppá at sagt, at mann ikki skal hava barnaansing til øll børnini, sigur Elin Lindenskov. Eitt annað, ið Elin Lindenskov nevnir er, at hon sum forkvinna í sosialu nevnd í býráðnum, var við til at fáa øll børn í øllum aldrum við í barnatannrøktina, er eitt mál, ið hon minnist væl. Ein seta var ógvuliga tung Tað eru nógvar góðar løtur í 24 ár, men tað eru eisini tungar løtur. Serliga væl minnist Elin Lindenskov eina setu, har hon og Tórfinn Smith vórðu vald fyri Javnaðarflokkin. Tey fóru fyrst í andstøðu, men Tórfinn Smith bleiv boðin upp í meirlutan í 2002 og tók av. Henni stóð ikki í boði at koma uppí og tí fór flokkurin í tvíningar. Elin Lindenskov misti sínar nevndarsessir og sat púra uttan ávirkan. Eg sat eftir sum býráðslimur við ongum nevndarsessi. Tað var ein tung seta at koma ígjøgnum. Tað var eitt niðurlag, men eg vann so aftaná, minnist Elin aftur á. Fer ikki heilt burturúr politikki Elin Lindenskov sigur, at hon hev­ ur hugsað í eina tíð hvørt hon skal stilla upp aftur ella ikki. Hon hevur sitið við umhvørvimálum sein­astu setu og tað hevur verið spenn­ andi og nógv er komið burturúr, men hinvegin kundi hon hugsa sær meira tíð til ymiskt annað, ið hon ikki hevur havt tíð til sum politikkari. Elin Lindenskov sigur, at hon hevur sítt egna handarbeiðsvirk­ ið, ið hon kundi hugsa sær at brúkt meira tíð uppá og eisini hevur hon ommubørn, ið eru flutt heim og tey vil hon fegin brúka tíð uppá. Er tú so liðug í politikki? Eg vænti ikki eg stilli upp aftur, men tað eru aðrir mátar at verða aktiv í politikki. Til dømis haldi eg, at tað nógv at gera innan umhvørvið enn og har er tørvur á fleiri góðum fólkum. Eg komi eisini at verða limur í javnaðarfelagnum og Javnaðarflokkinum og ávirka tað eg kann, sigur Elin Lindenskov. So vit koma at hoyra frá tær, hóast tú ikki stillar upp aftur? Tað rokni eg við, tí har eru mál, sum liggja í býráðnum, ið eg komi at fylgja væl við, svarar hon. Elin Lindenskov varð fyrstu ferð vald í Tórshavnar býráð í 1992. Tá var hon vald við 167 atkvøð­um. Í 1996 fekk hon næstflestar at­kvøður í Tórshavn við 437 at­ kvøðum. Hon bleiv aftur­vald í 2000 við 392 atkvøðum. Í 2004 fekk 238 atkvøður og 240 atkvøð­ur í 2008. Á seinasta valið í 2012, ið eftir øll­ um at døma var henn­ara seinasta val, var hon vald inn í býráðið fyri sættu ferð við 178 at­kvøðum.