mánadagur 3. oktober 2016síða 18

Mánadagur 3. oktober 2016 · Nr. 113 Sosialurin Hugskot og viðmerkingar – send sms til 225000 18 1 til 6 FÓTBÓLTUR Víkingur kann sláa metið Síðani Víkingur var stovnað í 2008, stendur metið hjá felagnum í stigum frá 2011, har Víkingur fekk 59 stig. Nú tvey umfør resta í, kann Víkingur sláa tað metið í ár, har teir kunnu koma upp á 61 stig. Teir hava í løtuni 55 stig. DYSTURIN HESA VIKUNA 4 GEZA TURI Hevði ikki so nógv at gera, men tá møguleikin hjá TB uppstóð, var hann til reiðar. Hevði meistarliga bjarging seint í dystinum, sum bjargaði Víkingi stig. 3 GERT HANSEN Hevði sum heild gott tamarhald á í verjupartinum, men var ikki so eyðsýndur í framrættaða spælinum. 4 ATLI GREGERSEN Spældi sum heild nógvar góðar bóltar niðan í vøllin, og var til at pakka tað framrættaða hjá TB fullkomiliga niður. 4 ERLING D. JACOBSEN Enn einaferð millum teir drúgvastu hjá Víkingi. Var viðvirkandi til at vandamikli Albert Adu ikki fekk eitt bein til jørðina, og spældi ein góðan dyst. 4 HANUS JACOBSEN Skoraði sigursmálið og var sum heild ein støðug hóttan frameftir eisini. Hevði tak á í verjupartinum, og var millum teir á Víkinga liðnum sum gingu á odda fyri at vinna dystin. 3 GUNNAR VATNHAMAR Átti uppleggið til málið, og kom fleiri aðrar ferðir í dystinum í góðar støður, har hann skuldi havt fingið meira burturúr. Serliga í fyrra hálvleiki. 4 HANS JØRGEN DJURHUUS Spældi á verjukenda miðvøllinum, har Víkingur á miðvøllin var fullkomiliga við yvirlutan móti TB. 4 SORIN ANGHEL Var saman við Hans Jørgeni Djurhuus við til at vinna miðvøllin fyri Víking, har teir eisini alla tíðina dekkaðu verjuna væl inn. 3 HANS PAULI SAMUELSEN Hevði einstakar løtur í dystinum, har hann var eyðsýndur, men datt sum heild ov nógv úr dystinum. 3 SØLVI VATNHAMAR Skuldi havt skora til 2-0 í seinna hálvleiki. Arbeiddi sum altíð væl, men var ikki so eyðsýndur sum onkran annan dyst, har tað hevur eydnast betur. Tó ein sera týdningarmikil leikari á liðnum. 3 ANDREAS LAVA OLSEN Er altíð ein støðug hóttan, og hóast tað ikki eydnaðist so væl hjá honum sunnudagin, mugu tað altíð fleiri verjuleikarar um at verja ’Lava’ mannin. Hevur nógv at siga fyri liðið. 3 FILIP DJORDJEVIC Kom inn tíðliga í seinna hálvleiki, og royndi at vera avbjóðandi. Tað eydnaðist kanska ikki altíð so væl, men tað hevði týdning at hann royndi. SPÆLARAMETING Víkingur er nú so nær við FM-heitinum sum teir ongantíð áður hava verið í søgu felagsins. Sum úrslitið á Argjum lagaði seg sunnu­dagin, kunnu víkingarnir nú sjálvir avgera FM-lagnuna Andre Olsen Tað var lítið sum bendi á at dysturin í Sarpugerði sunnu­ dagin, skuldi gerast ein av minningarríkastu dystum hjá Víkingi nakrantíð í søgu felagsins, tá ein møtti upp til dyst­in móti TB sunnudagin. Lagið á fólki var, at KÍ mundi fara at avgera sína FM-lagnu sjálvir, hóast ein lítil vón var um, at teir møguliga kundu snáva ímóti AB á Argjum. Tóktist óveruligt Men so líðandi sum dysturin leið, broyttist myndin full­ kom­iliga. Tað byrjaði við tí at bilar floytaðu í brekkuni aftanfyri málið, og tá vistu flest øll, at nú mátti