mánadagur 3. oktober 2016síða 16

Mánadagur 3. oktober 2016 · Nr. 113 16 Sosialurin Hugskot og viðmerkingar – send sms til 225000 FRÓÐI ÓLASON OLSEN AB Einki er liðugt fyrr enn alt er liðugt. Klaxsjingar spældu sum gummibomm. Óluksáligt at okkara ikki byrjað at spæla fótbólt fyrr enn nú. Nú eru bert NSÍ og Víkingur eftir. Gott hjá kassameistaranum. KRISTIAN JOENSEN KÍ Málsetningurin var at sleppa út í Europa. Tá man ikki siktar eftir toppinum, so er hann ringur at raka. Eg vil hervið ynskja Víkingi tillukku við meistaraheitinum. Leikarnir har eru so gamlir at teir vinna neyvan nakað aftrat. Vit koma sterkt aftur komandi ár. SÆBJØRN LEITI ÍF Eitt stig ikki nógv at skriva søgu um men vit hava bara 5 pláss at spæla um. 1 heima dyst meir næsta ár Koyr á ÍF ALLAN ENGHAMAR HB - LISSI MOURITSEN B36 EVROPA! JAN B. ANTHONIUSSEN NSÍ Hava ikki uppiborið betri í dag.. Spæla sum vit longu eru farnir í heystferiu.. Høvdu vit møtt einum betri liði, hevði tapið allarhelst verið størri! Tveir dystir eftir. Teir SKULU geva seks stig! Góðir! FÓTBÓLTUR Jóannes Hansen Tað er viðhvørt heilt undar­ ligt, sum tað tekur seg upp og tørnar út í fótbólti. Síðani 22. mai, tá ið tólvta umfar var á skránni, hevur KÍ verið ovast á støðutalvuni. Í trettan umfør og í fýra mánaðir og knappliga tvær vikur hava klaksvíkingar verið FM favorittar. Inntil í gjár tá ið Víkingur við 1-0 heimasigri á TB trýsti KÍ av tindinum. Fýra tær seinastu ferðir­ nar hevur tað verið soltið hjá KÍ, og nú vísti tað seg, at 2-1 sigurin í lyklauppgerðini í Sarpugerði fyri stívliga tveimum viku síðani var ikki nóg mikið at halda tørn um oddasessin. 2-0 tap í Runavík, 2-2 ímóti B36 í Klaksvík og nú 3-1 tap á Argjum eiga sín lut í, at nú er tað ikki upp til klaksvíkingar einsamallar at gera av, um teir skulu vinna FM ella ikki. Hesar fýra ferðirnar, tá ið KÍ úrtøkan hevur verið fýra stig, hevur Víkingur vunnið níggju stig – 1-0 á HB, 1-2 ímóti KÍ, 2-0 á NSÍ og í gjár 1-0 á TB. Støðutalvan sigur, at nú er Víkingur fremst við 55 stigum, og at tað er eitt stig aftur til KÍ. Víkingur hevur verið ovast tríggjar ferðir fyrr í ár – eftir fyrsta, annað og níggjunda umfar. Tað snýr seg um at vera fremst eftir 27 umfør. Nú er tað upp til Víking at gera av, um tað skal eydnast at vinna fyrsta FM heitið, síðani felagið sá dagsins ljós tíðliga í 2008. Tað er altso upp til Víking at vinna FM ella at tapa tað. – Hjá okkum ræður um at hava fokus á teimum báðum dystunum, sum eru eftir at spæla. Vit fara at stríðast fyri at vinna ímóti B68 og ÍF. So fáa vit at síggja, hvussu langt tað røkkur, sigur Páll A. Klettskarð, sum í gjár var liðformaður, tí Jonas Flindt Rasmussen var leikbannaður og mikið saknaður í KÍ miðverjuni. Eyðun eigur lykilin Meðan KÍ í næstsíðsta um­ fari eigur botnliðið B68 á heima­vølli, so fær Víkingur vitjan av B36. Tvær tær seinastu ferðirnar hevur B36 vunnið javnleik í Klaksvík og í gjár 2-0 heimasigur á NSÍ. Í síðsta umfari skal Víkingur spæla á útivølli ímóti AB. Tí er tað á pappírinum fyrst og fremst ímóti B36, at møguleiki er fyri, at Víkingur skal snáva. Tað verður altso klaks­ vík­ingurin og fyrr­ver­andi KÍ venjarin Eyðun Klakstein, ið skal steðga Víkingi, sum í løtuni hevur beina kós fram ímóti FM heitinum. Eyðun var í 2014 venjari í barn­dóms­felagnum í Klaks­ vík. Hann fekk ikki høvi at halda fram. So varð hann settur í venjarastarvið í árs­ tals­felagnum í Gunda­dali. Tað gekk upp á stás, og B36 endurtók FM heitið frá 2014, tá ið Sámal Erik Hentze, sum nú er Víkinga venjari, hevði ábyrgdina. B36 verður ikki meistari í ár. Men eftir tíðar­skeið við nógvum skaðum og stiga­ missum ímóti eitt nú TB, ÍF og tvær ferðir Skála er B36 komið fyri seg fram ímóti kappingar­enda. – Vit vunnu søtan 2-0 heima­sigur ímóti NSÍ í gjár. Har­við er tað greitt, at B36 eisini næsta ár fer at spæla í europeisku kappingini. Tað hevur sera stóran týdning. Tað er fram­vegis møgu­leiki fyri at vinna bronsu­krónur­ nar. Um tað skal eydnast, so er fyrsta treytin, at vit vinna báðar dystirnar, sum eru eftir at spæla. Vit eru upp­settir, vit trívast væl í stórum av­bjóðing­um, og nú fara vit at hava fult fokus á av­bjóðingini í Sarpugerði annan sunnu­dag, sigur B36 venjarin. Hvussu er tað at búgva í Klaks­vík, at eiga son á KÍ liðnum og so at siga at hava lykilin til, um FM heitið undan síðsta umfari fram­ vegis kann fara at hava kós til Klaksvíkar? – Talan er um eitt sindur øðrvísi støðu, tí iva­leyst fara klaks­víkingar næstu dagarnar og fram til næst­ síðsta um­far at minna á týdningin, sum okkara avrik og úrslit í Sarpu­gerði fer at hava fyri møgu­leikan hjá KÍ at vinna fyrsta FM heitið í seytjan ár. Í støðuni ræður um at vera foku­serað­ur og pro­fessionellur, og tað er altso sum B36 venjari, at eg fari at fyri­reika liðið til stóru av­bjóðingina, sigur Eyðun Klak­stein. Tað vera fleiri spælarar burtur frá venjingunum í hesi vikuni og inntil týs­dagin upp undir næst­síðsta og av­ gerandi umfarið. Lands­liðið er á veg til Riga í Lettlandi, og bestu spæl­ar­ar­nir vera saman við Lars Olsen, lands­liðs­venjara, inntil heimadysturin ímóti Portu­ gal verður spældur mána­ kvøldið um eina viku. Hjá KÍ er talan um Kristian Joensen og Páll A. Klett­skarð,og hjá Víkingi er talan um Atla Gregersen og Sølva Vatnhamar. Einasti B36 spælarin á landsliðnum er Jónas þór Næs. NSÍ spæl­ar­arnir, sum næstu vikuna vera upptiknir av landsliðsfótbólti eru Árni Frederiksberg og Klæmint A. Olsen. B36 setti NSÍ upp á pláss, og nú eru tað Eyðun Klakstein og hansara menn, sum KÍ heingir sína FM vón á EFFO-DEILDIN EYÐUN EIGUR FM LYKILIN HJÁ KÍ