týsdagur 14. september 2004síða 14

26 Nr. 174 - 14. september 2004 NSÍ-GÍ 2-1 (2-0) NSÍ tendraði Runavíkingar fingu loksins nakað at fegn- ast um, tá teir fingu fult móti GÍ, men í Gøtu spyrja tey, hvussu tað bar til, at Jens Martin slapp snikkaleysur frá brotssparksdómi FÓTBÓLTUR Jákup Mørk jakup@sosialurin.fo Gøtumenn mundu missa ta allar seinastu vónina um heiðursmerki í ár, eftir at teir máttu stigaleysir aftur um Gøtueiði sunnudagin. Runavíkingar hava ann- ars ikki havt eitt ár, sum hoyrir heima millum tey minnisríkastu hjá felagn- um, men serliga í fyrra hálvleiki glógvaði í teimum sunnudagin., Vertirnir løgdu fyri sum óløgi, og GÍ fekk snøgt sagt ikki beint til jørðina hesa fyrstu longu løtuna. Tað eydnaðist eisini heimaliðn- um við stuttum millumbili at leggja seg á odda við tveimum málum, og í báð- um førum var Ian Højgaard høvuðsmaður. Fyrst fann rituvíkingurin Ike við ein- um frísparksinnleggi, og bara tveir minuttir seinni kom Ian sjálvur á talvuna eftir uppspæl í høgru síðu. Einki kort Og í roynd og veru kundu runavíkingarnir kanska fingið okkurt málið afturat fyri steðgin, men GÍ megn- aði tó at halda tørn, fyri síðani at leggja harðliga fyri eftir steðgin. Kanskia fullu runavíkingarnir nú eisini nakað aftur á vøllin, soleiðis at GÍ-trýstið kundi gerast enn størri, men leingi var tó líkt til, at hetta ikki skuldi geva nakað úrslit. GÍ fekk tó minkað um munin, tá Krzystof Popc- zynski vann sær eitt brots- spark, sum runavíkingarnir als ikki vóru nøgdir um, men tað var helst ikki tað, sum fekk størstu umrøðuna eftir dystin. Heldur var tað staðfestingin av, at hóast dómarin bríkslaði fyri brotssparki, tí hann metti Jens Martin hava tikið beinini undan pólverjanum, so valdi hann als ikki at geva kort fyri hendingina. Jens Martin hevði annars longu eitt gult kort á kont- ini, og tí hildu gøtumenn í øllum førum, at landsliðs- málverjin skuldi fingið march-ordra. Hvussu var og ikki, so varð Súni Olsen settur at taka sær av brotsspark- inum, og hetta gjørdi hann uttan stórvegis hóvasták. Bólturin varð umvegis tvørtræið hamraður í málið, og so fekk Jens Martin ikki gjørt stórvegis. Seinastu løtuna royndi GÍ at trýsta fyri útjavningini, men tað eydnaðist teimum ikki at finna vegin fram við Jens Martini, og nú tykist tað standa minni væl til við heiðursmerkjadreymunum hjá GÍ. Ein sigur her hevði annars havt við sær, at frástøðan upp til Skála bert vildi verið tvey stig. Europa dregur Enn eru sjálvandi níggju stig eftir at stríðast um, men tað skal fella væl í lag hjá GÍ, um teir nú skulu vinna seg upp á heiðurs- merkjapláss. Ikki minst, tá ein av eftirverandi dystun- um eisini er í Gundadali móti HB. Runavíkingar hava somu- leiðis 21 stig, men eins og í GÍ mugu teir helst eisini ásanna, at talan so ikki verður um metall í lands- kappingini í ár. Hinvegin, so hava runavíkingarnir longu vissa sær sæti í Europa til komandi kapp- ingarár. Oddasessurin hjá HB hevur nevnliga við sær, at tapta steypafinalan