mánadagur 19. september 2016síða 16

Mánadagur 19. september 2016 · Nr. 107 16 Sosialurin Hugskot og viðmerkingar – send sms til 225000 FRÓÐI ÓLASON OLSEN AB 8 stig upp og 12 at spæla um, so... Einki er liðugt fyrr enn alt er liðugt... Annars er at siga at eg havi sæð ein rótutan botndyst í dag KRISTIAN JOENSEN KÍ Klassamunur og fótbólturin sigraði. 22 oktobur verður double veitsla. Leirvíkingar og Gøtumenn eru vælkomnir at gleðast saman við okkum SÆBJØRN LEITI ÍF Í dag vístu vit at b68 ikki skal vera í effo deilidni Koyr á ÍF ALLAN ENGHAMAR HB - LISSI MOURITSEN B36 Hvítt og svart er ellars mega feitt ...3 grannauppgerd og einki tap !vit hava vunni slagid um havnina ! JAN B. ANTHONIUSSEN NSÍ Vit gjørdu okkara. Lort í grannarnar norðanfyri, at teir ikki gjørdu sítt.. Tað hevur gingið væl hjá okkum seinastu nógvu dystirnar. Vónandi klára vit at halda stílin árið út! Enn eru 12 stig eftir at spæla um. Góðir ! FÓTBÓLTUR Jóannes Hansen Tað lagaði seg soleiðis í gjár, sum tey í KÍ leguni vónaðu og droymdu um, at tað skuldi gera. Tað eru fýra stig aftur til næsta avbjóðaran. Hetta er ikki heilt rætt, tí nú er talan ikki um ein men um tveir avbjóðarar. Víkingur noyddist bara fyri aðru ferð í ár av heima­ vøllinum uttan at hava vunnið. At tað í báðum førum er KÍ, sum er strokið avstað við sigrunum í Gøtu, og at KÍ nú hevur vunnið tríggjar ferðir ímóti Víkingi í lands­kapp­ingini í ár, er høvuðs­orsøkin til, at tað nú eru fýra stig frá KÍ og aftur til Víking. Árni og Klæmint í sama lagi NSÍ legði seg við 2-1 heima­ sigri ímóti TB upp á síðuna av Víkingi. Tað tók sína tíð, men tað gekk hjá NSÍ. Hetta var níggjunda ferðin á rað, at NSÍ fór av vøllinum við úr­ tøku. Átta ferðir er tað endað við fullari úrtøku og eina­ferð við javnleiki – mál­leyst ímóti HB. NSÍ hevur ikki tapt síðani 12. juni, tá ið TB vann 3-1 á heimavølli. Úrslitini í Sarpugerði og við Løkin í gjár bera við sær, at tað nú bara er málmunurin á muni millum Víking og NSÍ. Sunnu­dagin verður grannauppgerð í Gøtu. Tá verður spurning­ urin svaraður, um tað skal vera Víkingur ella NSÍ, sum í trimum teimum síðstu umførunum skal bjóða KÍ av. – Úrslitið í Gøtu var ikki akkurát tað, sum vit høvdu vónað, at tað fór at verða. Nú eru klaksvíkingar fýra stig undan okkum, men einki er avgjørt. Vit kunnu ikki taka stig frá KÍ, sum skal spæla ímóti B36 sunnudagin, men tað er ikki víst, at KÍ fer at vinna. Gongdin hjá okkum hevur verið ógvuliga góð í langa tíð. Vit trívast væl í stórum dystum. Tað verður stórur dystur í Gøtu sunnudagin, og vit gleða okkum, sigur NSÍ venjarin Anders Gerber. Miðvallarin Salmundur Bech setti hol á, tá ið hann við handara stólpa stútaði innlegg úr høgru í málið. – Tá vóru vit lítið foku­ seraðir. TB gjørdi skjótt av í sambandi við fríspark, og teir sektaðu okkum, staðfestir NSÍ venjarin. Albert Adu var støðug hóttan. NSÍ hevði fleiri møgu­leikar í fyrra hálvleiki, men kanska átti Albert Adu tann størsta, tá ið hann varð spældur einsamallur ígjøgnum, men Símun Rógvi Hansen í NSÍ málinum bjargaði. Við síðsta sparkinum í fyrra hálvleiki sendi Árni Frederiksberg bóltin í TB málið við beinleiðis frísparki. – Talan var um gott fríspark, og tað var sera týdningarmikið fyri okkum, at tað eydnaðist at javna, áðrenn fyrri hálvleikur var liðugur. Hetta var stríð millum tveir heilt ymiskar mátar at spæla fótbólt. TB legði stóran dent á verju­ partin, og okkara lutur var at royna at fáa bilbukt við verjuna hjá teimum. Okkara spælarar skulu hava rós fyri, at tað eydnaðist teimum at skora sigursmálið, og eg haldi, at vit høvdu møguleika at skora í hvussu so er eitt mál aftrat tí, sum Klæmint A. Olsen skoraði miðskeiðis í seinna hálvleiki, sigur Anders Gerber. Tað hevur gingið striltið við málskjótingini hjá Klæminti A. Olsen seinastu vik­ur­nar. Undan upp­gerðini ímóti TB hevði hann ikki skorað í meiri enn ein mánað – 14. august á útivølli ímóti Skála. – Vit høvdu tak á spæl­ inum, men tá ið munurin bara var eitt mál, so lúrdi vandin alla tíðina. Albert Adu er sera vanda­mikil, so vit settu ein hálvan mann eyka á hann, greiðir NSÍ venjarin frá. Sigfríður kennir seg tryggan Hóast TB tapti 2-1, er venjarin, Sigfríður Clement­ sen, væl nøgdur við tað, sum hann hevði sæð: – Gongdin hjá NSÍ hevur leingi verið góð, og NSÍ eigur eitt sera gott lið. Vit løgdu okkum framum, og vit kundu havt økt um leiðsluna, áðrenn heimaliðið javnaði. Tá ið alt verður tikið undir einum, so er tað ikki við síðuna av, at NSÍ vann tepran sigur. TB hevur 23 stig og er trý stig frá málinum, sum Sigfríður Clementsen setti sær, tá ið hann upp undir heimadystin ímóti NSÍ 12. juni, tók ábyrgdina fyri TB á seg: – Vit hava fýra umfør at vinna tey trý stigini. Tað rokni eg heilt víst við, at vit fara at megna, tí nú eiga vit ÍF á heimavølli, og vit eiga eisini Skála á heimavølli. Eg tori at siga, at vit longu hava tryggjað okkum plássið í bestu deildini. Tað eru ellivu stig frá AB og fram til okkum, og argjamenn fara ikki at megna tólv stig ímóti teimum fýra toppliðunum, sum teir eiga í fýra teimum síðstu umførunum, sigur Sigfríður Clementsen. Triði møguleikin í høvuðsstaðnum er burtur, og sunnudagin verður tað í Sarpugerði avgjørt, hvør skal royna at bjóða KÍ av EFFO-DEILDIN NSÍ OG GERBER LIVA Í VÓNINI