hósdagur 8. september 2016síða 29

FRÍGGJADAGUR 9. SEPTEMBER 2016 SOSIALURIN 103 29 – Tað er sum at hittast við góðum vinmonnum hvørja ferð, tá ið vit savnast, tí at nógvir av okkum hava spælt saman, síðani vit vóru á U15-landsliðnum. Eg gleði meg altíð minst líka nógv til at samlast við hinum sum at spæla dystirnar, sigur miðvallaraslítarin á føroyska landsliðnum, Hallur Hansson Lars Olsen nýtti bert eina av sínum trimum útskiftingum í HM- undankappingardystinum ímóti Ungarn týskvøldið, sum endaði 0-0. Einsamalla útskiftingin varð framd í yvirtíðini, tá ið Hallur Hansson, sum vanliga spælir frá byrjan til enda, bleiv útskiftur fyri Heina Vatnsdal. – Eg plagi at spæla 90 minuttir hvørja ferð, so eg var ikki meira móður, enn eg plagi at vera. Lars tók nokk hasa avgerðina, tí at eg rann í dýbdina nakrar ferðir í endanum, har eg kanska ikki var nóg skjótur at koma upp á pláss. Men eg leggi onki í, um eg varð útskiftur, tí at har eru so nógvir mans á bonkinum, ið eisini høvdu kunnað byrjað inni, so tað er fínt, at onkrir frískir mans koma inn onkuntíð, segði Hallur Hansson, tá ið Sosialurin fekk orðið á hann eftir dystin týskvøldið. Gleðir seg altíð til landsliðið Føroyska landsliðið spælir betri fótbólt og fær betri úrslit enn nakrantíð í hesum døgum. Ein av orsøkunum til hetta er, at leikararnir trívast sera væl saman bæði á og uttanfyri vøllin, heldur Hallur Hansson. – Óansæð hvørjum vit spæla ímóti, og hvar vit so spæla, so gleði eg meg altíð at spæla við landsliðnum. Tað er sum at hittast við góðum vinmonnum hvørja ferð, tá ið vit savnast, tí at nógvir av okkum hava spælt saman, síðani vit vóru á U15-landsliðnum. Eg gleði meg altíð minst líka nógv til at samlast við hinum sum at spæla dystirnar. Vit hava tað sera gott saman uttanfyri vøllin, og tað haldi eg eisini vera ein lykil til, at vit spæla so væl. Alt liðið siglir sama veg, og ímóti Lettlandi og Portugal um ein mánaða fara vit eftir trimum stigum, sigur Hallur Hansson. Eitt megnar avrik Júst sum nógvir aðrir føroyingar, so iðraði Hallur Hansson seg eitt sindur um, at góða avrikið ikki rakk til trý stig. Men kenslan var kortini góð, tí at føroyska landsliðið spældi so væl. – Kenslan er eitt sindur ,,bæði og”. Vit kundu fingið meira burturúr, men um hugt verður eftir menningini hjá landsliðnum, so peikar hon bara ein veg, og tað er frameftir. Eg eri eitt sindur vónbrotin um, at vit ikki fáa trý stig, men eg eri ómetaliga væl nøgdur við okkara avrik, sigur Hallur Hansson. Hann vísir á, at í dag klárar føroyska landsliðið at spæla góðan fótbólt í nógv longri løtum, enn tað gjørdi áður. – Eg eri eitt slag av einum perfektionisti. Mær dámar væl at spæla bólt, og um hugt verður eftir, hvussu vit spældu fyri t.d. tveimum árum síðani, so spældu vit væl í løtum. Í dag hava vit longri løtur, har vit spæla væl, men eg haldi framvegis, at okkara spæl kann betrast. Tað sær gott út, og vit skulu blíva við, men vit skulu eiheldur gloyma, at fyrst og fremst er tað innsatsurin hjá okkum, sum skal vera upp á pláss, sigur Hallur Hansson. Steðgar ikki á í Horsens Undan hesum kappingarárinum skifti 