týsdagur 14. september 2004síða 8

Nr. 174 - 14. september 2004 15 Fleiri enn túsund fólk vitjaðu Føroya Tele Fríggjadagin var stór- fingin móttøka í nýggja bygninginum hjá Føroya Tele. Áhugin fyri at síggja snotuliga bygningin var ovurhonds stórur, tí fleiri enn 1000 vóru á gólvinum NÝGGJUR BYGNINGUR Terji Nielsen terji@sosialurin.fo Leingi hevur verið bíðað í spenningi eftir, at nýggja høvuðssætið hjá Føroya Tele í Hoyvík alment skuldi takast í nýtslu. Fríggjadag- in var so stóra løtan komin, tá ið bygningurin varð víst- ur fram fyri almenning- inum, og áhugin var stóru. Errin starvsfólk Stjórin á Føroya Tele, Andr- as Róin, sigur, at eftir hans- ara tykki gekk móttøkan sera væl. Hvussu nógv fólk stukku inn á gólvið, dugir Andras Ròin ikki at siga heilt nágreiniliga, men hann metir, at talan hevur verið um eitt stað millum 1000 og 2000 vitjandi, og tað eru vit ógvuliga fegin um, sigur hann. – Gott og væl 700 fólk hava skrivað í gestabókina hjá okkum, men tað vóru langt frá øll, sum komu framat gesta- bókini, og tí eri eg sann- førdur um, at talið av vitjandi hevur verið eitt gott petti oman fyri tey 1000, sigur Andras Róin. Spurdur hvussu hann og starvsfólkini eru nøgd við nýggja bygningin, svarar Andras Róin: – Eg haldi, at vit øll eru stak væl nøgd. Eg legði til merkis fríggja- dagin, at starvsfólkini høvdu hug til at vísa bygningin fram fyri fólki, og tað tulki eg bert sum eitt tekin um, at tey eru errin av nýggju hølunum, sigur stjórin á Føroya Tele. Stór avbjóðing Í føroyskum høpi er byggi- og innrættingarstílurin í nýggja høvuðssætinum hjá Føroya Tele rættuliga slóð- brótandi. Serliga hevur nógv verið tosað um, at bygningurin er innrættaður soleiðis, at øll starvsfólkini sita í sama rúmi. Ongar smærri ella størri skriv- stovur eru, og tað eru fleiri, ið hava verið rættuliga ivandi hesum viðvíkjandi. Andras Róin sigur tó, at tað tykist sum um, at fólk eru positivt yvirraskaði av hesum. – Eg haldi, at fólk eru glað um opna landslagið, sum innrættingarstílurin verður róptur, og eg ivist ikki í, at hetta fer at styrkja mentanina í fyritøkuni. Samstundis merkir hetta, at vitan og kunning kemur nógv skjótari runt millum starvsfólkini, og tað kann bara verða ein styrkur, sigur Andras Róin. Stjórin á Føroya Tele vísir á, at við at innrætta á ein slíkan hátt, verður gólv- plássið nógv størri, men samstundis er talan um eina stóra avbjóðing, tí at starvs- fólkini skulu venja seg við, at tey ikki longur sita einsa- møll á einari skrivstovu. Gott fyri samanhaldið Áðrenn flutt varð í nýggju hølini hava starvsfólkini hjá Føroya Tele verið spjadd í fleiri ymiskum bygngingum. Nú eru øll savnað undir somu lon, og tað fegnast Andras Róin um: – Vit hava verið spjadd í einar seks ymiskar bygn- ingar, men nú eru vit øll her á nyggja høvuðssætinum. Hetta er uttan iva ein styrk- ur fyri samanhaldið í fyri- tøkuni, og vónandi fer tað at speglast aftur á trivn- aðinum, sigur Andras Róin. Eini 170 starvsfólk hava sína dagligu gongd í nýggja høvuðssætinum. Okkurt um 120 av hesum eru fólk, sum burturav sita á skriv- stovuni, meðan restin er eitt nú montørar, sum eru nógv úti hjá kundum. Stjórin á Føroya Tele, Andras Róin, er ógvuliga væl nøgdur við nýggja bygningin hjá fyritøkuni, og hann ivast ikki í, at hølini fara at styrkja samanhaldið í fyritøkuni. mynd: Jens Kr. Vang Jákup Veyhe undirhelt fyri teimum mongu gestunum á móttøkuni. mynd: Jens Kr. Vang Føroyski songfuglurin í Danmark, Petsy Tvørfoss, bergtók