mánadagur 10. oktober 2016síða 16

Mánadagur 10. oktober 2016 · Nr. 116 16 Sosialurin Hugskot og viðmerkingar – send sms til 225000 1 til 6 FÓTBÓLTUR SJEY KUNNU GANGA AFTUR. Av teimum 14 leikarunum sum fríggjadagin vóru á vøllinum hjá U-21 landsliðnum, eru tað heili sjey sum hava aldur aftur í komandi undankapping. Teir eru Jóannes Bjartalíð, Betuel Hansen, Jákup Thomsen, Teit Jacobsen, Jákup V. Olsen, Hákun Edmundsson og Jákup B. Andreasen DYSTURIN HESA VIKUNA 4 NIKLAS THOMSEN Mundi í tí eina førinum verið óheppin við einum útsparki. Spældi annars sannførandi í føroyska málinum, og hevði ongan møguleika at bjarga tá Eysturríki skoraði. 4 DÁVID LANGAARD Spældi enn ein góðan dyst á høgra bakki. Átti upplegg til møguleika í fyrra hálvleiki, og hevði eina fína roynd við langskoti í seinna hálvleiki. 3 ANDRIAS ERIKSEN Var um reppið at kosta mál tá hann í fyrra hálvleiki gleið, og hevði onkrar býttar feilavleveringar. Spældi annars ein fínan dyst í føroysku miðverjuni 4 HØRÐUR ASKHAM Millum mest eyðsýndu mennirnar á føroyska liðnum. Var sannførandi í duellspælinum og gjørdi fleiri týdningarmikil fríspørk. 3 ÁRI MOHR JÓNSSON Var óheppin og gjørdi heldur býtt fríspark í fyrra hálvleiki sum elvdi til málið. Annars ein spennandi spælari, sum av álvara bankar uppá til a-landsliðið 3 JÓANNES BJARTALÍÐ Spældi væl seinasta korterið av dystinum, har hann var við í nógvum. Var annars lítið sjónligur í dystinum áðrenn tá. 3 BETUEL HANSEN Stríddist væl og fylti nógv á føroyska miðvøllinum. Hevði eina støðu í fyrra hálvleiki, har hann var líka við at leggja málgevandi avlevering, tá Føroyar mundi kontra. Mátti lata seg útskifta av skaða miðskeiðis í seinna hálvleiki 4 JONAS G. HANSEN Fyrsta ferðin á Svangaskarði, at Jonas G. Hansen hevur verið orduliga eyðsýndur. Fylti nógv og hevði góða orku at koma framvið í farligar støður móti endanum. 4 JÁKUP V. OLSEN Mátti út við skaða aftaná góðan hálvan tíma. Var annars millum mest eyðsýdnu føroysku leikararnar ta løtuna hann spældi 3 TEIT JACOBSEN Var ein støðug hóttan við sínari ferð. Serstakliga spennandi leikari, sum hevur fleiri ár eftir í U-21 landsliðssamanhangi 4 JÁKUP THOMSEN Var alla tíðina avbjóðandi í sínum spæli og ein hóttan í føroyska álopinum. Tóktist snýttur fyri brotsspark móti endanum av dystinum. 3 GESTUR BOGASON DAM Var føroyski leikarin sum átti størstu møguleikarnar. Skal hava rós fyri at koma fram til teir, men tað trekkir niður at hann misnýtti teir. 3 JÁKUP B. ANDREASEN Kom inn fyri Betuel Hansen miðskeiðis í seinna hálvleiki og kom fínt inn í dystin. Føroyar høvdu greitt yvirtak á vøllinum, meðan hann var inni. HÁKUN EDMUNDSSON Inni ov stutt til at fáa meting. SPÆLARAMETING André Olsen Fríggjadagin stóð Bill McLeod Jacobsen á odda fyri føroyska U-21 landsliðnum fyri seinastu ferð á hesum sinni, tá U-21 landsliðið spældi sín seinasta dyst í júst farnu undanakapping móti Eysturríki á heimavølli. Virðiligt farvæl til Bill Og sigast skal, at Bill McLeod Jacobsen fekk ein virðiligan mannfólkainnsats frá U-21 leikarunum í seinasta dystinum. Eftir eina heldur trilvandi undankapping – tann lakasta hjá U-21 lands­ liðnum nakran­tíð – spældi føroyska U-21 landsliðið ein av sínum bestu dystum í júst farnu undankapping. Eftir dystin kundu teir bert iðra seg um, at tað ikki rakk til stig. Tí møguleikar vóru tað nokk av, og seinastu løtuna av dystinum trýstu føroysku leikararnir mótstøðuliðið heilt í botn. Føroyska liðið ikki til at kenna aftur Tað sást tíðliga til dystin fríggjadagin, at talan var um eitt uppsett føroyskt lið, sum vildi enda hesa undan­ kappingina væl. Í mun til heima­dystin móti Russlandi fyri einum góðum mánaða síðani, var føroyska liðið nærum ikki til at kenna aftur fríggjadagin. Móti Russlandi tóktist liðið at hanga illa saman sum ein eind, umframt at tað sjáldan sóust meir enn tvær- tríggjar samanhangandi avleveringar á føroyska liðnum, sum gjørdi at føroyska liðið kom at renna aftaná mestsum allan dystin á tamb. Móti Eysturríki var tað beint umvent. Tað sást beinavegin at liðið hekk nógv betri saman hendan dystin, har allar keturnar arbeiddu væl saman. Og so megnaðu føroysku leik­ ararnir fríggjadagin nógv betri at halda uppá bóltin. Av tí sama var tað sjáldan at ein sat við kensluni í fyrra hálvleiki av, at Eysturríki gjørdist serliga vandamiklir. Í tveimum einkultum førum vóru eysturríkar nær við, men í báðum førunum spurdust møguleikarnir burturúr eftir kleyvarskap á føroyska liðnum, har málverjin, Niklas Thomsen, í tí fyrra førinum mundi verið óheppin við einum útsparki, og har verjuleikarin, Andrias Eriksen, í tí seinna førinum datt, soleiðis at ein eysturríkari slapp í eina vandamikla støðu. Fleiri ferðir var føroyska liðið vandamikið í hinum endanum, har serliga teir báðir fremstu leikararnir, Jákup Thomsen og Teit Jacobsen, góvu gestunum høvuðbrýggj. Besta føroyska møgu­ leikan í fyrra hálvleiki hevði inn­skifti Gestur Bogason Dam. Møgu­leikin VIRÐILIGT FA TIL BILL Hóast føroyska U-21 landsliðið tapti dystin móti Eysturríki fríggjadagin, var talan um ein tann besta dystin frá føroyska liðnum í júst farnu undankapping