mánadagur 10. oktober 2016síða 14

Mánadagur 10. oktober 2016 · Nr. 116 14 Sosialurin Hugskot og viðmerkingar – send sms til 225000 ØLL VILDU SÍ FÓTBÓLTUR Fólk trokaðu, grótu og gjørdu alt fyri at sleppa at síggja Cristiano Ronaldo, tá ið hann kom til Føroya leygarkvøldið Pætur Albinus Heilt síðani HM-lutakastið, tá ið tað gjørdist greitt, at Føroyar skuldu spæla ímóti Portugal, hava føroyingar glett seg til at síggja heimsins besta fótbóltsspælara á føroyskari jørð. Ein skaði í EM-finaluni førdi til, at alt var í iva eina løtu, men tað gjørdist seinni greitt at hann kom við til Føroya, og seinastu dagarnar hevur veruligur Ronaldo-fepur verið í Føroyum. Heimsstjørnan, sum er fyri­mynd hjá so mongum menn­iskj­um, kom til Føroya saman við portugisiska lands­liðs­hóp­in­um leygar­ kvøldið. Tóku ímóti Tað byrjaði longu á flog­ vøllin­um. Hundraðtals fólk, eina­mest børn við foreldrum teirra, men eisini hálv­vaksin, fjøl­miðla­fólk og áhugað annars, vóru til­reiðar at taka ímóti flog­far­in­um, sum kom bein­leiðis úr Porto og hevði allar portugisisku heims­ stjørn­ur­nar í. Tað var ruðuleiki eina løtu, tí eingin visti reiði­ liga hvar teir fóru at koma út, men tey flestu fingu tó sæð spæl­ar­ar­nar – bara ikki so tætt hjá. Starvs­fólk á flog­vøllinum og teirra av­ varðandi sluppu serliga tætt. Tey sluppu at heilsa upp á og fingu autografar, áðrenn portugisiska ferðalagið fór um­borð á bussin og eftir eitt sindur av aftur og fram slapp út av økinum og setti kósina til høvuðsstaðin. Gravgangur Eins og vanligt er hjá fót­ bólts­liðum, so kekkaði portu­ gisiski hópurin inn á Hotel Føroyum. Longu ein tíma áðrenn bussurin kom fram, vóru nógv fólk uttanfyri hotellið og bíðaðu í stórum spenningi. Hesa løtuna sá alt ikki so skipað út, men so hvørt sum bussurin nærkaðist, hækkaði trygdar­ stigið. Portugisiska fót­bólts­sam­ band­ið hevði sent ein mann til Føroya framman­undan at taka sær av tí prak­tiska og at syrgja fyri, at alt gekk stillis­liga fyri seg. Saman við vaktum og starvs­fólkum varð band hongt upp, har fólk skuldu halda seg aftan­ fyri. Tað mundu vera eini 100 fólk vera saman­komin á hotellinum fyri at síggja stjørur­nar heilt tætt uppá, og tá ið klokkan var um at sláa 20.30, hómaðist buss­ urin úr tí lætta mjørkan­um, sum hevði køvt ein part av høvuðs­ staðnum. Skríggj Fólk vóru frá sær sjálvum. Tað minti nærmast um The Beatles í tíðarinnar morgni – fólk skríggjaðu, onkur græt og onkur annar var í sjokk og tók seg fyri munnin. Ein bar nærmast ótta fyri, at onkur fór at svíma. Bussurin parkeraði beint uttan­fyri, og dyrnar lótust upp. Fyrstir úr buss­in­um vóru venjarin, Fernando Santos, og Real Madrid- verju­leik­ ar­in, Pepe. Teir sluppu at ganga uttan at fáa tað nógva upp­merk­semið, tí tey flestu bíðaðu eftir tí sama. Ronaldo. So kom hann. Fólk róptu navn hansara og vóru klár til at fáa auto­grafar, men hann gekk ískaldur framvið teimum allar­flest – líka inn­ til hann var komin heilt inn á hotelli og skuldi fara upp á aðru hædd. Tá steðgaði hann