mánadagur 26. september 2016síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 26. september 2016 · Nr. 110 TÍÐINDI Tjóvurin hevði helt Gajol-shots á gólvið og traðkað í tað. So var einans eftir hjá løgregluni at finna skógvin, hvørs spor stóð skrivað í Gajol á gólvinum Danjal av Rana Ein 26 ára gamal maður varð í Føroya rætti fríggjadagin funnin sekur í at hava brotið inn í Mimir 8. august í ár. Fyri hetta og onnur lógarbrot fekk hann sjey mánaðir fongsulsrevsing, bøtur fyri tilsamans 4.800 krónur og skal rinda tilsamans 29.700 krónur í endurgjaldi. Um morgunin 8. sep­temb­ ur varnaðust fólk, at óbodnir gestir høvdu verið á gátt í ølklubbanum Mimir í Havn. Ein rútur í hurð­ini var brotin, inni var kassa­apparatið brotið upp, heilt fitt av fløsk­ um tømdar út á gólv, og ein rúgva av fløskum stolnar. Heldur ikki ein fartelda, sum stóð í hølunum, hevði fingið frið. Har hevði tjóvurin ella tjóvarnir helt eina fløsku yvir knappaborðið og so latið skermin aftur. Millum tað, sum var helt út yvir gólvið, var Gajol- shots. Tjóvurin hevur tó verið gáloysin og hevur traðkað upp í myrka rús­ drykkin, við tí avleiðing, at hann hevur sett fótaspor eftir seg um alt rúmið. Fóta­ spor, sum síggjast týðiliga orsaka av myrka drykkinum. Tá løgreglan so hevði fing­i­ð illgruna til unga mann­in, fór hon á gátt, har hann helt til. Og í ganginum stó eitt par av skóm, hvørs spor vóru meinlík teimum í Mimir. Vinurin hevði lánt skógvarnar 26 ára gamli maðurin er kenningur hjá løgregluni og var í íbúðini, tá løgreglan kom á gátt. Hann noktaði tó blankt fyri, at hann hevði verið í Mimir um nátt­ina. Ein vinmaður hevði lánt skógvarnar nakrar dag­ar framman undan, men ungi maðurin hevði onga frá­ greið­ing um, hví skógv­arnir nú stóðu í gongini. Ei heldur hevði ungi maðurin aðrar skógvar at fara í, tá løgreglan tók hann oman í varð­haldi. Har verður ungi maðurin sitandi varð­haldsfongslaður í tvær vikur. Ein ung kvinna varð eisini handtikin í íbúðini, men latin leys aftur av heilsuávum. Løgreglan fann minst 20 fløskur í íbúðini, sum vóru sama slag, sum vóru tiknar úr Mimir, og ikki ein einasta fløska var óupplatin, tá løgreglan bar tær aftur í Mimir. Vinurin meldar seg Ungi maðurin vildi vera við, at ein annar hevði framt inn­brotið og nakrar dagar seinni meldar ein vinmaður hjá ákærda seg og sigur seg hava framt innbrotið. Hes­in hevur verið ákærdur í mál­ inum, men løgreglan hevði slept ákærunum móti hon­ um. Hann greiddi frá, at hann hevði tikið skógvarnar hjá ákærda, at hann hevði lat­ ið teir inn aftur eftir inn­ brotið og so framvegis, men tá samanum kom, hevði løg­reglan einki álit á mann­ inum. Í kanningunum kom løgreglan fram á sam­skifti millum hendan mannin og onnur vinfólk, har hann boðaði frá, at hann ætlaði sær oman á løg­reglu­støðina at átaka sær ábyrgd­ina fyri innbrotið. Orsøkin var, at meðan hann kundi vænta sær 30 dagar fong­ suls­revsing, kundi ákærdi mað­urin vænta sær upp í níggju mánaðir. Vinmaðurin var innkallaður sum vitni í rættinum, har hann helt fast við sína frágreiðing um, at tað var hann, sum hevði framt innbrotið. Ákærin minti hann fleiri ferðir á, at tað er revsivert at lúgva í rættinum, men hann helt enn fast við hana. Dømdur fyri áttindu ferð Ákærdi maðurin er væl kend­ ur av løgregluni. Hóast sín unga aldur, er hann er sjey ferðir áður dømdur fyri inn­ brot. Hann varð so seint sum 4. juli royndarleyslatin eftir ein dóm fyri innbrot. Av tí dóminum vóru 124 dagar eftir. Ákærdi varð harumframt ákærdur fyri herverk fyri at hava brotið ein rút hjá Almannaverkinum, fyri tvey brot á vápnalógina fyri at ganga við knúgvajarni og fyri at koyra bil, hóast hann hevur mist koyrikortið. Ákærin bað tí um, at restrevsingin frá seinast verður roknað upp í hendan dómin. Ákærin bað tí um, at maðurin fekk sjey mánaðir fongsulsrevsing fyri innbrot og herverk, 4.800 krónur í bót fyri brot á ferðslu- og vápnalógina og at maðurin skal rinda endurgjald fyri til­samans 29.700 krónur. Verjin meinti tó als ikki, at løgreglan hevði megnað at prógva, at ákærdi hevði framt innbrotið, serliga við atliti at ein annar maður hevði átikið sær ábyrgd av inn­brotinum. Verjin vildi eisini vera við, at løgreglan ikki hevði prógvað, at tað var ákærdi, sum hevði koyrt bilin. Dómarin metti tó, at ákæruvaldið hevði gjørt sítt arbeiði til lítar, og dømdi mannin sambært áheitanini frá ákæranum. Ákærdi valdi at kæra málið á staðnum. Vinmaðurin, sum í rætt­ in­um vildi vera við, at tað var hann, sum hevði framt innbrotið, varð beint eftir rættarmálið skuldsettur fyri at hava logið í rættinum. Fótasporið í Gajol-shottinum SEV 70ÁR SEV fyllir 70 ár, og í hesum sambandi verður almenn móttøka í Østrøm. Øll eru hjartaliga vælkomin. Mikudagin 28/9 kl. 15–17