hósdagur 6. oktober 2016síða 12

12 BARBARA HOLM S einastu árini hevur verið frægari. Psykiatriin hevur eitt nú fingið játtað ein nýggjan bygning. Men Tórmóður Stórá viðgongur, at hóast øll ting eru relativ, so ber til at siga, at psykiatriin dragnar afturút, um tú samanber við aðrar sjúkur. – Hyggur tú eftir lønarút­ reiðslunum á Landssjúkrahúsinum seinastu árini, so sært tú, at tað er vaksið í krónum og oyrum, men parturin til psykiatriina, í mun til restina, dragnar afturúr, sigur Tórmóður Stórá. Tað sæst eisini sami tendensur í Danmark og í øðrum londum í Vesturevropa, at psykiatriin ikki verður raðfest eins ovarliga og aðrar sjúkur. Avleiðingin av hesum í Føroyum er, at psykiatriin ikki fær tað lyft, sum mong meina henni tørvar. – Tá ið veruleikin er tann, at man dragnar afturút í gjøgnum fleiri ár, so er ikki nóg mikið at gera spakiliga menning. Tað er tørvur á einum ordans lyfti, at gera frambrot á onkran hátt, sigur Tórmóður Stórá. Hann vísir á, at tað eru fleiri við­ gerðar møguleikar, sum psykiatriin ikki fær sett í verk, tí peningur ikki er til tess. Tórmóður Stórá hevur verið leiðari á Psykiatriska Deplinum í 10 ár. Og hann vísir á, at nógv er broytt, hóast mong eftirlýsa betringar. – Hyggja vit eftir heildarætlanini, sum varð gjørd í 2002, so staðfesti hon, at psykiatriin hevði 70 songjar­pláss. Í dag hava vit bert 19. Tað er eitt frambrot á tann hátt, at fleiri sjúkur verða viðgjørdar ambulant, sigur Tórmóður Stórá. Hava sett fokus á innihaldi Seinastu árini hava færri og færri verið innløgd í longri tíðarskeið á Psykiatriska Deplinum. – Fyrr var tað so, at fólk við sálarsjúku vóru innløgd í fleiri ár. Í dag eru tey meira og meira ein partur av samfelagnum. Tey eru ikki goymd burtur og vit tora at tosa um sálarsjúku nógv meira enn áður, sigur Tórmóður Stórá. Tað er ein vaksandi tørvur á viðgerð frá Psykiatriska Deplinum. Serstakliga børn og ung hava í ár óvanliga stóran tørv á viðgerð frá Psykiatriska Deplinum. – Vit vita ikki, hví tað eru fleiri ung, sum hava tørv á hjálp. Ein orsøk kann vera, at vit áður ikki hava havt tilboð til tey ungu, og tí vóru óvitandi um tørvin. Ein onnur orsøk kann vera, at meðan tað fyrr var mett sum »taparaligt« at fáa sálarfrøðiliga hjálp, so er tað als ikki so í dag. Í dag er tað eitt fólkakrav, at fáa sálarfrøðiliga hjálp, um ein hevur verið fyri ógvusligari hending. Tú kanst siga, at tað er eitt gott tekin, at vit í dag fanga tey, sum hava tørv á hjálp, Tórmóður Stórá – Psykiatriin dragnar afturúr Sálarsjúka TEMA – Generelt haldi eg, at psykiatriin verður ikki raðfest í mun til aðrar sjúkur. Psykiatriin er raðfest meira frammarliga seinastu árini, men kortini sær út sum, at psykiatrini er afturút í mun til aðrar sjúkur, sigur Tórmóður Stórá, leiðari á Psykiatriska Deplinum SOSIALURIN 115 FRÍGGJADAGUR 7. OKTOBER 2016