mánadagur 19. september 2016síða 15

15 Mánadagur 6. januar 2014 · Nr. 2 Sosialurin Mánadagur 19. september 2016 · Nr. 107 Hugskot og viðmerkingar – send sms til 225000 07 VESTUR KENNIR SEG VÆL TRIMMAÐ 1. DEILD: Formaðurin og venjarin eru samdir í, at tað verður neyðugt í bestu deildini við onkrum royndum monnum at stuðla nógvu, ungu og evnaríku spælarunum Jóannes Hansen Nú eru tað nakrar vikur síðani, at tað varð greitt, at EB/Streymur fer at spæla í bestu deildini næsta kappingarár. Tá varð sagt, at liðið skal styrkjast við kanska trimum royndum spælarum, um møguleiki skal vera at sleppa undan, at steðgurin í bestu deildini bara verður eitt ár. Leygardagin varð tað staðfest, sum leingi hevur verið mest sum greitt. 07 Vestur vann í Leirvík 4-0 á teimum næstbestu hjá Víkingi. Harvið er tað staðfest, at 07 Vestur næsta ár fer at spæla í bestu deildini. Steðgurin í næstbestu deildini var í hesum umfarinum tvey ár. Tá ið 07 Vestur ferðalagið leygarkvøldið var komið vestur aftur, varð bjóðað til døgurða í felagshúsunum í Sørvági. Hegga og Jens Erik eru sjálvskrivaðir Fyri trimum árum síðani var fótbólturin í Vágum í aldudali. Tá varð sett út í kortið av nýggjum. Í staðin fyri at dúva upp á útlendskar spælarar og venjarar varð hálsað um. Málið var at fáa lokala styrki í felagið. Hegga Samuelsen og Jens Erik Rasmussen vórðu settir at taka sær av besta liðnum, Jovan Panic tekur sær av næstbesta liðnum, og U-18 liðið megnar at vera við í kappingini millum tey bestu: – Tað hevur gingið rætta vegin. Børn og ungdómar spæla, vaksin fólk við venjaraútbúgving taka sær av liðunum frá teimum yngstu og upp til besta liðið, og vit halda, at eisini fysisku umstøðurnar kring felagið nú eru á sama støði, sum tær eru í fleiri øðrum feløgum. Tað sigur Hendrik Olsen í Sørvági. Hann hevur seinastu tvey árini verið formaður í felagnum. Tað eru longu nógv ár síðani, at hann fyrstu ferð var uppi í fótbóltsfelag. Hann er ættaður úr Hósvík og var longu fyri meiri enn fjøruti árum síðani formaður í Streymi, sum felagið tá æt. – Vit fluttu úr høvuðs­ staðnum og vestur higar at búgva í 2009. Eg játtaði at hjálpa til í felagnum. Tað krevur nógv, men tað er hugaligt, tá ið arbeiðið er miðvíst og uppbakkingin góð, og tað sæst nakað eftir, sigur 07 Vestur formaðurin. Nýggju ljós fara at lýsa kring vøllin fyri ársskiftið, og felagshúsini vera heilt liðug í vetur. Tað er Sørvágs kommuna, sum saman við FSF stuðlinum rindar: – Ætlanin er at skifta vøllin út. Tað rokna vit við verður gjørt í mai mánað. Ætlanin er eisini at skifta girðingina, so umstøðurnar vera, sum tað sømir seg felag, ið spælir í fremstu røð, sigur Hendrik Olsen. Hegga Samuelsen og Jens Erik Rasmussen skrivaðu undan 2014 kappingar­árinum undir trý ára sáttmála. Nú er sáttmálaskeiðið runnið. Formaðurin roknar við, at teir báðir fara at halda fram: – Vit hava tosað við teir báðar, og tað liggur einki annað í kortunum enn at venjararnir halda fram. Vit eru í góðum menningar­ skeiði, og tað gevur ikki nakra meining ikki at halda fram, sigur formaðurin. Neyðugt við styrki Hegga Samuelsen sigur, at Jens Erik og hann eru sinnaðir at halda fram við arbeiðnum. – Vit tosa saman alla tíðina, og bæði nevndin og vit eru greiðir yvir, hvat tað skal til, um vit skulu standa okkum. Vit fara at halda fram við at tosa saman, og vónandi finna vit út av tí. Hóast tað eru nógvir ungir og evnaríkir spælarar, U-18 liðið stendur seg væl og felagið í ár hevur átt seks spælarar á yngru landsliðunum, so verður tað neyðugt at styrkja liðið. – Okkum tørvar ein royndan miðverja og ein royndan fram­rættaðan mið­vall­ara. Vit hava onkrar her vesturi frá, sum