mánadagur 3. oktober 2016síða 6

Mánadagur 3. oktober 2016 · Nr. 113 6 Sosialurin Hugskot og viðmerkingar – send sms til 225000 Mortan Enni, Tvøroyri S myril, lívsæðrin hjá suð­ur­oy­ ingum. Tað eru einans tvey ting, ið suðuroyingar kunnu semjast um, har allir draga eina línu. Tað er strandfaraskipið M/F Smyril og føðideildin á Suðuroyar Sjúkrahúsi. Smyril kostaði landskassanum væl meira enn ein bóndagarður, og ongin skal ivast í, at hann er ein upp­gradering av gamla skipinum; nú­verandi Smyril er nummar 5 í røð­ini av Smyrlum. Komforturin er munandi betur enn á undafarna skipi, hann siglir skjótari, rullar minni, tekur fleiri ferðafólk og bil­ar og siglir eisini oftari. Gamaní, verð­ ur ein tann best útgjørdi ídnað­ar­ køkurin, ið almennu Føroyar varða av, brúktur til eina grillbarr, men kassin hjá SSL er tómligur, og fólk eta vanliga ósunt á sjónum, so hetta er ein skillig raðfesting. Tú hugsar nú kanska, men hvat er so problemið? Jú, tað skal eg feg­ in siga tær! Hetta er sum so ikki eitt problem, kanska einamest eitt irri­ tatiónsmoment. Tað kann saman­ ber­ast við eina flugu, ið flýgur runt í sovi­kamarinum og dukar móti vind­eyganum, eftir ein hevur lagt seg at sova. Tað einasta, ið ikki er upp­raðfest umborð á Smyrli, tað er út­varps­lurtið, ella eg burdi held­ ur sagt útvarpslurtini, tí har er eitt útvarp fyri hvønn metur, ein gong­ ur umborð. Burtursæð frá onkrum hend­inga skotið, so eru útvørp alla­ staðni. Hetta eru ikki B&O-tøkni, men tey minna um gomul trans­ist­ or­radio, ið abbar okkara høvdu frá í kjallaranum, tá teir skuldu putl­ast við okkurt. Vanliga fer ein frá húsum kl 6 á morgni, í góðari tíð, leggur seg svøvn­pískutur á ein bonk soleiðis ein kann sova ring­asta broddin av morgungronuni burt­ur. Men nei, útvarpið verður koyrt frá, og sum oftast verður tað ikki bara tendrað til at hava í bakgrundini, men tað fer heilt uppá 11 í volumen, tí hvør einasti ferðandi skal hoyra tíð­indini og morgunlesturin. Eg skilji um hetta hevði verið í 1988, tá Ívar sat í Kringvarpinum, og rætt­siktaðir menn kundu fara gjøgnum dag­ in uttan tíðindini tá í tíðini, og eg skilji eisini, um val hevði ver­ið, og politkarar vóru farnir til sam­gong­ u­samráðingar. Tað er spennandi, tí kann útvarpið saktans verða frá, so fólk kunnu vita um nøkur framstig eru. Dag og dagliga tendrar onkur til­vildarlig kioskgenta útvarpið, og hetta er so at siga hvønn túr, hvussu so er teir, ið eg sigli. Eitt er at hoyra tíðindi, morgunlestur og dansi­bands­tónleik – hetta er faktist tað, ið oftast osar út umborð – í hasum discount hátalaranum, men eisini útvarpsfrásagnir frá fót­ bólti. Hevði tað so verið TB, FCS ella Royn, ið spældu! Nei, seinast eg var umborð, var ein útvarpsfrá­ søgn millum Víking og B36. Hví skulu suðuroyingar lurta eftir Vík­ingi og B36, ella hví skal nakar hoyra um Víking og B36? Har ligg­ ur ein so tvangsinnlagdur í almenna rúminum og verður noyddur at lurta. Eg skilji tað ikki, øll gjalda sama ferðaseðlaprís, og almenna rúm­ið skal verða neutralt og ikki dálka - óljóð er dálking um tú ikki visti tað áðrenn - hví skulu kundanir umborð, sum eisini eru fremmand ferðafólk, leggja oyrað til andaktir og annað? Eg má siga, SSL sum er eitt alment partafelag vísir sera vána­ligt tænatstustøði, við at hava al­menna Kringvarpið frá undir sigl­ ing. Eg kann einans hugsa um Norð­ ur Korea ið ger tað sama í øllum heiminum. Nú skal eg ikki bara rakka alt niður umborð, tí kemur eisini fyri at tey sløkkja. Bolero er ein sending við tí fornemmasta av tí, sum kontinentala tónleikamentan­ in úr Evropa hevur at bjóða, tá sløkkja tey, tí suðuroyingar eru ikki nóg mentaðir til slíkt fjas, og tað er gott. Onki er betur fyri sál og sinn enn at stara út í havsbrúnna í friði og náðum, og bara lata tankarnar hug­leiða um onki. Vælsignaði um­ borð á M/F Smyrli, sløkkið lort­ið og aldrin tendri tað aftur; burt­ur­sæð frá tá tíðindi eru um sam­gongu­sam­ ráðingar. SMYRIL OG KRING­VARP FØROYA BLOGGARIN HESA VIKUNA