24 ára gamli Hallur Hansson frá Vendsyssel til AC Horsens, ið flutti upp í donsku Superliguna. Hallur er beinanvegin blivin ein lyklaleikari hjá uppflytaraliðnum, har hann hevur fast pláss á vinstra vongi. Føroyski miðvallarin trívist sera væl í sínum nýggja felagi. – Eg trívist væl í Horsens. Tað tók eitt sindur av tíð at venja seg við spælistílin í felagnum, tí at hann er eitt sindur øðrvísi enn tað, sum eg eri vanur við. Eg eri blivin væl móttikin og eri glaður í felagnum. Men eg ætli mær nógv við fótbólti, so eg koyri á hvønn dag, sigur Hallur Hansson. Hallur Hansson sigur eisini, at hann við tíðini sær seg spæla við einum enn størri felagi enn AC Horsens. – Eg vil øgiliga nógv og venji hart, og eg ætli mær longur enn Horsens. Men eg eri eyðmjúkur um møguleikan, sum eg havi fingið í Superliguni, og eg ætli mær at betra meg so nógv, sum eg kann, og hjálpa Horsens. Vit fáa at síggja, hvussu langt tað røkkur, sigur Hallur Hansson at enda. Tað vóru ivaleyst mong, sum týskvøldið undraðust á, at tað vóru fleiri hundrað tóm setur á Tórsvølli til dystin millum Føroyar og Ungarn, hóast tað var fráboðað, at útselt var til dystin. Sambært almenna áskoðaratalinum vóru tað gott og væl 700 tóm setur til dystin. – Øll atgongumerki verða skannaði við inngongdina, og vit hava greinað hvørji atgongumerki ikki eru nýtt. Staðfestast kann, at tað er ikki ein ávísur bólkur sum settist aftur, so alt bendir á, at veðrið hevur spælt ein avgerandi leiklut. Virgar Hvidbro fegnast hóast alt um, at tað møttu so mong henda dagin, tí samanbera vit við dystir fyri bert fáum árum síðani, so vóru vit væl fleiri týskvøldið. Bleiv útselt dagin fyri Virgar Hvidbro, aðalskrivari í Fótbóltssambandi Føroya, vísir á, at tað vóru fleiri orsøkir til tess. – Tað er nú einaferð soleiðis, at útiliðið altíð eigur ein ávísan part av atgongumerkjunum. Sum oftast brúka tey ikki øll hesi atgongumerki, og so fáa vit ein part aftur í góðari tíð. Men hóast ungarar ikki brúktu øll síni atgongumerki, so fingu vit ikki hesi aftur fyrr enn í síðstu løtu, og tí høvdu vit ikki møguleika at selja hesi atgongumerki til føroyskar áskoðarar, greiðir Virgar Hvidbro frá. Aðalskrivarin greiðir frá, at tað vóru atgongumerkir til dystin til sølu líka til mánadagin, altso dagin fyri dystin, og hann heldur ikki, at tað mundu vera mong, sum høvdu ætlað sær til dyst, sum sótu við hús, tí tey fingu eingi atgongumerki. – Tað var so eingin telefon­ stormur á skrivstovuni hjá okkum, sum tað annars hevur verið til onkran annan dyst, har tað hevur verið útselt, so eg meti, at tey flestu, sum høvdu ætlað sær til dyst, fingu hendur á atgongumerkjum, sigur hann. Fólk valdu at sita heima Veðrið var ikki av tí besta bróðurpartin av týsdegnum, og tað hevur ivaleyst gjørt sítt til, at fleiri áskoðarar valdu at sita heima sambært aðal­ skrivaranum í FSF. – Vit hava jú sum nakað nýtt undan hesi undankappingini selt fleiri pakkar við at­gongu­ merkjum til fleiri dystir. Eg giti, at tað eru fleiri av teimum, sum hava keypt slíkar pakkar, ið valdu at sita heima hendan dystin, tí at veðrið var so mikið illfýsið týsdagin, sigur