spæla í øðrum feløgum. Tað hevði verið kær­komið, um teir spældu her vesturi næsta ár, men tað vita vit einki um. Søren Nielsen hevur verið góður álops­spæl­ari. Vit vóna, at hann fer at halda fram. Tór-Ingar Akselsen er fyri stuttum komin aftur úr útlegd. Leygar­dagin skoraði hann tvey mál á næstbesta liðnum. Hann er væl fyri, og tað hevði verið fongur, um hann av álvara fór at venja og stuðlaði ungu monnunum næsta ár. Og so eru tað onkrir aftrat, men tað er sera týdningarmikið at undirstrika, at tað framvegis skulu vera teir lokalu, sum vera bulurin á liðnum, sigur Hendrik Olsen, formaður í 07 Vestur. Vesturøkið Viðhvørt verður tikið til, at 07 Vestur er vágaliðið. Tað líkar teimum har vesturi ikki so væl. – Vit gera nógv burturúr, at tað er úr øllum vestur økinum, at spælararnir hjá okkum eru. Vøllurin er í Sør­ vági, og besta liðið hevur eisini hildið til í Sandavági. Upp til tólv ára aldur spæla børnini í heimbygdini, og síðani venja tey í felag. Vit hava í nógv ár havt gott samstarv við tey í Kvívík og Vestmanna og hinum bygdunum har á leið, og tað vóna vit fer at halda fram, sigur Hendrik Olsen. Formelt er Miðvágur ikki partur av 07 Vestur, men fleiri spælarar úr Miðvági eru uppi í 07 Vestur. Bronsan FC Suðuroy vann leygar­ dagin tryggan 6-0 sigur á teimum næstbestu hjá NSÍ. Leygardagin tapti Giza Hoyvík 1-0 á heimavølli ímóti teimum næstbestu hjá AB, sum longu eru fluttir niður. Tað var málleyst, tá ið AB venjarin, 52 ára gamli Kári Reynheim, skifti seg sjálvan inn, og eina lítla løtu seinni skoraði AB sigursmálið. Tað var stórt vónbrot hjá Giza Hoyvk, sum leingi hevði trýst og pressað fyri at skora sigursmálið. Úrslitið í Gundadali seint seinna­partin leygardagin bar við sær, at tað nú er greitt, at FC Suðuroy vinnur bronsukrónurnar. Toppliðið og gull­vinn­ar­ arnir í EB/Streymi vunnu fríggjakvøldið 8-1 á heima­ vølli ímóti teimum næst­ bestu hjá KÍ. Leif Niclasen skoraði seks mál. Harvið hevur hann rokkið upp á 32 mál. Tað er sama máltalið, sum Brian Jacobsen í fjør skoraði fyri Skála. Tá var talan um met. So fæst at síggja, um Leif Niclasen fer at taka metið í tveimum teimum seinastu umførunum, tá ið EB/Streymur skal spæla á heimavølli ímóti FC Suðuroy og teimum næstbestu hjá NSÍ. 26. umfar Leygardagin 24. september KÍ-Giza Hoyvík NSÍ-B71 EB/Streymur-FC Suðuroy 07 Vestur-HB AB-Víkingur Víkingur-07 Vestur 0-4 (0-1) 0-1: Janus Samuelsen 22. 0-2: Janus Samuelsen 48. 0-3: Søren Nielsen 65. 0-4: Søren Nielsen 85. EB/Streymur-KÍ 8-1 (2-0) 1-0: Leif Niclasen 8. 2-0: Leif Niclasen 41. 3-0: Leif Niclasen 48. 3-1: Helgi Simonsen 70. 4-1: Niklas T. Kruse 73. 5-1: Leif Niclasen 78. 6-1: Niklas T. Kruse 82. 7-1: Leif Niclasen 83. 8-1: Leif Niclasen 87. HB-B71 2-0 (0-0) 1-0: Tór av Skarði 62. 2-0: Daniel Johansen 72. Giza Hoyvík-AB 0-1 (0-0) 0-1: Hugin á Borg Ferber 88. FC Suðuroy-NSÍ 6-0 (2-0) 1-0: Búi Egilsson 4. 2-0: Ari Krosslá Poulsen 45. 3-0: Teitur Krosslá Mortensen 56. 4-0: Mamuka Toronjadze 58. 5-0: Mamuka Toronjadze 67. 6-0: Ari Krosslá Poulsen 69. FÓTBÓLTUR 1. Deild støðan NR. LIÐ DYSTIR VUNNI JAVNT TAPT + MÁL - MÁL +/- STIG 1 EB/Streymur 25 20 4 1 94 23 +71 64 2 07 Vestur 25 19 2 4 83 33 +50 59 3 FC Suðuroy 25 16 3 6 62 33 +29 51 4 Giza Hoyvík 25 14 2 9 55 38 +17 44 5 KÍ II 25 10 2 13 51 63 -12 32 6 NSÍ II 25 10 1 14 53 73 -20 31 7 HB II 25 8 3 14 48 65 -17 27 8 Víkingur II 25 7 4 14 34 58 -24 25 9 AB II 25 3 5 17 21 67 -46 14 10 B71 25 3 4 18 34 82 -48 13 Máltindurin: Leif Niclasen EB/Streymur . . . 32 Søren Nielsen 07 Vestur . . . . 22 Ahmed Keita Giza Hoyvík . . . . 20 Debes Danielsen NSÍ . . . . . . . . 18 Búi Egilsson FC Suðuroy . . . . . 17