gevur atgongd til UEFA-Cup, og einki er at ivast í, at NSÍ í so máta hevur rokkið eitt av málunum, sum vórðu sett undan kappingini. NSÍ-GÍ 2-0 (2-1) 1-0: Ikechuckwu Onyema, 21 2-0: Ian Højgaard, 23 2-1: Súni Olsen (br.), 76 NSÍ: Jens Martin Knudsen – Gert Langgaard, Óli Hansen, Áki L. Hansen, Sjúrður Jacobsen – Andy Olsen, Kári Hansen, Ian Højgaard, Jónstein Petersen (Jústinus R. Hansen, 74.) – Helgi L. Petersen (Einar Hansen, 89.), Ikechuckwu Onyema Gult kort: Jens Martin Knudsen, 13., Ikechuckwu Onyema 90. GÍ: Hallur Hansen – Poul Ennigarð, Kaj Ennigarð, Atli Gregersen, Hanus Jacobsen – Áslakur R. Peter- sen, Símun Louis Jacobsen (Poul Henning Jacobsen 80.), Adam Pauwelszek (Poul Andrias Jacobsen, 89.), Hans Pauli Petersen – Krzystof Popczynski, Súni Olsen Gult kort: Poul Ennigarð, 85., Hans Pauli Petersen 13. Dómari: Petur Skarðenni FAKTA UM DYSTIN Tað er ikki bara sjálvt HB, sum hevur rund- an dag í ár. Stuðlarnir fylla eisini 25 ár STUÐLARNIR Jákup Mørk jakup@sosialurin.fo Í hesum sambandi hevði Eyðun Dahl-Christiansen gjørt eina tekning av ver- andi nevndini í HB-stuðl- um, og eftir dystin kundi hann so handa tekningina til formannin í HB-stuðl- um, Sólbjørn Thomsen. Hetta er triðja árið, at Sólbjørn er formaður í HB- stuðlum, og við trimum gullmerkjum hesi árini er einki at siga til, at tað var ein nøgdur formaður, sum eftir dystin ynskti leikarun- um tillukku. – Eg haldi so ikki, at okkara partur hevur ligið eftir, men tað eru sjálvandi fyrst og fremst leikararnir, sum eiga æruna av gullin- um, helt Sólbjørn. Og við trimum gull- merkjum innan trý ár fær staðfestingin illa vera ein onnur, enn at Sólbjørn hev- ur verið ein góður for- maður, men sjálvur vil hann einki siga, um hann eisini heldur fram í sessinum. – Tað fáa vit at síggja. Vit hava okkara aðalfund um ikki so langa tíð, og tá stendur mín sessur so fyri vali. So fáa vit at síggja, hvat limirnir halda, stað- festi hann at enda. Umframt formannin, telir nevndin í HB-stuðlum seks aðrar limir. Tey eru Marianna Eysturoy, Ingi Gunnarson, Jógvan Páll Lassen, Regin Berg, Aage Samuelsen og Miriam Hinz. Stuðlarnir fylla eisini Sólbjørn Thomsen við tekningini, sum varð handað HB-stuðlunum eftir dystin Mynd: Jan Müller C M Y K 26 Nr. 174 - 14. september 2004 27 27 Skála, sum saknaði fýra av stuðulsspælar- unum, javnaði í síðsta minutti, men í stuttu tíðini, sum dómarin hevði lagt afturat báðum umførunum, fingu klaksvíkingar sigursmálið SKÁLA-KÍ Jóannes Hansen Avrikið á Skála sunnudagin fer ikki í søgubøkurnar sum eitt av teimum frægu. Hvørki hjá Skála ella KÍ. Skála royndi í 2. hálvleiki, tá ið teir tóktust eiga meiri orku enn gestirnir, at flyta bóltin skjótt runt. Men tað var trupult, tí saknurin í fleiri av føstu monnunum var so meinur. Klaksvíkingar vóru av- gjørt ikki komnir á Skála at undirhalda við poleraðum leikligum avriki. Teir vóru komnir fyri at sparka og stríða seg til trý stig, og tað eydnaðist. Tað vóru teir fegnir um. Hetta var triðja