hósdagur 6. oktober 2016síða 11

FRÍGGJADAGUR 7. OKTOBER 2016 SOSIALURIN 115 11 BARBARA HOLM A t kalla øll starvsfólk hava fingið endurút­ búgving í kognitivari terapi, í »tí truplu sam­ røðuni« og nú eru tey í ferð við at taka endurútbúgving við heitinum »Sikker Psykiatri«. Hetta síðsta er millum annað fyri at bøta um trygdina og fyri at minka um tvang. – Tá umræður teir menniskjaligu eginleikarnar, so verður eyka orka nýtt í setanarsamrøðuni so, at man sum mest møguligt tryggjar sær, at starvsfólk á Psykiatriska Deplinum eru før fyri at vísa um­ sorgan og empati, sigur Sirið Sten­ berg, landsstýriskvinna. Hon vísir á, eins og Tórmóður Stóra í aðrari grein í blaðnum, at tað eru dømi um fólk, sum eru farin úr starvi, tí tey ikki egna seg at arbeiða við fólki. Tá umræður pening, sum er avsettur til Psykiatriska Depilin, so vísir Sirið Stenberg á, at tað í dag virkar so, at ein posi av pengum verður latin til sjúkrahúsleiðsluna, og so er tað teirra uppgáva at býta peningin sum frægast. – Vit hava eisini gjørt raðfest­ ingar frá politiskari síðu. Eitt nú við at uppraðfesta børn og ung innan psykiatriina og í næstum at fara undir at uppraðfesta demens­ viðgerð, sigur Sirið Stenberg. Samstundis hevur samgongan uppraðfest økispsykiatriina, so at fólk fáa viðgerð á tí staðnum í landinum tey búgva. Likamlig og sálarlig heilsa javnstillast Fyri landsstýriskvinnuna er um­ ráðandi, at raðfestingar verða gjørdar so, at likamlig og sálarlig heilsa verður javnstillað. – Sinnisbati og Psykiatriski Depilin hava gjørt nógv fyri at bróta tøgnina. Tað er minni tabu­ kent at hava sálarliga sjúku og tað er kanska eisini ein orsøk til, at eftirspurningurin er so stórur. Og tað kann man fegnast um, tí tað merkir, at vit fáa hjálpt fleiri enn áður, sigur Sirið Stenberg. Í aðrari grein í blaðnum finst Magn­us Hansen at fysisku um­ støðunum á Psykiatriska Depl- inum. – Eg eri samd í, at tað hevur ikki verið nóg gott. Eitt er, at vit byggja ein nýggja bygning til Psykiatriska Depilin, men vit hava eisini raðfest, at betra um verandi karmar, tí tað kravdist av álvara, sigur Sirið Sten­ berg. Í royndini at javnstilla likamliga og sálarliga sjúku verður nýggi bygnigurin bygdur saman við restina av Landssjúkrahúsinum, so at sálarliga sjúk kunnu fáa ágóða av fasilitetum, sum Landssjúkrahúsið hevur at bjóða. Fer at taka atfinningarnar til eftirtektar Sirið Stenberg greiðir frá, at í næst­ um skal hon á fund við leiðsluna á Psykiatriska Deplinum og við Sinnisbata í einari roynd at finna fram til, hvar skógvurin trýstur hjá teimum við sálarligum trupulleikum. – Vit mugu ongantíð fara lætt um atfinningar, sum sjúklingarnir hava. Tí hóast tú ongantíð fær øll nøgd, so er eingin ivi um, at vit skulu stremba eftir, at hvør ein­ stakur fær so góða uppliving sum gjørligt, sigur Sirið Stenberg. Í næstum ætlar lands­stýris­ kvinnan eisini at endurskoða heildarætlanina fyri Psykiatriska økið, og har hevur tað týdning, at brúkarar eisini sleppa til orðanna. – Tað eru hóast alt tey, sum kenna økið á egnan kropp, sigur Sirið Stenberg, landsstýriskvinna. BARBARA@SOSIALURIN.FO – Vit skulu taka allar atfinningar í álvara – Tá umræður eftirútbúgving eru starvsfólk á Psykiatriska Deplinum væl fyri. Men sjálvandi skulu vit taka atfinningar í álvara, sigur Sirið Stenberg, sum í næstum fer á fund við leiðslu í Psykiatriska Deplinum og Sinnisbata til tess at finna fram til teir avbjóðingar, sum hond skal takast um Sirið Stenberg