teir mongu gestirnar við sínari vøkru rødd. Mynd: Jens Kr. Vang Serligar Føroya Tele køkur vóru eisini gjørdar til hátiðarløtuna fríggjadagin Mynd: Jens Kr. Vang 15 14 Nr. 174 - 14. september 2004 Í nýggja bygninginum hjá Føroya Tele er einki tilvildarligt, hvat ið innrættingini viðvíkur. Innbúgvið er frá Idé-møblum, og Idé hevur eisini fingið samband við ein innanduraarkitekt, sum hevur verið við í innrættingararbeið- num á Føroya Tele INNRÆTTING Eydna Skaale Eydna@sosialurin.fo Nemery Pascale hevur seinasta árið havt samband við Birgir Andreasen hjá Idé møblum. Hon er innan- duraarkitektur, og hevur sína egnu teknistovu í Keypmannahavn, har hon arbeiðir sum freelance arkitektur. Ein dagin ringdi Birgir Andreasen frá Idé-møblum til hennara. Tað bleiv byrj- anin til eitt langt og sera gott samstarv teirra mill- um. – Birgir hevði bjóðað seg fram sum møblaleverandør til Føroya Tele. Merkið, ið kontórmøblarnir skuldu vera av, eitur Montana. Birgir setti seg í samband við Montana møblar, og bað teir um at ávísa ein inn- anduraarkitekt. Teir vístu á meg. Og soleiðis kom sam- starvið í lag, greiðir Neme- ry Pascal frá. Stórrúmskontór Pascale var alt fyri eitt sera áhugað í samstarvinum. Upprunaliga var ætlanin, at hon bert skuldi koma við einum uppleggið til, hvussu innbúgvið skuldi setast, men samstarvið menti seg skjótt til at gerast mundandi meiri umfatandi enn so. – Hatta er jú ein fantast- iskur bygningur, sum nú verður únyttaður á bestan hátt. Vit hava tað, ið verður nevnt stórrúmskontór. Tað vil siga, at tað er eitt stórt rúm, har øll hava sítt skrivi- borð. Man er farin frá at hava smá privatkontór, nú savnar man øll í einum felagshøli, greiðir Nemery Pascale frá. Hon sigur, at henda skip- anin skuldi gjørt arbeiðs- umhvørvið og arbeiðs- semið betri. – Tað verður nógv lættari at nýta know-how hjá hvørjum øðrum, um tað ikki eru fysiskar forðingar ímillum arbeiðsfólkið. Tað vísir seg nevniliga, at um fólk skulu ígjøgnum eina afturlatna hurð, fyri at spyrja um ráð ella hjálp, so setast tey ofta aftur. Hurðar virka sum forðingar fyri samstarvi, sigur Nemery Pascale. Hon leggur tó dent á, at um stórrúmskontór skulu vera effektiv, er neyðugt við neyvari tilrættislegging. T.d. ber jú ikki til, at tele- fonfólk, sum larma relativt illa, skulu sita saman við fólki, sum mugu hava ar- beiðsfrið. – Vit hava arbeitt nógv saman við starvsfólkinum á Føroya Tele. Tey hava verið røsk at komið við konstruk- tivum kritikki, og saman haldi eg, at vit hava funnið fram til bestu loysnina, staðfestir Nemery Pascale. Hon sigur, at eitt, sum onkuntíð gerst ein vansi við stórrúmskontórum, er, at leiðslan velur at seta alt starvsfólki saman, meðan stjórarnir framvegis vilja hava síni privatkontór. Hetta skapar ofta fjarstøðu ímillum starvsfólk og stjórn, men hetta var eingin trupulleiki á Føroya Tele. – Tá leiðslan í einum virki setur seg saman við starvsfólkinum í eitt stór- rúmskontór, sendir hon nøkur ógvuliga góð signal út. Starvsfólkið kann ikki annað enn hugsa, at um leiðslan kann, so kann eg eisini. Tað er eitt gott fyri- dømi, sum leiðslan á Før- oya Tele so dyggiliga vísti, staðfestir Pascale. Himmalin og havið Men tá ið alt kontórinn- búgvið var funnið og ein ætlan var gjørd um hvussu alt skuldi setast upp, fekk Nemery Pascale tillutað nýggjar uppgávur. – Samstarvið gekk so fyrimyndarliga væl. Øll vóru opin fyri nýggjum hugskotum, og tey tyktust vera glað fyri ráðini og vegleiðingarnar, ið eg gav