okkurt vera áfatt á Argjum, har KÍ spældi. Tá so stadion speak­ arin aftaná lítla løtu kom inn, og segði at nú var AB á odda 1-0 á Argjum, spreiddi bjartskygni seg runt allan leikvøllin í Sarpugerði. Og tá so stadion speakarin lítla løtu seinni segði í há­tal­ arunum at nú hevði AB lagt seg á odda bæði 2-0 og 3-0, mundu flestu eysturbúgvar mestsum ikki trúgva sínum egnum eygum og oyrum. Fjáltur var á Víkingunum Hetta smittaði sjónliga av oman á vøllin, har leikararnir vóru trýstir av áskoðarunum um at fara fram á vøllin at vinna dystin, soleiðis at felagið kundi fara framvið KÍ á fyrsta pláss­inum í deildini. Løtuna eftir at AB hevði lagt seg á odda 3-0, tóktist tað sum um at trýstið frá áskoðarunum hevði eina keðiliga ávirkan á avrikið hjá Víkingi, tí at fjáltur tóktist at vera á spæl­inum hjá Víkingi, har neyð­ugu tolið í fleiri førum manglaði. Bjartskygni spreiddi seg Í hálvleikinum sást týðu­liga hvussu bjartskygdur stem­ ningurin var rundanum vøll­ in í Sarpugerði, og flest øll tosaðu um, at nú ráddi um at hava neyðuga tolið, og síðani at taka av fyri at fara framvið KÍ á fyrsta plássinum. Og tá seinni hálvleikur byrjaði, tóktist tað sum um at nógv fleiri áskoðarar vóru staddir við leikvøllin í Sarpugerði, enn tá dómarin bríkslaði fyrra hálvleik í gongd. Hanus var hetjan Níggju minuttir inn í seinna hálvleik, kom forloysandi løtan hjá Víkingum til dyst­ in sunnudagin. Eftir eitt væl spælt álop í høgru síðu, slapp Gunnar Vatnhamar til innlegg úr síðuni. Hann smekk­aði bóltin inn í brots­ teigin, har vinstri bakkurin, Hanus Jacobsen, hevði tikið tann langa túrin framvið, og stóð púra einsamallur inni í brotssteiginum, har hann smekkaði bóltin í málið. 1-0 til Víking, sum nú var á FM- kós, og rómurin var ikki til at taka feil av. Skuldu økt – TB mundi javnað Tað sum eftir var av dyst­ inum, ráddi bara um at halda stand. Eftir røttum skuldi Víkingur eis­ ini at havt lagt seg á odda 2-0 miðskeiðis í seinna hálvleiki, tá Sølvi Vatnhamar slapp at reka púra einsa­mallur móti TB mál­verjanum, sum tó hevði lúrt Sølva av, og fekk bjarga stóra mál­ møguleikanum. Ístað­in var tað um repp­ið at TB seint í seinna hálvleiki, fekk stolið sær eitt heldur óuppi­borið stig við til Suð­uroyar aftur. Ein TB’ari slapp at skjóta ein leysan bólt í brots­ steiginum, sum noyddi Geza Turi út í fulla longd at bjarga skotinum. Tað óveruliga er nú veruligt Tað endaði tó við at Vík­ ing­ur vann sær ein ser­ stak­liga kærkomnan sigur í FM-stríðnum, og tað er ein sann­roynd, at FM-heit­ið ongantíð hevur verið nærri í Sarpugerði undir fel­ags­heit­ inum, Víkingi, enn tað er júst nú. Komandi tveir dystirnir vera serstakliga avgerandi fyri Víking, har teir fyrst skulu spæla á heimavølli móti B36, og síðani skulu spæla á Argjum móti AB í sein­asta dystinum. Tað sum tóktist at vera farið fyri tveim­um vikum síðani, tá KÍ vann avgerandi FM-dystin í Sarpugerði móti Víkingi, er nú aftur í eygsjón, og nú ræður bert hjá víkingunum um at halda høvdinum rætt skrúv­að saman, so felagið kann tryggja sær fyrsta FM- heit­ið í søgu felagsins. FM-HEITIÐ HEV VERIÐ NÆRRI H