mánadagur 10. oktober 2016síða 19

19 Mánadagur 6. januar 2014 · Nr. 2 Sosialurin Mánadagur 10.oktober 2016 · Nr. 116 Hugskot og viðmerkingar – send sms til 225000 Tróndur Arge – Riga Føroyska landsliðið prógv­aði á váta gras­inum á Skonto leikvøllinum, at vit kunnu vinna ein HM und­an­kappingardyst á útivølli. Lars Ol­sen hevði bara eina lítla kanin í hatt­inum, tá hann setti liðið. Bárður J. Hansen hevði trupulleikar við øksl­ ini. Tí vóru boð eftir Jónasi Tór Næs á høgra bakki. Annars var liðið tað sama, sum vann okkum eitt frálíkt stig á Tórs­vølli móti Ungarn. Dysturin Jónas Tór Næs sendi alt fyri eitt fyrsta ávar­ing­ar­skotið av­ stað í hes­um fyrra hálvleikinum, har Føroyar stóð fyri tí betra spælinum og eisini javnan var á vitjan í lettiska brots­ teiginum. Tað var púra uppiborið, at Føroyar legði seg á odda 1-0 í 19. Minutti. Tað var mið­verjin Sonni Ragnar Nattestad, sum stýrdi einum fløtum innleggi frá René S. Joensen í málið. Eftir føroyska leiðslumálið rakn­aði Lettland við, og í løtum vóru boð eftir føroysku verjuni. Serliga tætt við var Lettland, tá ið eitt skot endaði á innaru síðu av stongini. Tað vóru góðar støður í báðum endum, men tað var Føroyar, sum slapp til hálvleiks á odda 1-0. Trýstir og kontra Fyrsta korterið í seinna hálvleiki legði Lettland eitt størri trýst á føroyska málið, men tað sást, at hetta ikki vóru leik­ arar í evropeisk­um toppklassa. Teir fingu ikki brod­erað seg ígjøgnum eina sera stinna føroyska verju, sum ruddaðu ein bólt fyri og annan eftir. Tá ið stormurin varð riðin av, fingu Føroyar aftur spæl í – og tað lat dyr upp. 20 minuttir fyri leiklot fangaði Hallur Hansson bóltin og setti gongd á eitt mótálop. Jóan Símun Edmundsson, sum spældi ein framúr dyst, gjørdist púra leysur og ískaldur lyfti hann bóltin upp um málmannin og í mál. 2-0 til Føroy­ar. Hóast Lettland brúktu seinastu útskiftingarnar og royndi at leggja meira fyri, so sluppu teir ongantíð tættari enn nakrar vónleysar skot­royndir úr stórari fjarstøðu. Tað var einki, sum kundi lumpa Gunnar Niel­sen og føroysku verjuna – held­ur hinvegin var tað Føroyar, sum spældi við heimaliðið síðstu løtuna. Gilli Rólantsson, Pól Jóhannus Justinussen og Páll A. Klettskarð vórðu settir inn á vøllin at kríggja sig­urin í hús, og tað eydnaðist. Sigurin var ongantíð í vanda. Miðverjan riggar Tað er greitt at síggja, at Atli Greg­ersen og Sonni Ragnar Nattestad rigga sum miverjupar. Teir hava hvør sín leiklut, men tað er týd­ning­armikið, at tað heldur fram á sama hátt. Tí so skjótt Atli Gregersen skal út í tvídystirnar, so hevur hann veik­leikar í ferðini. Somuleiðis, so hev­ur Sonni Ragnar Nattestad brúk fyri at onkur fortelur honum, hvat hann skal gera. Bakkarnir útsettir Tað er ikki óvanligt, at vengirnir hjá einum liðið er keldan til álopsspæl­ið. Tað var tað eisini til tíðir hjá Lett­landi. Serliga sluppu lettar til bak­linjuna nakrar ferðir í fyrra hálv­leiki. Her høvdu René Shaki Joensen og Viljormur Davidsen onkrar trup­ul­leikar við at verja saman. Í