teimum. Í Danmark kanst tú ikki læra nakran nakað, tí øll vita best sjálvi, og tí er tað so fantastiskt at arbeiða í Føroyum, tí her fyrigong- ur alt í einum sera positiv- um anda. Pascale endaði við at ráðgeva um bæði litir, snið, innrætting av kontór-møbl- um og innrætting av smá- lutum, sum t.d. ringbind- um, ja snøgt sagt um nær- um alt, ið hevði við inn- rættingina at gera. Hon sigur, at loysunar- orðið í arbeiðnum allatíð- ina hevur verið flexibili- tetur. Øll starvsfólkini hava eitt skrivaraborð, sum kann hækka og lækka í hædd, og eina reol, við øllum við- komandi pappírum. – Hetta er eitt umhvørvið við nógvum samarbeiði og nógvum fundarvirksemi ímillum hesar ymsu deild- irnar. Vit avgjørdu tí at seta hjól undir alla skrivstov- útgerðina, soleiðis, at tað er gjørligt at taka sína reol við, t.d. upp á næstu hædd, har samarbeiði skal vera í nakrar dagar. So hava tey alt sítt hjá sær, og tá sam- arbeiðið er liðugt, trilla tey bara alt upp á páss aftur, greiðir Pascale frá. Hon sigur, at við at geva øllum lutunum hjól, verður rúmið eisini nógv lættari. Tað fær eina sveimandi effekt. – Tað, sum er so heilt ófatiligt við hesum bygn- inginum, er útsýnið. So tað havi eg valt, skal vera tað berandi í innrættingini. Tað skulu vera liturin á himm- alinum og á haganum utt- anum bygningin, ið skulu vera dominerandi. Og tað haldi eg, hevur eydnast sera væl. Eisini privatar kundar Men hóast Føroya Tele bygningurin nú væl og virðiliga er fingin frá hondum, endar samstarvið ímillum Idé-møblar á Hálsi og Nemery Pascale ikki her. – Vit hava bygt eitt ótrú- liga gott samstarv upp, og tað vildi verið synd um tað alt fór fyri bakka nú. So hetta er avgjørt nakað, ið vit fara at byggja víðari uppá, staðfestir Pascale. Hon sigur, at tey longu nú hava nøkur rættiliga fastløgd framtíðar projekt í huganum, men at tey ikki verða almannakunngjørd enn. Talan hevur tó eisini verið um, at privatfólk skulu kunna gera sær dælt av stóru vitan Pascales um innrætting. – Tað er ikki óhugsandi, at eisini privatfólk fara at kunna seta seg í samband við Birgir Andreasen, um tey ynskja at fáa meg at hjálpa til við at inrætta húsini. Tað er ikki so van- ligt í Føroyum at nýta innanduraarkitektar, men eg merki væl, at áhugin er sera stórur. Meðan eg havi arbeitt við Føroya Tele, hava nógv privatfólk spurt meg um ráð, og sýnt arbeiðnum stóran áhuga. So tað verður møguliga eitt tilboð í framtíðini, sigur hon. Hon sigur, at tað er so lætt at ferðast landanna millum og at halda sam- bandið um telefonina, at tað ikki fer at krevja, at hon búsetur seg her. – Eg fari at ferðast aftur og fram ímillum londini, og framvegis hava mína tekni- stovu í Keypmannahavn. Hvussu nógv eg fari at vera her, veldst alt um, hvussu stórur eftirspurningurin verður, sigur Nemery Pascale, innanduraarkitekt- ur, at enda. Innanduraarkitektur knýttur at Idé-møblum Innanduraarkitekturin Nemery Pascale uttan fyri bygningin hjá Føroya Tele, sum hon hevur innrættað. Tað er í samstarvi við Birgir Andreasen í Idémøblum, at hon er komin higar. Í framtíðini er ætlanin, at samstarvið skal halda fram, og vanligi føroyingurin skal eisini kunna gera sær dælt av vitan hennara Mynd: Jens Kr. Vang Her er Nemery Pascale í einum av fundahølunum hjá Føroya Tele. Pascale gleðist um, at samstarvið gjørdist meiri umfatandi enn upprunaliga ætlað. – Arbeiðið hevur gingið so ótrúliga væl, og øll hava verið yvirraskandi positiv allan vegin, sigur hon. Mynd: Jens Kr. Vang C M Y K 14