mánadagur 10. oktober 2016síða 17

17 Mánadagur 6. januar 2014 · Nr. 2 Sosialurin Mánadagur 10. oktober 2016 · Nr. 116 Hugskot og viðmerkingar – send sms til 225000 FÓTBÓLTUR Føroyski innsatsurin. Frálíkt at síggja geistin á føroyska liðnum fríggjakvøldið. Menn stríddust sum fyri lívinum, og so tordu teir eisini at spæla seg burturúr teimum pressaðu støðunum. Avrikið var agjørt til stig Hendingin aftaná dystin. Hendingin við føroyska venjaranum, Bill McLeod Jacobsen, aftaná dystin, setti líkasum ein dempara á tað sum skuldi vera eitt farvæl til hann. Bæði hann og áskoðarar høvdu fyrireika seg uppá eitt farvæl tá dómarin bríkslaði av, men umstøðurnar vildu tað øðrvísi. Tíbetur spældi alt væl av. DEILDIR TOPPSKJÚTTAR. Í júst farnu undankapping skeyt føroyska liðið trý mál. Tríggir ymiskir leikarar skutu málini, og eru tað tí tríggir deildir toppskjúttar á føroyska liðnum. Teir tríggir eru Gestur Bogason Dam, Hákun Edmundsson og Ári Mohr Jónsson upp­stóð eftir at Jákup Thomsen hevði tikið sakina í egnar hendur. Hann dró sjálvur við bóltinum á hálvuni hjá mót­støðu­ liðnum. Komin eitt sindur útfrá brots­steigar­markinum, tók hann og smekkaði til. Eystur­ríki málverjin megnaði bert at hálv­bjarga, har bólt­ur­in stakk út til David Lang­gaard, sum var komin fram­við. David legði eitt bleytt innlegg heilt yvirum til aftaru stong, har ein púra fríur Gestur Bogason Dam slapp at skalla bóltin. Tíverri fekk Gestur ov nógva luft undir bóltin, soleiðis at bólt­ur­in fór oman­ fyri málið. Men í tí førinum skuldi føroyska liðið heilt greitt havt lagt seg á odda. Tað sum ikki mátti henda Eftir tað sótu tey flestu bara og vónaðu at føroyska liðið megnaði at halda javn­ leik til hálvleik, tí tað hevði verið óuppi­borið, um teir høvdu verið aftan­fyri í hálv­leikinum. Men so hendi tað, sum so ofta fyrr er hent, og sum als ikki mátti henda fríggjadagin. Ein minutt áðrenn hálvleik fekk Eysturríki hornaspark, har ein eysturríkur miðverji kom framvið og skallaði bóltin í málið, soleiðis at Eysturríki fekk eina leiðslu beint áðrenn hálvleik. Tað var sum at fáa vátan vøtt beint frammaná, tí tað var ikki í tráð við leikgongdina. Málið merkti føroyska liðið Málið merkti týðuliga føroyska liðið fyrstu løtuna í seinna hálv­leiki, tí tað tóktist tá sum um, at føroyska liðið var trýst nógv longur aftur enn teir vóru allan fyrra hálv­leik. Málið gav eisini eystur­ríkarum nógv meira ró á sítt spæl, og fyrstu løtuna av seinna hálvleiki, tóktust fá at ivast í, at Eysturríki mundi fara at økja um leiðsluna. Men hóast leikligu yvir­vágina fyrstu løtuna av seinna hálvleiki, var tað sjáldan at tað spurdust teir vanda­miklu møguleikarnir burtur­úr hjá Eysturríki. Trýstu Eysturríki í botn móti endanum Eitt gott korter inn í seinna hálvleik, tóktist tað um at okkurt hendi á føroyska liðnum, tí tá var liðið aftur sum hamskift. Brádliga byrjaðu vit at hótta eysturríkarar aftur, og tað eydnaðist eisini nógv betri at trýsta eysturríkarar langt frammi á vøllinum. Eins og skrivað longur uppi, trýsti føroyska liðið eysturríkarar í botn seinastu løtuna av dystinum. Fleiri ferðir var føroyska liðið um reppið at javna. Eins og í fyrra hálvleiki, var tað Gestur Bogason Dam, sum í seinna hálvleiki eisini fekk størsta føroyska møguleikan. Møguleikin kom eftir eitt frálíka væl spælt føroyskt álop, har Jóannes Bjartalíð átti avgerandi avleveringina. Hann legði avleveringina stutt framman fyri miðjuna, har hann mestsum úr blindum sá at Gestur Bogason Dam hevði tikið tí røttu renningina. Gestur snýtti offside felluna hjá eysturríkarum og slapp at renna fullkomiliga einsamallur móti eysturríska málverjanum. Men málverjin hevði lisið Gestur av. Tá Gestur avsluttaði, valdi málverjin røttu loysnina og fekk tí bjarga risa møguleikanum. Í seinastu sekundunum kendu føroysku leikararnir seg eisini snýttan fyri brotsspark, tá eysturríski málverjin, sá út til at boksa føroyska áleyparan, Jákup Thomsen í høvdið, soleiðis at Jákup Thomsen mátti bløðandi av vøllinum. Lakasta undan­ kappingin nakrantíð Tað endaði tí við einum føroyskum ósigri í seinasta dystinum av júst farnu undankappingini. Av tí at liðið bert megnaði at fáa eitt stig í undankappingini, hevur talan verið um lakastu undankappingina nakrantíð síðani U-21 landsliðið var sett á stovn. Men fríggjadagin var tað lítið, ið vísti á tað. Føroyska liðið spældi ein av sínum bestu dystum í júst farnu undankapping, og bæði burdu og skuldu havt fingið í minsta lagi eitt stig ímóti Eysturríki. Gleðiligt er tó at fleiri av leikarunum ið spældu við á liðnum fríggjakvøldið, hava aldur til U-21 landsliðið aftur í komandi undankapping. Tær royndirnar eiga at borga fyri einari betri undankapping næstu ferð. RVÆL Tað spældi væl av hjá Bill Føroyski U-21 landsliðsvenjarin, Bill McLeod Jacobsen, hevur tað gott, hóast tað sá álvar­ samt út eftir dystin á Svanga­ skarði fríggjadagin Tað sá rættuliga álvarsamt út, tá føroyski U-21 landsliðsvenjarin, Bill McLeod Jacobsen, brádliga small um, beint eftir at norski dómarin hevði bríksla dystin móti Eysturríki av. Skelkur kom á fólk, og fleiri hildu at talan var um heilt álvarsaman skaða. Tað gjørdist tó tíðliga greitt at tamarhald var á støðuni. Bill McLeod Jacobsen sigur í stuttari viðmerking við Sosialin, at tað spældi væl av, og at hann hevur tað gott. – Eg havi tað gott og fekk tað skjótt gott aftaná støðuna. Tað hevur nokk verið ein blandingur av at eg havi drukkið ov lítið, verið yvirspentur og eisini eitt sindur strongdur, sum elvdi til at eg small um. Men eg havi verið til kanningar og øll tøl eru í lagi, so talan er ikki um nakað álvarsamt, sigur Bill McLeod Jacobsen. Víðari sigur Bill McLeod Jacobsen eisini at tað ikki er nakar partur av dystinum sum er burtur úr minninum, og at hann longu í sjúkrabilinum á veg til Havnar, kundi lýsa allan seinna hálvleik sum hann var fyri portørunum. Dysturin móti Eysturríki var seinasti dysturin hjá Bill McLeod Jacobsen sum U-21 landsliðsvenjari. Hann hevur verið venjari líka síðani U-21 landsliðið spældi sín fyrsta landsdyst í 2007