Virgar Hvidbro. Hann avsannar samstundis, at talan er um eina rúgvu av at­ gongu­merkjum til sponsorar, ið ikki verða nýtt, og at hetta skal vera høvuðsorsøkin til mongu tómu setrini. – Tilsamans er talan um minni enn 200 atgongu­merkir, ið verða latin út til sponsorar, og størsti parturin av hesum verða brúkt, og tað eru heldur ikki nakrar fyritøkur, sum keypa fleiri hundrað atgongumerkir at býta út. Tað brúkta vit fyrr, tá ið tað var trupult at fylla Tórsvøll, men tað gera vit ikki nú, sigur Virgar Hvidbro at enda. Skansin hevði nógv tóm setur Eitt øki á Tórsvølli, har nógv tóm setur vóru, var í sunnara enda, har fjepparafelagið Skansin heldur til. Andrass Thomsen hjá Skansan­um sigur, at tey royndu til seinastu løtu at selja tey at­ gongu­merkir, sum vóru óseld, men tað eydnaðist ikki at sleppa av við øll. – Vit høvdu kanska eini 100 at­gongu­merkir, sum vit ikki sluppu av við. Vit royndu at koyra tað út á Facebook dagarnar undan dystinum, men vit sluppu sum sagt ikki av við alt. Tað er møgu­ligt, at vit skuldu havt latið FSF óseldu at­gongu­merkini aftur, so tey kundu roynt at selt tey, og tað er sjálvandi nakað, sum vit skulu hava í huga til eina aðru ferð. Men sum sagt so royndu vit at sleppa av við atgongumerkini hjá okkum, sigur Andrass Thomsen úr Skansanum. Hallur mun hava sett kross í kalendaran sunnudagin 10. oktober, tí at tá koma Cristiano Ronaldo og portugisisku evropameistararnir á vitjan á Tórsvølli. – Sjálvandi gleða vit okkum nógv til tann dystin. Tað verður fult hús, og tað er stórt, tá ið evropameistararnir koma at spæla ímóti okkum á Tórsvølli. Vit ætla okkum eisini at geva teimum ein skarpan gang. Tað verður ein sera torførur dystur, men serliga á heimavølli hava vit víst, at øll londini fáa trupulleikar ímóti okkum, sigur Gunnar Nielsen. Íslendska meistaraheitið í eygsjón Seinastu tvey árinir hevur Gunnar Nielsen spælt fótbólt í Íslandi til dagliga. Í fjør spældi hann við Stjarnuni, men undan hesum kappingarárinum skifti hann til FH Hafnarfjørður, har hann er liðfelagi við Kaj Leo í Bartalsstovu. Føroyingarnir í FH kunnu helst vænta, at teir fara at vinna íslendska meistaraheitið. – Fimm dystir eru eftir, og vit eru á odda við sjey stigum. Tað sær gott út, men arbeiðið skal gerast liðugt. Vinna vit íslendska meistaraheitið, so hevði tað verið ómetaliga stuttligt, sigur Gunnar Nielsen. Føroyski landsliðsmálverjin hevur sáttmála við FH í tvey ár afturat, so hann væntar eisini, at hann heldur fram í FH í 2017. – Eg havi tvey ár eftir av sáttmálanum við FH, men man veit ongantíð í fótbólti, hvat framtíðin hevur at bjóða. Beint nú er sera sannlíkt, at eg eisini fari at spæla við FH framyvir, vóru seinastu orðini frá Gunnari Nielsen. GLEÐI MEG ALTÍÐ AT SPÆLA VIÐ LANDS­LIÐNUM VEÐRIÐ FEKK FÓLK AT SETAST AFTUR Fleiri undraðust yvir, at tað vóru so nógv tóm setur til landsdystin á Tòrsvølli týskvøldið. Virgar Hvidbro, aðalskrivari í FSF sigur, at orsøkirnar til hetta vóru fleiri, men talan var ikki um umbrúktar sponsorbilettir, og hóast tað var útselt, so var ikki gravgangur eftir atgongumerkjum beint undan dystinum