týsdagur 27. september 2016síða 61

29 Mánadagur 6. januar 2014 · Nr. 2 SOSIALURIN SEPTEMBER 2016 Danjal av Rana Smoothie er ein tjúkkur drykkur, gjørdur av ráum fruktum og grønmeti, knúst í miksara, blandað við vatni, ísi, mjólkaúrdrátti ella søtevni. Ja, hatta var tann keðiliga, bókliga lýsingin. Smoothie er svalligi leskidrykkurin, sum er júst tað rætta at drekka ein summardag, tá berini og fruktirnar eru av tí allarbesta. Drykkurin er ikki so heilt galin um heystið heldur, tá likamið hevur eyka tørv á vitaminum og øðrum góðum frá fruktunum. Eftir øllum at døma kom drykkurin ógvuliga brádliga inn á føroyska marknaðin, tí drykkurin hevur einki før­oyskt heiti fingið. Ella tað vil siga, Sprotin kallar hann mjúk­sopi ella fruktsopi, men neyvan hevur nakar tikið hetta heitið til sín. Matstovurnar í Havn hava so ikki gjørt tað. Líkamikið. HON hevur verið og drukkið smoothies ymsastaðni í høvuðsstaðnum. Fýra støð bjóða smoothie og vit hava mett teir eftir trimum krøvum. Sjón: Liturin má geva mær hug at drekka drykkin. Hann skal siga mær greitt, hvat er í og geva mær eina ábending um, hvør smakkurin fer at verða. Smakkur: Sjálvandi vigar smakkurin mest. Og tá talan er um ein fruktdrykk, mugu fruktirnar kennast aftur í smakkinum. Tjúkd: Hetta er smoothie. Talan skal vera um ein tjúkkan drykk. Vit vilja ikki hava djús, ei heldur sorbet ella slush, men ein lekran kremutan smoothie. SKAL TAÐ VERA EIN MJÚK­ SOPI? EIN SMOOTHIE GAGNAST TÆR ALLARHELST BETRI. MEN HVAR FÆRT TÚ TANN BESTA? Umami 40 krónur fyri 0,3 litrar Ein smoothie gjørdur av jarðberum, banan og ananas. Liturin er nokk so kámur, og longu tá fær ein fatan av, at smakkurin kanska verður av veikara slagnum. Smakkurin ber brá av, at jarðberini kanska ikki vóru heilt búgvin. Drykkurin smakkaði av hvítum jarðberum, við einum veti av banansmakki og ein lítlum eftirsmakki av ananas. Jarðberini megnaðu ikki at seta sín dám á drykkin. Tjúkdin var tó góð. Drykkurin kendist sum floyal í munninum, júst sum hann skal. Kostar minni enn hinir, men so fáa vit eisini minni enn hjá hinum. Hvonn 45 krónur fyri 0,4 litrar Ein djúpt reyður bláberjadrykkur stendur okkum í boði frá Hvonn. Liturin er tiltalandi og gevur vón um góðan smakk. Drykkurin er eisini søtur, men tó er torført at smakka tað bláa í drykkinum. Í heila tikið var smakkurin nokk so veikur, tó at drykkurin var søtur. Drykkurin var eisini tunnur, sum styrkir illgrunan um, at tað kanska er saft og ikki bláber, ið bera hendan drykkin. Um ikki annað, so fær ein nógv fyri pengarnar hjá Hvonn. Tað telur tó niður, at einki lok var at festa á plastkoppin. Sjón: 4 Smakkur: 5 Tjúkd: 4 Heild: 4,5 Stórur munur á smoothie í Havn Kaspar 45 krónur fyri 0,4 litrar Sólarklárur vinnari. Eingin yvir, eingin undir liðini, eingin í nær námind. Og so er hetta bíligasti smoothie í býnum, saman við tí frá Hvonn. Jarðber og tranaber eru vinnandi samansetingin. Í Kaspar fært tú ein smoothie við vøkrum reyðum liti, góðari tjúkd og einum smakki, sum gevur hug til meiri. Liturin vakurt reyður, meðan smakkurin er góður og nátúrliga søtur. Her var als einki galið við jarðberunum, sum hava lænt bæði lit, smakk og søtievni til drykkin. Drykkurin er floyalsmjúkur, lættur at drekka og kennist væl á tunguni. Eg má líka hava ein slurk afturat. Smakka 45 krónur fyri 0,25 litrar Eingin ivi er um, at hetta er vakrasti smoothie í høvuðsstaðnum. Trupulleikin er tó, at hann als ikki gevur tað, sum fyrsta sjónin lovar. Drykkurin er frystur, mest líkur eini sorbet. Fyrstu løtuna er ógjørligt at fáa nakað upp gjøgnum súgvirørið. 30 minuttir seinni er framvegis torført at súgva nakað í seg. Liturin er sera vakur, og tað er týðiligt, at her eru bæði jarðber og hindber í drykkinum. Harumframt er banan og appelsinsaft. Drykkurin er tó nakað súrur og smakkar hon nógv meiri av banan enn berum. At hetta so eisini er dýrasti smoothie í høvuðsstaðnum betrar ikki um heildarfatanina. Sjón: 3 Smakkur: 2 Tjúkt: 5 Heild: 2,5 Sjón: 4 Smakkur: 3 Tjúkd: 2 Heild: 3 Sjón: 5 Smakkur: 2 Tjúkd: 1 Heild: 2