hósdagur 25. august 2016síða 16

FRÍGGJADAGUR 26. AUGUST 2016 SOSIALURIN 97 16 DANJAL AV RANA Annika Olsen hevur ofta verið í andgletti, bæði sum landsstýriskvinna og ikki minst tá hon stutt eftir seinasta løgtingsval boðaði frá, at hon fór úr Fólkaflokkinum, síðani meldaði seg inn í Framsókn, men var líka skjót at melda seg út aftur, áðrenn hon endaði aftur í Fólkaflokkinum. – Eg havi ikki fingið beinleiðis hóttanir móti mær ella mínum, men tað eru heldur ákærur um at vera býttur og annað. Serliga tá eg sat í Landsstýrinum fekk eg nógvar ábreiðslur, sigur hon. Annika Olsen heldur at tað eyðkennir føroysku kjakmentanina, at hon er lítið saklig og lítið undirbygd. – Eg veit væl, at eg má sjálv taka ábyrgd av tí, eg havi gjørt og taka tað á mín kappa. Eg skilji væl, at fólk gjørdust firtin, tá eg skifti flokk, og beri als ikki agg til nakran um ta tíðina, men tað var sera rokaligt, tá harðast leikaði á, sigur hon. Annika Olsen heldur, at kjakið á Facebook og føroysku portalunum er oyðileggjandi fyri føroyska fólkaræðið. Ljóta kjakið ger bæði, at nógv halda seg aftur frá at siga sína meining, samstundis sum at politikkarar aftra seg við at leggja upp til kjak. Hon ivast ikki í, at harði tónin fær fólk at setast aftur. – Mín tollyndismark er kanska hægri enn hjá øðrum, nú eg havi verið á politiska leikvøllinum so leingi, men eg ivist ikki í, at fólk halda sær aftur. Eg haldi tað er stak óheppið, tí at nýggj unna sær kanska ikki at skriva eitt lesarabræv, tí at tey óttast viðmerkingarnar, sum fara at koma, sigur Annika Olsen. – Vit garvaðu vita, hvør svarar, tað eru teir vanligu viðmerkjararnir, og vit leggja kanska ikki so nógv í tað. Eg minnist tó, at eg tók mær tað nær fyrstu tíðina, sigur løgtingskvinnan hjá Fólkaflokkinum. – Eg haldi tó als ikki, at vit politikkarar skulu lata alt um okkum ganga. Tað eru nógvar viðmerkingar, sum heilt víst fara um mark og eg gleðist um, at nakrir føroyskir miðlar eru meiri virknir við at strika ljótar, ósakligar viðmerkingar á sínum heimasíðum. Tær fremja kortini ikki fólkaræðið, sigur Annika Olsen. Ein meinbogi fyri fólkaræðið – Eg haldi ikki, at kjakið á Facebook og á føroysku portalunum er gott fyri fólkaræði. Sjálvandi skulu øll koma til orðanna, men sum nú er, verður tað gjørt eftir treytunum hjá teimum, sum elska at svína fólk út. Hetta ger, at tað eru nógv, sum als ikki koma til orðanna, tí tey vilja ikki útseta seg sjálvi fyri slíkum. Sostatt eru tað ikki øll, sum koma til orðanna kortini, sigur hon. – Vit síggja eisini alsamt minni til politiskt kjak og at politikkarar gera viðmerkingar ella leggja DANJAL AV RANA Kári P. Højgaard er kanska ikki millum mest umstríddu politikkararnar, men kortini hava bylgjurnar brotið høgt um hann til tíðir, serliga tá hann var landsstýrismaður. Hann stóð fyri fólkaatkvøðuni um kommunusamanlegging, sum var illa lýdd um stóran part av landinum, men harðastu álopini komu í samband við avtaluna við CIP um at byggja Eysturoyartunnilin. – Tað nívdi nógv, at fólk tá kallaðu meg fyri landasvíkjara og tað var lítið hugaligt at finna dulnevnd brøv í postkassanum, har deyðshóttanir vóru settar fram, sigur Kári P. Højgaard. Brøvini hevur hann víst løgregluni. – Sjálvandi skulu vit tola eitt sindur, men ofta fer kjakið langt út um mark. Tað nívdi meg, at fólk kallaðu meg landasvíkjara í samband við CIP-málið, og slíkt haldi eg ikki, at vit eiga at góðtaka. Øll hava síni mørk, eisini vit politikkarar, sigur Kári P. Højgaard. Hann fegnast tó um, at tað á Facebook sæst, hvør tað er, sum skrivar. – Vit politikkarar mugu hava harða húð, tí tað er altíð onkur, sum hevur viðmerkingar. Tað kemur meiri enn so fyri, at fólk vilja kjakast politikk, eitt nú í føðingardøgum og øðrum privatum umstøðum, men tá halda fólk ein siðiligan tóna, sigur Kári P. Højgaard. Havi ongantíð angra Hann varð valdur inn í Runavíkar býráð í 1988 og sat har til 2008. Í 2001 bleiv hann varamaður fyri Sámal Petur í Grund og í 2002 varð hann valdur inn á ting, har hann hevur sitið síðani. Hann var landsstýrismaður í innlendismálum frá novembur 2011 til septembur 2013. – Tað er ein forrættur at vera politikkari, at fólk hava givið mær sína atkvøðu. Eg havi ongantíð angra, at eg fór upp í politikk í 1988, hóast at tað eru minni hugaligt ting, sum fylgja við politiska lívinum, sigur Kári P. Højgaard. Hann heldur, at tað er ein ávísur munur á at vera kommunu- og landspolitikkari. – Sum býráðspolitikkari er ein SKULU IKKI LATA ALT OKKUM FEKK DEYÐSHÓTTANIR – Vit kunnu ikki vænta at sleppa undan slíkum ákærum, men tónin er heilt víst vorðin harðari, sigur Annika Olsen. Hann varð skýrdur landasvíkjari og fekk dulnevndar deyðshóttanir eftir samráðingarnar við CIP. Tá er kjakið farið út um mark, sigur Kári P. Højgaard. Annika Olsen – Fólkaflokkurin Kári P. Højgaard – Nýtt Sjálvstýri KJAKMENTANIN – SÆÐ VIÐ POL KJAKMENTAN