hósdagur 8. september 2016síða 7

FRÍGGJADAGUR 9. SEPTEMBER 2016 SOSIALURIN 103 7 góð. Niðurstøðan var, at hann mest sann­líkt hevði krabbamein. Hann bað læknan um at kanna seg fyri tað, men læknin segði, at tað lat seg ikki gera. - Í samráð við stjóran skifti eg so kommunulækna, og nýggi læknin sendi meg beinleiðis út á B8 aftur. Heldur ikki hesa ferð funnu tey nakað, men eg merkti, at tey vóru eitt sindur troytt av mær. Tey høvdu jú kannað meg fyrr og einki funn­ið, so tey meintu, at tað helst var okkurt psykiskt. Tey bóðu meg ganga túrar, men tá eg segði, at tað gjørdi eg longu, bóðu tey meg bara ganga longur, sigur Herluf Gudmundarson. Vit eru nú komin út í juli mánað. Herluf Gudmundarson gerst troytt­ari og troyttari og er enn sjúkra­meldaður frá starvinum í Eikini. - Eg var ørkymlaður og livdi í einum pínuhelviti. Eg bleiv bara troyttari og troyttari. Endin var, at eg fór niður á Hamlet, eitt privat sjúkrahús í Danmark, til kann­ ingar. Har fekk eg endiliga hjálp. Læknin segði longu tá hann sá meg, at trupulleikin var í rygginum. Tað sá hann á gongu­lag­num. Hann sendi meg tí til kann­ingar hjá einum ryggserfrøðingi og einum bein­serfrøðingi. Hann kundi so um ikki annað avvísa, at talan var um krabbamein, sigur Herluf Gud­ mundarson. Ryggur og fótur í sori Á Hamlet funnu lækn­arnir keld­ur­ nar til trup­ul­leik­ arnar. Í fót­inum eru tveir liðir, sum eru voksnir saman, men brotna aftur, tá trýst verður lagt á teir. Herluf Gudmundarson hevur tí gingið við nøk­ rum, sum minnir um eitt brot­ið bein alt lív­ ið. Tað hevur allar­helst verið viðvirkandi til, at niðasti geislin í rygg­inum var forskotin 1,3 senti­met­ rar. - Læknin segði, at hesin nið­asti geislin hevur drigið nerv­ar og alt annað við sær, og at tað var einki løgið í, at eg hevði havt nógva pínu alt lívið. Loysnin til trupulleikan var skurðviðgerð, søgdu teir. Teir bjóðaðu sær at gera hana sjálvir, men søgdu, at eg eisini kundi taka úrslitini við mær til Føroya og lata Landssjúkrahúsið gera restina, greiðir hann frá. Herluf Gudmundarson sigur, at hann valdi at royna eydnuna við Landssjúkrahúsinum. Hann fór til kommunulæknan dagin eftir, at hann kom aftur til Føroya og teir avtalaðu, at hann skuldi sleppa til skurð skjótat gjørligt. Hann fór sjálvur út á Landssjúkrahúsið við kanningarúrslitunum frá Hamlet, fyri at tryggja sær, at alt var í lagi. Boð komu kortini frá Lands­ sjúkra­húsinum, um at teir vildu gera nakrar kanning­ ar sjálvir, áðr­enn hann varð lagdur undir skurð. Hann var tí boðsendur at koma til kanning­ar 18. august, men fekk at vita, at hann kundi skurðviðger­ ast 19. august, um tað var neyðugt og gjørligt. Hamlet hevði tó bílagt eina tíð til skurðviðgerð 11. august, og Herluf Gudmundarson valdi at taka av. - Talan var um eina umfatandi og torgreidda skurðviðgerð. Geislin mátti togast upp á pláss, eins og at nervar og annað mátti fríttleggjast. Skurðviðgerðin gekk væl, sigur Herluf Gudmundarson. Setti seg í stóra skuld Avgerðin at lata seg skurðviðgera á Hamlet gjørdist byrjanin til ein fíggjarligan ræðuleika, sum fylgir familjuni enn. Her­luf Gud­ mundarson fór á Ham­let utt­an eina tilvísing frá Lands­sjúk­rahúsinum. Tískil vil Lands­sjúk­rahúsið ikki rinda fyri skurðviðgerðina. - Tað løgna er, at skurðlæknin á Landssjúkrahúsinum seinni segði, at hann hevði komið til somu niðurstøðu sum tey á Hamlet, og at hann hevði verið noyddur at senda meg til Danmarkar at gera skurðviðgerðina, tí hon kundi ikki verið gjørd í Føroyum. Hesin læknin helt tí, at eg átti at enda undir somu endurgjaldstreytum, sum tey, ið høvdu eina tilvísing áðrenn fráferð, sigur Herluf Gud­ mundarson. - Leiðslan á Landssjúkra­hús­ inum sigur, at eg lat meg skurð­ við­gera uttan ávísing, tí kunnu teir ikki veita mær endurgjald. Men Landssjúkrahúsið segði jú av fyrstan tíð, at mær einki bagdi. Hvussu skuldi eg so fing­ið eina ávís­ing, spyr Herluf Gud­mund­ar­ son. Í novembur lá leiðin aftur nið­ur á Hamlet, hesa ferð fyri at skurð­ viðgera beinið. Skurðviðgerðin í rygginum eydnaðist væl, og við tíðini er Herluf Gudmundarson sloppin av pínutablettunum. Men aftur hesa ferð fer hann á Hamlet uttan tilvísing frá Lands­ sjúkrahúsinum. - Bæði eg og kona mín halda upp á, at læknin á Landssjúkrahúsi­num lovaði, at hann skuldi skaffa mær eina ávísing. Eg var tó so býtt­ur, at eg ikki fekk lyfti skrivligt. Eg var eisini ótolin, vildi ikki bíða eftir tí. Fyrra skurðviðgerð­in var væl eydnað, nú vildi eg bara niður at fáa beinið í lagi eisini. Í dag sigur læknin, at hann ikki lovaði okkum at fara á Hamlet, men at hann ætlaði at senda okkum til Danmarkar á eitt av almennu sjúkrahúsunum, sum Landssjúkrahúsið samstarvar við, greiðir Herluf Gudmundarson frá. Pínan vendir aftur Eisini seinna skurðviðgerðin gekk væl, men pínan var øgilig. Herluf Gudmundarson verður seingjarliggjandi í tríggjar vikur Leiðslan á Landssjúkrahúsinum sigur, at eg lat meg skurðviðgera uttan ávísing, tí kunnu teir ikki veita mær endurgjald. Men Landssjúkrahúsið segði jú av fyrstan tíð, at mær einki bagdi. Hvussu skuldi eg so fingið eina ávísing