mánadagur 5. september 2016síða 16

Mánadagur 5. september 2016 · Nr. 101 16 Sosialurin Hugskot og viðmerkingar – send sms til 225000 TALV Jóannes Hansen Annað hvørt ár herjar talv­ fepurin hesa tíðina á ári­ num. Tað er, tá ið okkara talv­landslið luttekur í talv­olympiaduni. Í síðstu viku fóru fimm telvarar av land­inum. Kósin var ímóti Aserb­adjan og Baku, har tað leygardagin varð farið undir 42. talvolympiaduna. Í Aserbadjan er klokkan tríggjar tímar frammanfyri okkara klokku. Í dag klokk­ an 15 lokala tíð ella á middegi okkara tíð settust telvararnir fjórða dagin á rað við talv­ borðini. Serligt vinalag og serlig­ur spenningur er yvir dagsins landsdysti. Tað kemst av, at tað eru frændir okkara fyri vestan, sum í dag kappast við okkara telvarar. Felags fyri Ísland og Føroyar er, at úrtøkan í trimum teimum fyrstu umførunum er fýra dystarstig. Tað vil siga, at talan hevur verið um tveir sigrar og eitt tap. Tað eru fimm føroyskir telvarar í ferðalagnum. Teir eru Helgi Dam Ziska, John Rødgaard, Jóan Hend­rik Andreasen, Sjúrður Thor­ steins­son og Finnbjørn Vang. Finn­bjørn er formaður í Talv­ sambandi Føroya og ein av eldsálunum at arbeiða til frama fyri telving, bæði í lokala felagnum í Klaksvík og í Talvsambandinum. Í Baku verður millum før­oyingarnar vónað, at tað skal bera til hjá teimum fýra fremstu at vera við í so nógvum umførum, sum tað ber vil. Um tað vísir seg, at einum fer at berast frá, so fer Finnbjørn Vang at loysa av. Tað er stór avbjóðing at luttaka í talvolympiadu. Teir telvaðu fríggjadagin, leygardagin, í gjár og aftur í dag og í morgin. Mikudagin verður kærkomin frídagur, og so verður ikki helmað í, fyrr enn ellivta umfar er telv­ að týsdagin um eina stóra viku. Ísland er stórfavorittur Í gjár vunnu Føroyar 3 ½ - ½ favoritt sigur á Jersey. Tá ið tíðindini í gjárkvøldið bórust um, at mótstøðuliðið í dag er Ísland, var tað søt­ur musikkur millum føroysk­ ar telvarar, hóast tað sam­ stundis verður ásann­að, at íslendingar eru stór­favor­ ittar. Men tá ið talan skal vera um eitt av stinnaru liðunum, so er tað hugaligt, at tað er ímóti íslendingunum, sum føroyingar so ofta áður hava telvað ímóti. Á heimasíðuni hjá Talv­ sam­bandi Føroya, faroe­ chess.com, verður nógv gjørt burturúr. Har var í gjár­ kvøld­ið tikið soleiðis til um risa stóru avbjóðingina ídag: Ísland hevur ríka talv­ søgu og hevur verið fremsta talv­tjóð í heiminum eftir fólka­talinum. Glæsisligasta tíðarskeiðið í íslendskari telv­ing mundi vera í 80- unum. Tá mannaðu teir seg við stórmeistarum á hvørjum borði, og endaðu nummar fimm á talvolympiaduni í Dubai í 1986. Føroyar fingu óvæntað javn­leik 2-2 móti  Íslandi á seinastu olympiaduni í Tromsø í 2014. Olaf Berg vann, og John Rødgård og Høgni Egilstoft Nielsen telv­aðu javnt. Helgi Dam Ziska tapti ta ferðina fyri Hannesi Stefanssyni, sum í nøk­ur ár hevur verið fremsti telvari hjá íslendingum. Lond­ini møttust aftur í EM-kappingini í Reykjavík í fjør, men tá fekk Ísland revansju og vann 3½-½. Bara Helgi Dam Ziska helt tørn – aftur móti Hannesi Stef­ans­syni á 1. borði. Ann­ ars møttust Føroyar og Ís­ land eisini í síðsta umfari á talvolympisku leikunum á Mallorca í 2004. Tá vann Ísland 3-1. John