ferðin á rað, at teir fingu fult, og hesa ferð vunnu teir, eftir at teir tað mesta av 2. hálvleiki leikliga høvdu ligið undir. So kann altíð vigast fyri og ímóti, um tað var tí, at fleiri á KÍ liðnum ikki eru í nóg góðari venjingarstøðu, ella um tað var tí, at konseptið var so primitivt, at størsti parturin av liðnum skuldi liggja aftarlaga á vøllinum — vongverjarnir tóktust hava fingið boð um ikki at fara fram um miðstrikuna - og sparka langt fram til Ova Nysted og Erling Fles, sum ar- beiddu nógv, men sum í 2. hálvleiki høvdu lítið sam- band við aftaru keturnar. Jan Andreasen, sum seinastu ferðirnar hevur verið í miðverjuni, var leik- bannaður. Fyri at styrkja um miðverjuna var Atli Danielsen, sum heilt klárt var besti maður á vøllinum, fluttur aftur av álopskenda miðvallarplássinum og í miðverjuna. Tað hevði sjálvandi við sær, at upp- spælið hjá KÍ ikki gjødist so sannførandi, sum tað kundi havt verið. Men mið- verjan kundi ikki havt fingið betri styrk. Jákup Mikkelsen var á beinkinum, meðan U-19 málmaðurin, Mattias Sam- uelsen, fyri fyrstu ferð vardi KÍ málið í lands- kappingardysti. Tað slapp hann heilt væl frá. Hóast ungur og harvið óroyndur, so smæddist hann ikki fyri at stýra garvaðu monnun- um frammanfyri seg, hann var ósmæðin, tá ið hann tveitti seg í nærdyst við Pujo, og hann var tryggur, tá ið hann fór út í brots- teigin eftir innleggum. Hjá Skála sást einki til Jónhard Frederiksberg, Nenad Stankovic, Dusan Jaic og Paula G. Hansen. Tað hevði við sær, at Johan Nielsen var noyddur at brúka fleiri av minni royndu spælarunum. Eitt nú var sentrali miðvøllurin mannaður púra av nýggj- um. Sjálvandi kendist tað, at fleiri nýggir vóru við, men hóast teir manglaðu fleiri av føstu monnunun- um, so høvdu skálamennin- ir lættari við at finna hvønn annan, enn klaksvíkingar- nir høvdu tað. Seinna partin av 2. hálvleiki legði Skála nógv fyri í royndini at javna. Tá vóru teir leikliga omaná, og tað kendist sum um, at um teir høvdu havt fingið eitt mál, so kundu teir so skjótt havt fingið fleiri. Iulian Florescu, sum í útgangs- støðuni var vongverji í vinstru, var síðsta korterið, tá ið Jóhannus Mikkelsen var komin á vongverjan, á miðvøllinum, og hóast hann tóktist hava hug at skúma ímóti einstøkum mótstøðumonnum, so darv- aði hetta honum ikki í at vera sera vandamikil. Ser- liga var tað í deyðbóltun- um, at hann var vandamikil, og ikki færri enn tríggjar ferðir nýtti hann avbera førleikan at sparka úr stór- ari fjarstøðu soleiðis, at bólturin tók í ovaru síðuna á tvørtrænum. Sum oftast royndu skála- menninir at fáa spælið trýst ígjøgnum í høgra borði. Har var torført at sleppa framat, men tvær ferðir komu teir til fløt innlegg, sum kundu havt verið vandamikil. Alexandur Jo- hansen lá og bíðaði í vinstru. Hann var ofta ar- beiðsleysur, men í síðsta minuttinum í vanligu leik- tíðini fekk hann møguleik- an, hann títtaði og dyrgdi eftir brotssparkinum. Tað eydnaðist, og tá ið Iulian Florescu hevði umsett úr