hósdagur 22. september 2016síða 6

FRÍGGJADAGUR 23. SEPTEMBER 2016 SOSIALURIN 109 6 SAMRØÐA Rákið í flestu londum, eisini her heima hjá okkum, er, at fólk flyta av bygd og til eitt størri stað. Heidi og Jógvan Kristin Olsen ganga ímóti hesum ráki og tað við máta eisini. Seinastu trý árini eru tey flutt úr Qatar í miðeystri til Svínoyar – umvegis Tórshavn SÓLVIT E. NOLSØ J ógvan Kristin Olsen er út­ lærdur skipsførari og starv­ aði í mong ár hjá stóra fel­ ag­num Mærsk. Tað var eisini ígjøg­num sítt starvspláss, at hann fekk bjóða eitt starv í Qatar, sum hann tók. Jógvan Kristin og kon­an Heidi fluttu til Qatar við trim­um børn­um, sum tá vórðu fýra, trý og átta mánaðir gomul. - Eg arbeiddi í nógv ár hjá Mærsk og m.a. leingi í Mærsk Supply. Hetta gav mær eina vitan innan olju­vinnuna, ið førdi til, at eg fekk boðið eitt arbeiði í Qatar. Eg arbeiddi sum Offshore Traffic Coordinator og seinni sum Manager of Marine Operation og inspektør. Fyrst arbeiddi eg nógv úti á plat­formum, men flutti seinni inn á skriv­stovuna at arbeiða, sigur Jógvan Kristin. Heidi var frá byrjan heima­gang­ andi, men fekk seinni arbeiði sum heilsusjúkrasystir á American School of Doha, ið er ein altjóða skúli, har børnini hjá Jógvan Kristin og Heidi eisini vórðu næm­ ingar. Tað er ein skúli, ið hevur uml. 220 næmingar, har 72 tjóðir vórðu umboðarar. Jógvan Kristin og Heidi avgjørdu so í 2013 at flyta heim aftur til Føroya. Hóast tey høvdu tosa um at flyta heim aftur fyrr ella seinni, so var avgerðin framskundað av, at Jógvan Kristin av heilsuávum, ikki fekk hildið fram í vinnuni, sum hann starvaðist í. - Eg fekk arbeiði hjá Mærsk Drill­ing. Eg skuldi so ígjøg­num eina heilsukanning og har bleiv eg funn­in ov lættur. Eg hevði diabetes og kundi so ikki átaka mær starvið, sum annars stóð mær í boði. Eg ringdi til Heidi og segði, at nú var tað hent, sum eg hevði roknað við fór at henda fyrr ella seinni, at eg rendi nøsina ímóti vegna mítt diabetes, sigur Jógvan Kristin. Flyta aftur til Føroya - Tað fyrsta eg hugsaði tá eg ikki kundi halda fram hjá Mærsk var, at tá ið vit komu heim skuldi eg fara at lesa jura, ið kundi úgerða meg betur til eitt starv á landi. Krøvini vórðu ov stór at sleppa inn í Danmark, men eg fann so ein møguleika í Aberdeen at lesa jura innan marit­ imu vinnuna og oljuvinnuna. Tá skuldu vit so avstað aftur, men so byrjaði master útbúgvingin í jura á Fróðskaparsetrinum, ið Kári á Rógvi, sáli, og Bárður Larsen byrjaðu. Tá fekk eg so møguleikan at taka útbúgvingina í Føroyum og tí blivu vit verandi her heima og fóru ikki til Aberdeen, sigur Jógvan Kristin. Tað var eisini á Fróðskapar­set­ rinum, at møguleikin at sleppa til Svínoyar tók seg upp. Jógvan Kristin møtti einum svínoyingi á Fróð­skaparsetrinum, sum hann hevði nógv til felags við. - Eg havi altíð havt áhuga fyri landbúnaði og fekst nógv við m.a. seyðahaldi tá eg var yngri. Heidi og eg tosaði ofta um tað tá vit búðu í Qatar, at tá vit fluttu heim skuldi vit royna at búgva úti á bygd. Tað var ofta tá eg kom heim frá arb­eiði, at eg hevði havt stressaðar dag­ar og tað var serliga tá, at hugurin var at flyta út á eitt friðarligari stað. Nakrar ferðir kom tað enntá upp, at vit burdu fari til Svínoyar tá vit komu heim, tí vit høvdu verið har úti saman og hjálpt einum bónda eitt sindur, sigur Jógvan Kristin. Tað bleiv ikki meir enn bara prát at byrja við, men tá so Jógvan Kristin fekk møguleika at fara út til Svínoyar at hjálpa til við seyðarakstri og øðrum, stakk ein møguleiki seg upp. - Eg fann útav, at hesin svín­ oyingurin og eg, sum báðir lósu á setrinum, høvdu nógv felags áhugamál m.a. seyðahald. Eg segði so við hann, at hann skuldi bara siga frá, so kundi eg koma út at hjálp honum onkuntíð og tað gjørdi hann, sigur Jógvan Kristin. Heidi og eg tosaði ofta um tað tá vit búðu í Qatar, at tá vit fluttu heim skuldi vit royna at búgva úti á bygd Jógvan Kristin Olsen Ferða­ sambandið er einasta forðing fyri, at oyggjar sum Svínoy ikki veksa. Fleiri høvdu búð her um sambandið var betur Jógvan Kristin Olsen FRÁ STÓRBÝAR TIL BÓNDALÍV Í