hósdagur 1. september 2016síða 7

FRÍGGJADAGUR 2. SEPTEMBER 2016 SOSIALURIN 100 7 TRYGGLEIKA ➘ Tað er so í dag, at Alex ikki kann ímynda sær, hvat hann skal fara at takast við nú. Alex og Hallur vóru fyrr í ár til eina ráð­stevnu í Danmark við heitinum aspIT. Tað er ein ráð­stevna fyri fólki við asperger syndrom, har tey fáa lær­ dóm innan KT, tí tað er mangan teirra serøki. Men tað var ikki júst tað, sum Alexi dámdi. – Tí fara vit í næstum at tosa við okkara kontakt­persón í Herning og finna útav, hvat Alex kann royna av ymiskum tingum, tí eg veit, at hann er ótrúliga intelli­gent­ur og kann uttan iva geva nógv til tað sam­felagið hann býr í. Vit skulu bara finna útav, hvat hann tímir at gera, sigur Hallur Joensen. Og tað er ikki nakað, sum Alex kann svara uppá uttan so, at hann hevur roynt tað. – Spurningurin er so, hvat hend­ ir um eitt ár. Hava vit enn onkrar óroynd­ar møgu­leikar niðri, so finna vit uppá okkurt, so onkur okkara kann blíva verandi. Annars eri eg føroyingur við stóra F og tað er Alex eisini, so vit gleða okkum at koma heim aftur við nýggjum, spennandi royndum og vitan, sigur Hallur Joensen. Tónleikurin enn í hásæti Hvat hendir so við country­konginum og hans­ara tón­leiki, hugsar tann gløggi lesari iva­leyst. Fyrr í summar keypti Hallur Joensen sær sjey ferða­seðlar til Føroyar í ár, tí so ofta skal hann heim at spæla. – Tónleikurin fyllir enn ótrú­liga nógv. Eg elski at spæla og eg havi eina rúgvu av fyrispurningum og kon­sert­um fyri framman, sigur Hallur Joensen. Herfyri var hann í Hetlandi, har fleiri konsertir vóru á skránni. Seinastu sjey árini hevur Hallur vitjað í Hetlandi og spælt kon­sertir og longu nú er greitt, at hann skal aftur næsta ár. Somuleiðis hevur hann júst verið í Íslandi, Týsk­landi og í hann skal spæla fleiri konsertir í Danmark og í Føroyum komandi mánaðirnar. – Eg kann ikki klaga. Eg havi ov­mikið at gera, staðfestir ein lívs­glaður Hallur Joensen, sum júst nú er í Føroyum og vitjar. Um nakrar dagar gongur leiðin aftur til Herning, har familjan Joensen nú fer undir eina spennandi ferð við sonum Alex. BARBARA@SOSIALURIN.FO MYND: ÁLVUR HARALDSEN