ellivu metrum, tóktist tað sum um, at Skála hevði bjargað sær eitt stig. Men soleiðis tørnaði tað ikki út. KÍ og yvirtíðin KÍ skoraði tvey mál í tíðini, sum dómarin hevði lagt afturat. Í 1. hálvleiki var tað Ovi Nysted, sum við fínum stútara smekkaði bóltin upp í málhornið. Jan Joensen, sum aftur hesa ferð var rættuliga drúgvur, vann á miðstrikuni bóltin av skála- monnum, Arnhold Joensen fór við ferð fram í høgru, innleggið til handara stólp- an var neyvt, og Ovi Ny- sted smekkaði krúllin undir bóltin. Erling Fles og Ovi Ny- sted fingu eftir fløt innlegg úr høgru onkrar stórar møguleikar, uttan at nakað spurdist burturúr. Tá ið Skála hevði javnað til 1-1, og vanliga leiktíðin var far- in, sást tað væl, at klaks- víkingar kendu tað sum um, at teir høvdu mist tvey stig. Men í síðsta álopinum eydnaðist aftur hjá KÍ. Eyðun Klakstein, sum aftur hesa ferð var millum teir mest eyðsýndu, tiltuskaði sær fríspark í vinstru, Arn- hold Joensen legði í brots- teigin, og meðan fleiri skálamenn hingu uppi í Ova Nysted, stýrdi púra leysi Erling Fles mitt fyri málinum og einar tríggjar metrar frá strikuni við høvdinum bóltinum í málið. Og so var lagið gott á klaksvíkingum, meðan tað kendist á skálamonn- um, at nú vóru tað teir, sum høvdu mist eitt stig. Skála vinnur ikki á KÍ Í seks landskapp- ingardystum hevur tað ikki eydnast Skála at fingið fult, tá ið teir hava spælt ímóti klaksvíking- um SKÁLA KOMPLEKS Jóannes Hansen Skála hevur staðið seg munandi betri í ár, enn teir gjørdu tey bæði fyrstu árini, sum liðið hjá teimum var í bestu deildini. Tá stríddust teir fyri lívinum í bestu deildini. Nú stríðast teir fyri at vinna fyrsta settið av heiðurskrónum. KÍ fór sunnudagin av Skála við øllum stigun- um. Tað hava teir gjørt tvær av trimum møgu- ligum ferðum. Í fjør vunnu teir 2-0 og í fyrraárið endaði tað 2-2. Tað vil altso siga, at higartil hava skálamenn ikki fingið fult, tá ið klaksvíkingar hava vitjað. Fyrr í summar endaði tað 1-1, tá ið Skála vitj- aði í Klaksvík. Í fjør og í fyrraárið vann KÍ heimadystirnar ímóti Skála. Í fjør vunnu teir í 15. umfarinum — ella sama umfarinum sum teir sunnudagin vóru á Skála — 7-0, og í fyrra- árið var úrslitið 4-0. Skála-KÍ 1-2 (0-1): KÍ helt seg til yvirtíðina Skála-KÍ 1-2 (0-1) 0-1: Ovi Nysted 45. 1-1: Iulian Florescu br 89. 1-2: Erling Fles 90. Dómari: Dagfinn Olsen Skála: Igor Bjarni Kostic — Rói Jacobsen, Rúni Rasmussen, Arnhold Berg, Iulian Florescu — Hanus Thorleifsson, Bárður Danielsen, Sveinur Justinussen, Alexandur Johansen — Bogi Greger- sen (Jóhannus Mikkelsen, 78.), Eugen Marian Stanciu Gult kort: Eugen Marian Stanciu KÍ: Mattias Samuelsen — Leon Bjartalíð, Atli Danielsen, Niclas Niclassen, Símun Joensen — Arnhold Joensen, Jan Joensen, Jacob Bymar, Eyð- un Klakstein — Erling Fles, Ovi Nysted Gult kort: Símun Joensen, Ovi Nysted FAKTA UM DYSTIN Skálamenn stríddust til fánýtis sunnudagin. KÍ tók øll stigini, og gav harvið javnaldranum úr Havn seinasta skumpið móti FM- heitinum