Rødgård og Hans Kristian Simonsen fingu remis. Í kvøld og í morgin er fyri­reiking á skránni hjá Før­oyum til Íslands-dystin. Serb­iski stórmeistarin Branko Tadic virkar sum venj­ari hjá føroyska lands­ lið­num í Baku. Ikki er greitt, hvørjir íslend­ingar telva í morgin, men teir eru mannaðir við trim­um stórm­ eist­ar­um og tveim­um al­ tjóða  meist­arum í Aserb­ad­ sjan. Stór­meist­ar­arnir eru Hann­es Stef­ans­son, Hjørvar S. Grétars­son og Johann Hjartar­son. Hjartar­son var í síni tíð fremsti telvari í Ís­ landi. Í 1988 vann hann seg heilt fram í fjórð­ings­fin­al­ una í HM-kappingini eftir at hava vunnið í áttanda­parts­ fin­aluni á Viktor Korchnoi. Í fjórð­ings­finaluni tapti hann fyri Anatolij Karpov. Mistu á stokkinum Í fyrsta umfari vunnu Før­ oyar 3-1 ímóti Suð­ursudan. Tá var Jóan Hendrik And­ reasen tann einasti, sum tapti. Tí er tað hugaligt, at Jóan Hendrik í gjár vann fulla úrtøku ímóti Jersey. Størsta avbjóðingin hig­ ar­til var leygardagin, tá ið Føroyar telvaðu ímóti Bulg­ aria, ið er styrkismett sum nummar 22, meðan føroyska liðið er styrkismett sum numm­ar 84. At Føroyar megnaðu at vinna eitt stig frá Bulgaria var framúr. Serligan ans vek­ ir tað, at Helgi Dam Ziska megnaði remis ímóti Topa­ lov, sum í løtuni verð­ur rokn­ aður at vera tíggj­undi stinn­ asti telvarin í heim­inum! John Rødgaard hev­ur á heimasíðuni hjá Talv­sam­ band­inum frásøgn úr Baku, og hann ásannar, at tað var tætt við, at hann og lið­fel­ag­ arnir rukku javn­leik­in. -Topalov hevði lítlan fyri­ mun, men Helgi vardi seg væl, og teir høvdu báðir rók, bisp og tríggjar finnur, tá ið Topalov bjóðaði remis, og Helgi tók av. Hóast remis ímóti stór­ meistaranum Branko Tadic er fínt úrslit, so iðrar John Rød­gaard seg um, at hann ikki sá leikin, sum kundi bor­ ið við sær, at hann vann fulla úrtøku: -Í tíðarneyð var hann ikki so neyvur í kompliseraðu støðuni, og eg hevði greiðan fyri­mun. Eftir 36 leikir og við 37 sekundum eftir bjóðaði hann remis. Eg hevði sjey min­uttir eftir og grundaði í seks minuttir yvir støðuna. Men eg fann ikki einfalda vinn­araleikin og tók ímóti remis tilboðnum, sigur John Rødgaard. Sambært John Rød­gaard var Jóan Hendrik Andrea­sen sannførandi fyrstu løtuna, men so himpraðist hann um, hvørja ætlan hann skuldi halda seg til, og so slerdi toran niður og føroyski telv­ arin noyddist at leggja kong­ in. Sjúrður Thorsteinsson sat leingi og totaðist á fjórða borði, og eftir 55 leikir hevði hann lítlan fyrimun. At hann var kroystur í tíðarneyð bar við sær, at hann ikki var so neyvur, og brádliga vann bulg­arski stórmeistarin sær veg til kongin og so var liðugt. -At tapa 3-1 ímóti Bulg­aria er ikki so galið, men vit vóru altso um reppið at røkka 2-2, sigur John Rødgaard úr Baku og umvegis heimasíðuna hjá Talvsambandi Føroya. Seinni í dag fæst at vita, hvussu føroyingarnir megna avbjóðinga ímóti Íslandi, ið er styrkismett sum nummar 44 ella væl lægri enn Bulg­ aria, sum føroyingarnir vóru um reppið at vinna javnleik ímóti! Ísland er mótstøðuliðið í dag, eftir at Helgi Dam Ziska og liðfelagar hansara í trimum teimum fyrstu umførunum hava staðið seg lutfalsliga væl TALVFEPURIN GER AFTUR UM SEG Topalov og Helgi Dam Ziska