hósdagur 15. september 2016síða 38

FRÍGGJADAGUR 16. SEPTEMBER 2016 SOSIALURIN 106 38 Ikki við: Robert Heðin Brockie (langtíðarskaddur í knænum) og Gestur B. Dam (leikbannaður við fýra gulum kortum). Ivasamur: Alex Mellemgaard (trupulleikar í lærkrikanum). Við aftur: Lukasz Cieslewicz (tøkur aftur eftir vøddaskaða) Ivasamur: Tróndur Jensen (knæið) Ivasamur: Sorin Anghel (Ryggskaði) Við aftur: Finnur Justinussen (Verður flogin heim og er tøkur aftur eftir skaða)) Ikki við: Magnus H. Olsen (lærskaði, ein vika) Jónleif Højgaard (knæskaði, ein vika) Haraldur R. Højgaard (mjødnin, langtíðarskaddur) Andras Frederiksberg (lærkrikin, langtíðarskaddur) Ikki við: Evrard Blé skaddur (Fipurspreinging, 2-3 vikur) Ivasamur: Albert R. Johannesen (Fótliðurin) JÓANNES HANSEN T að verður í Sarpugerði, at spurningarnir um FM stríðið verða svaraðir. Sunnudagin fær Víkingur vitjan av KÍ. Tá verður talan um toppdyst. Um tað eydnast klaksvíkingum at fara við øllum, so verður oddastøðan varðveitt, hóast KÍ skuldi tapt ein av fýra teimum seinastu dystunum (B36 (h), AB (ú), B68 (h) og ÍF (ú). Um tað eydnast Víkingi at vinna fulla úrtøku, so verður tað upp til víkingarnar sjálvar at avgera FM lagnuna. Víkingur eigur fýra heimadystir á rað: KÍ, NSÍ, TB og B36 áðrenn tað verður rundað av á Argjum. Um NSÍ fær fult ímóti TB, og Víkingur vinnur ímóti KÍ, so hevur NSÍ møguleika annan sunnudag við sigri í Sarpugerði at leggja seg upp á síðuna á Víkingi. Um tað endar javnt í Gøtu sunnudagin, og NSÍ vinnur á TB, so hevur NSÍ annan sunnudag í Sarpugerði møguleika at vinna oddasessin. Hjá NSÍ bíða eftir TB á heimavølli Víkingur (ú), B36 (ú), AB (h) og B68 (ú). Harvið eiga tvífaldu meistararnir í B36 uppgerðir ímóti trimum teimum fremstu – KÍ og Víkingi á útivølli og NSÍ á heimavølli: – Vit savna okkum um avbjóðingina ímóti HB. Tá ið hon er av, fara vit at savna okkum um avbjóðinga í Klaksvík. Fyrr í summar vóru vit nógv skaðadarvaðir, og vit hava spilt so mikið nógv burtur, at vit hava ikki møguleika at endurvinna FM. Nú eru vit væl fyri, og vit trívast væl, tá ið avbjóðingarnar eru stórar, so vit vera uppsettir. Um tað hevur ávirkan á, um tað verður KÍ, Víkingur ella NSÍ, sum verður meistari, liggur ikki fremst hjá okkum, sigur B36 venjarin Eyðun Klakstein. NSÍ ríður á aldukabinum NSÍ-TB: KÁRI J. Á HØVDANUM SUNNUDAGIN KL. 15.00 Tølini siga, at NSÍ hevur vunnið størstu úrtøkuna átta tey seinastu umførini. Sjey sigrar og ein javnleikur og málmunurin 21-6 er orsøkin til, at FM vónin er birt aftur eftir 2-0 sigurin ímóti KÍ. Síðsta NSÍ tapið var á útivølli ímóti TB 12. juni. Í meiri enn eitt fjórðingsár er einasti stigamissurin 0-0 ímóti HB á heimavølli. NSÍ hevur fyrr í ár spælt tríggjar ferðir ímóti TB – allar ferðir í Trongisvági. TB vann báðar landskappingardystirnar, meðan NSÍ við 2-1 sigri spældi seg víðari í steypakappingini, tá ið Klæmint A. Olsen noyddist at fara í málið at standa og bjargaði brotssparki frá Albert Adu, eftir at Símun Rógvi Hansen hevði sæð reytt! – Tá ið vit taptu 3-1 í Trongisvági, var miðalaldurin undir 20 ár. Vit eru bæði fysiskt og taktiskt væl betri fyri nú, enn vit vóru 12. juni. Vit hugsa ikki um KÍ og Víking. Fyrsta treytin er, at vit vinna fulla úrtøku, sigur Árni Frederiksberg, sum ímóti KÍ staðfesti 2-0 sigurin við framúr máli. Eisini TB venjarin, Sigfríður Clementsen, er jarðbundin: – Okkum restar trý stig í at røkka tí, sum vit settu okkum fyri, tá ið eg fór suður. Fyrsti dysturin var 12. juni, tá ið vit vunnu 3-1 ímóti NSÍ. Vit hava vunnið fýra ferðir, tapt fýra ferðir, og einaferð er tað endað javnt. Vit hava vunnið lykladystirnar ímóti teimum, sum vit kappast við. Um tað í Runavík eydnast at røkka eitt stig nærri málinum, so verða vit nøgdir, sigur Sigfríður Clementsen. Tað verður alt ella einki VÍKINGUR-KÍ: EILER RASMUSSEN SUNNUDAGIN KL. 15.00 Tá ið KÍ eftir brotssparkskapping tryggjaði sær løgmanssteypið ímóti Víkingi, varð tann dysturin sagdur at vera tann størsti einstaki higartil í hesum kappingarárinum. Landskappingin er størri enn steypakappingin. Nú hittast Víkingur og KÍ aftur, og úrslitini hava lagað seg soleiðis, at talan er um lyklauppgerð í kappingini um FM heitið. Harvið verður grannauppgerðin í Sarpugerði størsti einstaki dysturin higartil í ár: – Vit eru ikki nøgdir við avrikið hjá í Runavík. Tað snýr seg um at grava dygdirnar fram aftur, sum undan summarsteðginum bóru sannførandi avrik við sær. Pressspælið riggaði als ikki ímóti NSÍ. Tað kann bara blíva betri, sigur KÍ veteranurin Hjalgrím Elttør. KÍ hevur vunnið tvær ferðir 2-0 ímóti Víkingi fyrr í summar: – Tað liggur ikki til okkum at dyrgja eftir javnleiki. Tí fara vit eftir sigrinum, men vit eru greiðir yvir, at tað skal arbeiðast meiri, og vit skulu vera skilabetri enn síðsta sunnudag, sigur Hjalgrím Elttør. Jonas Flindt Rasmussen spældi bara fyrra hálvleik ímóti NSÍ. Hann er tøkur aftur. Súni Olsen var á dómaraseðlinum ímóti NSÍ, men orsaka av skaða varð hann ikki skiftur inn: – Sum tað sær út nú, so verði eg ikki førur fyri at spæla sunnudagin. Tað er liðband í fótliðnum, sum er toygnað. Eg fái ikki vant saman við hinum, men tað er framvegis langt til sunnudagin, so vit fáa at síggja. Skaðin hevur argað í nakrar LIÐ TÍÐINDI B36 HB VÍKINGUR NSÍ B68 FÓTBÓLTUR Men harvið er ikki sagt, at møguleikin fyri at meistaraheitið fer at enda í Runavík, er avskrivaður Upptakt GULLIÐ LIGGUR Á SILVURFATI Í SARPUGERÐI ÍTRÓTTUR