hósdagur 29. september 2016síða 45

VINNUBLAÐIÐ HJÁ MIÐLAHÚSINUM 7 September 2016 30 Um Almannaverkið Fleiri enn 850 starvsfólk úr 15 ymsum starvsbólkum hava sín gerandisdag í Almannaverkinum. Yrkisdugnaskapur er undirstøðið undir allari tænastuni hjá stovninum og Almannaverkið leggur alstóran dent á samstarv tvørtur um fak, nýhugsan og menning av arbeiðsgongdum. Almannaverkið vil gera mun við bestu og mest framkomnu sosialu tænastunum. Í samband við at Virknis- og umlættingardepilin á Sandi letur upp, verður ein leiðari settur afturat í eindini, soleiðis at leiðslan nú er ein eindarleiðari og tveir leiðarar. Tænasturnar í eind 7 umfata bústað, stuðul, umlætting, dag og frítíðartilboð. Talan er um eitt spennandi starvsøki við fjølbroyttum avbjóðingum og lívsjáttandi starvsfólkum og borgarum. Arbeiðsøkini koma at verða: • Ein leiðari, sum saman við eindarleiðaranum, fer at leiða Virknis- og umlættingardepilin á Sandi og náttarvaktar- og stuðulstoymir í Tórshavn. • Ein leiðari, sum saman við eindarleiðaranum, fer at leiða Sambýlið á Eirargarði og Frítíðartilboðið Smæran í Tórshavn. Arbeiðsuppgávur Leiðarin skal, saman við eindarleiðaranum, mynda eindina, leiða og ganga á odda fyri at tryggja bæði trivnað og fakliga menning. Í gerandisdegnum merkir tað, at borgararnir fáa eina námsfrøðiliga tænastu á høgum støði, samstundis sum starvsfólkið fær eitt spennandi og áhugavert arbeiðspláss. Leiðarin skal, saman við eindarleiðaranum, skipa eindina soleiðis, at virksemið á sambýlinum, hjá stuðlum, í umlættingini og í frítíðartilboðum verður gagnnýtt so skynsamt sum gjørligt. Tað er umráðandi at leggja dent á gott samskifti við borgarar, avvarðandi, starvsfólk, leiðslu og aðrar myndugleikar. Eitt samskifti bygt á javnvirði og umsorgan. Áleið 45 borgarar fáa tænastu úr eindini, har umleið 85 starvsfólk starvast. Um størvini At vera leiðari í Eind 7 í Tórshavn, Norðstreymoy og Sandoy. Størvini verða sett 1. november 2016 ella eftir nærri avtalu. Førleikar Umsøkjarar skulu hava viðkomandi útbúgving. Leiðsluútbúgving ella royndir við starvsfólkaleiðslu kann vera ein fyrimunur, meðan tann, sum verður settur, skal hava kunnleika og royndir við borgarum við menningartarni og/ella fjølbreki. Væntanir til umsøkjara Týdningurin av góðu tænastuni til borgaran er eyðsýndur í rætta umsøkjaranum, sum leggur dent á javnvirði og trivnað. Eginleikar at samskifta og samstarva við viðskiftafólk, avvarðandi, starvsfólk og leiðslu hava týdning. Vit sóknast eftir einum leiðara, sum hevur hug og hegni at virka, raðfesta og hugsa framskygt innan givnar fíggjarkarmar. Setanar- og lønarviðurskifti Setanarøkið er Almannaverkið, við tænastu í løtuni í eind 7. Starvið er flokkað í lønarflokki 33 í lønartalvuni fyri Tænastumenn landsins, tó uttan at vera tænastumannastarv. Setanartreytir annars eru sum fyri sáttmálasett, sambært sáttmála millum Fíggjarmálaráðið og avvarðandi fakfelag við samráðingarrætti fyri økið. Um viðkomandi, ið settur verður, frammanundan er tænastumaður innan økið, er tó møguleiki fyri at halda fram sum tænastumaður. Umsókn Skrivlig umsókn saman við avritum at prógvum, c.v. og øðrum upplýsingum um viðkomandi starvsroyndir skulu sendast til starv@av.fo ella til Almannaverkið, Smyrilsvegur 20, postsmoga 3096, 110 Tórshavn. Viðmerk: ”Umsókn leiðari eind 7”. Freist Umsóknir skulu vera okkum í hendi í seinasta lagi 12.10.2016 kl. 12.00. Nærri upplýsingar um starvið fáast við at venda sær til Barbaru S. Berg, eindarleiðara á telefon 297422. LEIÐARAR TIL SERØKIÐ Í TÓRSHAVN, SANDOY OG NORÐURSTREYMOY Almannaverkið søkir eftir tveimum tænastuhugaðum leiðarum til Eind 7, sum í høvuðsheitum veitir tænastu til borgarar við fjølbreki og menningartarni í Tórshavn, Sandoy og Norðstreymoy.