hósdagur 22. september 2016síða 7

FRÍGGJADAGUR 23. SEPTEMBER 2016 SOSIALURIN 109 7 ➘ Tá Jógvan Kristin høvdu verið í Føroyum í eina tið, vilja tey gera veruleika burturút dreyminum, sum tey høvdu havt, at annahvørt flyta út á bygd ella keypa eini summarhús í eini bygd í Føroyum. - Eg hugdi at ymsum summ­ar­ húsum, men einki funnið. Tá eg so fór til Svínoyar at hjálpa til byrjar hugurin at koma aftur at royna at búgva á bygd. Tá ein møguleiki so stakk seg upp at útvega sær ein garð í Svínoy, spurdi eg Heidi hvat hon helt. Hon segði, at hetta var nakað, sumt tey høvdu tosa um og sum vit bæði vildu. Eisini helt hon, at nú var rætta tíðin at royna tað, áðrenn børnini blivu somikið stór, at tey tímdu betur síni vin­fólk enn síni foreldur. Tí hugsaðu vit, at tað skuldi gerast nú, um tað skuldi gerast, sigur Jógvan Kristin. Tey gjørdu bart, fluttu til Svín­ oyar og seldu húsini í Havn. Flyta til Svínoyar Hvussu var so hjá teimum sum familja, at flyta úr Doha í Qatar, ið er ein stórbýur 1.3 milliónum íbúgvum, umvegis Tórshavn, til Svínoyar við uml. 30 íbúgvum? - Heilt fantastiskt og svín­oy­ing­ ar hava tikið fantastiska væl ímóti okkum, sigur Jógvan Kristin stutt og greitt. Garðurin, ið Jógvan Kristin og Heidi hava útvega sær, hevur 184 áseyðir og er fimm og eina hálva mørk. Húsini sjálv mugu dagfør­ ast og gerast í stand og tað fer við nógvari tíð beint nú. - Vit høvdu ikki kunna gjørt hetta uttan alla tað hjálp, sum vit hava fingið frá familju og vinum. Tað hava nógv verið og hjálp okkum og eisini hava vit ongantíð havt so nógv fólk á gátt fyrr, sum vit hava nú vit búgva í Svínoy. Tá fólk koma út, so hugsa tey, at tey mugu fara á gátt hjá okkum, sigur Jógvan Kristin. Tey hava eisini aðrar ætlanir, enn bert at dríva landbúnað. Tey hava nógv pláss uttanum garðin og í bygningum, ið hoyra til garð­ in, sum tey ætla at brúka til ferða­ vinnuendamál. - Svínoy er ein fantastisk oyggj og her eru stórir møguleikar, bæði um tú vil gera okkum á flatlendi ella vil upp í hæddirnar. Vit hava nógvar ætlanir, vit vilja royna í ferðavinnuni og ætlar at gera fleiri tilboð, bæði til einstaklingar og bólkar, sigur Jógvan Kristin. Jógvan Kristin og Heidi hava allatíð verið samd um, at hetta var tað, sum tey vildu royna og tí hava tey bæði allatíð havt gott mót uppá uppgávuna, men hvat siga børnini, sum nú eru fimm tí tali, til at flyta til Svínoyar? - Børnini hjá okkum fóru sum heilt smá niður til Qatar. Vit fóru úr Qatar til Føroyar og nú fara vit út til Svínoyar. Tað hevur útgjørt tey væl og tey duga væl at instilla seg. Í veruleikanum njóta tey tað. Tey fáa eisini vinir út til Svínoyar á vitjan. Skúlin er so eisini opnaður aftur í Svínoy, har børnini hjá okkum ganga, sigur Jógvan Kristin. Umframt at hava ein garð í Svínoy, undirvísir Jógvan Kristin eis­ini á Vinnuháskúlanum í Havn. Jógvan Kristin Olsen sigur, at uttan laga­ligu treytirnar frá Vinnu­háskúlanum hevði hetta ikki borið til. Heidi er í Svínoy og arbeiðir fulla tíð á garðinum, men hev­ur ætl­an­ir um at lesa á Fróð­skap­ar­ setri­num. Tí fer hon eisini at gera túrar til Havnar av og á. Tað kann verað ein avbjóðing, at búgva í Svínoy og arbeiða ella lesa í Havn. - Ferðasambandið er einasta forðing fyri, at oyggjar sum Svínoy ikki veksa. Um mann slapp av oynni um morgunin og út aftur um kvøldi, so hevði tað verið væl búgvandi hjá fleiri familjum at búgva í Svínoy. Eg eri vísur í, at fleiri høvdu búð her um ferða­ sambandið var betur, sigur Jógvan Kristin, sum heldur, at politikkar­ar eiga at hugsa meir um tær smærru oyggjarnar, sum eru á stødd við Svínoy, sigur Jógvan Kristin at enda. RLÍVI Í QATAR SVÍNOY