hinum endanum stóð Jónas Tór Næs sterkari í verjuspælinum, men besti møguleikin hjá Lettlandi kom eftir, at hann tapti eina takling. Her má avstemmast betri í verju­støðu í kvøld. Tekniskur miðaski Hallur Hansson, Brandur H. Olsen og Jóan Símun Edmunds­ son eru av­bera góðir á bóltinum. Tað sóu vit á vøll­inum í Riga. Teir vóru grundin und­ir yvirtakinum í fyrra hálvleiki, og punkteraðu dystin í seinna hálv­leiki. Í løtum var talan um so gott spæl at føroysku áskoðararnir róptu ”Óle” fyri hvørja avlevering. Tó skulu mið­vallararnir verða glaðir fyri, at aldurs­forsetin hevði taktiska eygað á verjukenda miðvøllinum. Fróði Benja­minsen var í nógvar máta javn­vágin á vektskálini. Frálík byrjan Við frálíkum 2-0-sigri ímóti Lett­land í Riga hevur landsliðið fingið søguliga góða byrjan upp á eina HM-undankapping. Vit hava fýra stig fyri tveir dystir, hava einki mál latið ígjøgnum og eru nummar tvey í bólkinum. trondur@sosialurin.fo Myndir: Fótbóltsamband Føroya við frálíkum máli, og kom annars til fleiri mál­møgu­ leikar. Arbeiður eisini hart og vinnur fleiri bóltar í verju­støðu. Tú situr við kensl­uni av, at vit hava ikki sæð tað besta av Jóan Símun Ed­mundsson enn. 3 GILLI RÓLANTSSON SØRENSEN (INN 73.MIN) Kom inn í eitt stórt korter, men megnaði ikki ordiliga at seta sín dám á dystin. Kom í eina góða støðu, men fekk ikki umsett til skot á mál. Vísti tó tekin um, at hann hevur ferð og er sinnaður at brúka hana til at hótta við. PÓL JÓHANNUS JUSTINUSSEN (INN 88.MIN) Kom inn á miðvøllin seinastu minuttirnar. Megnaði at vinna onkran bólt og smædd­ist ikki burtur. Ov stutt til at gera ein meting. PÁLL ANDRASSON KLETTSKARÐ (INN 90.MIN) Kom inn teir allar seinastu minuttirnar. Ov stutt til at gera ein meting. 4 LARS OLSEN Í stóran mun gjørdi Lars Olsen tað, sum hann skuldi. Tó var talan ikki um ein takt­iskan sigur, men heldur um at okkara spælarar vóru betri enn mótstøðuliðið. Í so máta fær landsliðsvenjarin ikki hægri enn eitt 4-tal fyri taktiska uppleggið, men hann ger ongan taktiskan feil heldur. trondur@sosialurin.fo Lettland – Føroyar 0-2 (0-1) 0-1: Sonni Ragnar Nattestad, 19. 0-2: Jóan Símun Edmundsson, 70. Skonto leikvøllinum Dómari: Serhiy Boiko (UKR) Føroyar: (4-2-3-1) Gunnar Nielsen – Jónas Tór Næs, Atli Gregersen, Sonni Ragnar Nattestad, Viljormur Davidsen – Fróði Benjaminsen, Hallur Hansson – Sølvi Vatnhamar, Brandur H. Olsen (Pól Jóhannus Justinussen, 88.min), René S. Joensen (Gilli Rólantsson Sørensen, 73.min) – Jóan Símun Edmundsson (Páll Klettskarð, 90.min). Á bonkinum: Teitur M. Gestsson, Kristian Joensen, Jóhan Troest Davidsen, Rógvi Baldvinsson, Bárður J. Hansen, Kaj Leo í Bartalsstovu, Heini Vatnsdal, Árni Frederiksberg, Klæmint A. Olsen. Venjari: Lars Olsen Hjálparvenjari: Jóannes Jakobsen Dysturin í tølum: Lettland – Føroyar Mál: 0 – 2 Skot: 12 – 9 Skot á mál:3 – 5 Bóltfordeiling: 54% - 46% Avleveringar: 399 – 359 Rættar avleveringar: 339 – 311 Horna: 5 – 6 Rangstøður: 1 – 1 Gjørd fríspørk: 4 – 16 Gul kort: 2 – 1 Reyð kort: 0 – 0