hósdagur 29. september 2016síða 21

FRÍGGJADAGUR 30. SEPTEMBER 2016 SOSIALURIN 112 21 ymiskt hann hevur sagt, brúkti Donald Trump meginpartin av sína tíð at verja seg sjálvan og reypa um hvussu góður hand­ ilsmaður hann er. So meðan Hillary Clinton nevndi nærum øll tey keðiligu tingini, ið kunnu sigast um Donald Trump, so var Donald Trump so upptikin av sínum egna umdømi, at spurningarnir um fleiri av teimum ivasomu viðurskiftunum viðvíkjandi Hillary Clinton aldrin vórðu nevndir. Kærkomin Clinton sigur Sigurin hjá Hillary Clinton á Donald Trump var kærkomin fyri demokratiska valevnið. Hóast framgongdin hjá Donald Trump í veljarakanningum fyri alt landið er steðga, og Hillary Clinton nú tykist at hava eina støðuga leiðslu á millum tvey og trý prosent, so vóru veljarakanningarnar áðrenn kjakið í fleiri av teimum týdningarmiklu statunum ikki eins hugaligur lesnaður hjá Hillary Clinton. Tí sjálvt meðan Donald Trump hevur minkað um munin í veljara­kanningum fyri alt landið, so hevur Hillary Clinton megnað at hildið fast um eina rímiliga stóra leiðslu innan valumboðum. Tann leiðslan er tó minkað nógv síðstu vikurnar. 31. august metti Real Clear Poltics, at Hillary Clinton hevði 58 fleiri valumboð enn Donald Trump. Men eftir at republikanska valevnið hevur klára seg væl í fleiri lokalum veljarakanningum, meta fólkini handan Real Clear Politics, at tað er so javnt í Pennsylvania, ið hevur 20 valumboð, Virginia, 13 valumboð, New Hampshire, 4 valumboð, Michigan, 16 valumboð, Colorado, 9 valumboð, Maine, 2 valumboð og Minnesota, 10 valumboð, at teir statirnir og teirra umboð ikki longur við vissu kunnu metast at velja Hillary Clinton. Harumframt verður nú mett, at Donald Trump helst vinnur Missouri, 10 valumboð og Maine CD 2, 1 valumboð, og er munurin millum tey bæði valevnini harvið minkaður til einans 24 valumboð. Støðan gjørdist ikki betri fyri Hillary Clinton, tá heima­síðan FiveThirthyEight, ið val­ser­ frøðingurin Nate Silver rekur, mánakvøldið dagførdi sann­ líkindini fyri hvør fór at vinna valið. Nýggjast dagføringini metti FiveThirthyEight, at sannlíkindini fyri at Hillary Clinton vann vóru 54 prosent og Donald Trump 46 prosent. So tætt hevur tað ikki verið millum valevnini í longri tíð. Tí var kjakið týsnáttina ein kærkomin sigur hjá Hillary Clinton og hennara fólki, ið nú vóna, at sterka framførslan fer at síggjast aftur í teimum næstu veljarakanningunum. Ivasamt um tað ger mun Hóast metstóru hyggjarafjøldina og greiða sigurin til Hillary Clinton, so er tað ivasamt um hvussu stóran týdning eitt slíkt kjak hevur. Julia Azari, dosentur í stjórn­málafrøði á Marquette Uni­versity og rithøvundur á FiveThirthyEight, setti áðrenn kjakið byrjaði spursmálstekn við, um kjakið yvirhøvur flytur nakrar atkvøður. Hóast verturin setir viðkom­ andi spurningar og roynir at fáa svar upp á politiskar ósemjur millum valevnini, so eru kjakini í høvuðsheitum ein møguleika hjá valevnum at virka vitandi og álítandi, sambært Julia Azari. Tað handlar nevniliga um framførsluna, heldur enn politikk, sigur Julia Azari, ið vísir á gransking, ið staðfestir, at um fólk veruliga vilja vita hvat munurin er á politiska hugsanini hjá tveimum valevnum, so finna tey útav tí vit at hyggja eftir floks­politikkinum. Tvey kjak aftrat Hvørs talan er um reint undirhald ella um kjak, ið veruliga flyta veljarar, fara veljarakanningar helst at vísa næstu dagarnar. Tær kanningarnar, ið eru almannakunng jørdar higar­til vísa, at rákið er við Hillary Clinton, og útlitini hjá FiveThirthyEight fyri at Hillary Clinton vinnur valið eru nú broytt frá 54 prosent til 57,5 prosent. Harvið kann Hillary Clinton við góðum treysti gera seg kláran til endaspurtin, nú 39 dagar eru eftir av valstríðnum. Tær næstu vikurnar fara valevnini at ferðast kring landið, heilsa uppá hundraðtals av fólkum, halda røður fyri túsundtals av viðhaldsfólkum og vitja støð, ið tey neyvan minnast aftur um eitt ár. Men eftir stóra áhugan fyri fyrsta kjakinum millum valevnini, er spenningur longu um næsta kjakið, ið verður 9. oktober. Triðja og síðsta kjakið millum valevnini verður 19. oktober, meðan kjakið millum varaforsetavalevnini er sett á skrá til 4. oktober.