hósdagur 25. august 2016síða 18

SÓLVIT E. NOLSØ Bjørt Samuelsen hevur sitið á Løgtingið fyri Tjóðveldi í nøkur skeið. Hon kom innaftur á seinasta vali sum eykafólk, eftir at Tjóðveldi fór í eina samgongu við Javnaðarflokkin og Framsókn. Við árunum hevur hon uppliva at fáa eitt sindur á seg, men ikki so mikið, at tað hevur fingið hana at umhugsa at gevast. – Eg havi fingið nakrar keðiligar hóttanir. Nøkur brøv í postinum, men oftast á Facebook. Tað hendir javnan, men ikki so ofta alíkavæl, sigur Bjørt Samuelsen. Tað er serliga á Facebook, at Bjørt upplivir, at fólk kunnu gerast grov. Hon sigur, at um mann leggur eitthvørt út á Facebook, so koma nógvar ógrundaðar og neiliga viðmerkingar, men hinvegin kann tað øvugta eisini upplivast ofta, at Facebook gerst ein livandi miðil við góðum kjakum. Sjálvt um tað kann tykast møtumikið, tá fólk ógrundað bara spilla út, so er tað umráðandi at politikkarar halda áfram at kjakast og blanda seg uppí, sigur Bjørt Samuelsen. Hon sigur, at tað kann verða keðiligt, men er samstundis ein partur av tí at verða politikkari og mann má taka tað við. – Summi setast aftur, men ikki eg. Mann má tola, at tað ikki bara eru klapp og rósur, sigur Bjørt Samuelsen, sigur Bjørt Samuelsen. Bjørt Samuelsen starvaðist sum miðlafólk áðrenn hon fór í politikk, so hon hevði eina ábending á hvussu eitt kjak landslag kundi síggja út. Hennara uppliving er stórt sæð, at flest fólk vilja kjakast siðiliga og sakliga, men tey halda seg kanska ikki framat. Bjørt Samuelsen sigur tó, at so umráðandi sum tað er, at halda seg framat í kjaki, so er tað umráðandi at seta mørk. – Tað er ikki neyðugt at luttaka í einum ófantaligum kjaki, tí ofta hava ósaklig fólk ikki áhuga í kjakinum sjálvum, men einans at sleppa av við gleps og frustratiónir, sigur Bjørt Samuelsen. SÓLVIT E. NOLSØ Ruth Vang er nýggj á Løgtingi. Hon bleiv vald seinast á listanum hjá Framsókn. Hon sigur, at hóast hon hevur fingið brøv send og summi koma við viðmerkingum, so fær tað hana ikki at setast aftur. – Eg havi fingið nøkur brøv, serliga í samband við hjúnar­ bands­lógina. Tey flestu vórðu siðilig, men summi antastaðu mína kristnu trúgv og tað kann fara undir húðina, sigur Ruth Vang. Hon hevur eisini fingið nakrar grovar og frekar við­ merking­ar, eisini frá fólkið, sum koma til hana persónliga, men tá svarar hon fyri seg. Tað skal ikki fáa hana at setast aftur. – Nei, tað fær meg ikki at setast aftur, men onkuntíð haldi eg meg aftur á Facebook. Eg kundi ofta hugsa mær at blanda meg meir uppí har, men tað fer ofta skjótt av sporinum og gerst grovt, sigur Ruth Vang. Ruth Vang heldur, at Face­ book nokk ikki er rætta staðið at taka kompleks evnir upp til kjak. Tað gerst ov ofta ein skeiv ímynd av tí veruliga kjaki, ið gongur fyri seg. Tað eru so nógv, ið bara eru áhugaði í at koma við grovum við­merking­ um á einum Facebook kjaki. Tó vil Ruth Vang ikki verða við, at Facebook neyðturviliga er nakað ringt. – Tað vil eg ikki siga. Onkurs­ vegna er tað ein natúrligur partur av fólkaræðnum, at fólk sleppa at siga tað, ið tey hava hug til. Øll skulu sleppa framat og hoyrast, ikki bara tey, sum mann er samdur við, sigur Ruth Vang. At gerast ein almennur per­sónur kann hava fylgir við sær. Millum annað, at fólk hava tað nógv lættari at siga sína meining við teg og ofta á ógvuliga ósensurerað. Ruth Vang hevur eisini uppliva tað, men hon heldur, at tað er ein partur a v s p æ l ­ inum og má eitt ella annað stað góð­takast. Sjálv hevur hon ikki ætlanir um at gevast at kjak­ ast og halda seg fram­ at av teirri or­søk. Ruth Vang – Framsókn Ivamál um mína trúgv kann fara undir húðina Fingið keðiligar hóttanir FRÍGGJADAGUR 26. AUGUST 2016 SOSIALURIN 97 18 Bjørt Samuelsen –Tjóðveldi KJAKMENTANIN – SÆÐ VIÐ POL KJAKMENTAN