mánadagur 10. oktober 2016síða 39

VIKA 41 • 10. OKTOBER 2015 15 ÓKEYPIS LÝSINGARBLAÐ TEMA Eiði – Vit hava keypt ein nýggjan Volvo til koyring við laksaslógvi, og í februar kemur ein nýggjur kranabilur, sum sleppur serliga langt út við grabbanum, sigur Trygvi K. Joensen hjá Hans Egil Joensen & Synum Nýggir bilar til Hans Egil Joensen & Synir á Eiði Vilmund Jacobsen F yritøkan, Hans Egil Joensen & Synir á Eiði, sum hevur røtur heilt aftur til 1959, er ein flutnings­ fyritøka, sum ikki stendur í stað, men sum mennist alla tíðina. Hóast fyritøkan í dag hevur um­leið 10 størri og smærri krana- og flutn­ ingsbilar undir sínum hatti, harav Risin er hin størsti kranabilurin, endur­ nýggjar fyritøkan seg leypandi. Trygvi K. Joensen sigur, at allir krana­ bilarnir hava nóg mikið at takast við í løtuni, og eisini Risin hevur úr at gera. – Í okkara fyritøku hava vit eitt sindur av hvørjum. Vit hava kranabilar, tangabilar, og vit hava bilar, sum vit brúka í okkara entreprenørvirksemi, um­framt gravmaskinur. Tveir nýggir bilar Trygvi K. Joensen sigur, at fyritøkan nú um dagarnar fær ein nýggjan Volvo FH13 á 540 HK, sum skal brúkast til flutning av laksaslógvi fyri føroyskar alifyritøkur. – Bilurin er komin til landið. Hann hevur reyða litin hjá okkara bilum, og nú verður hann dekoreraður, áðrenn hann verður tikin í brúk. Bilurin hevur eina vanliga skipan við skiftilast. Spælið, sum dregur tangarnar upp á skifti­lastina, dregur 32 tons. Alt er nýtt á hesum bilinum. Hans Egil Joensen & Synir hava at kalla hvønn dag flutning við laksa­ slógvi fyri alifyritøkur, og hesin flutn- ingur er kring um alt landið og endar á virkinum – Salmon Proteins – á Eiði, sum tekur ímóti øllum laksaslógvi. – Ein bilur, sum dagliga koyrir slík­ an flutning, skal bara rigga, og koyrt verður einar 100.000 kilometrar um árið. Vit hava brúkt Volvo FH16 til henda flutning, og nú ynsktu vit okk­ um ein nýggjan bil. Hóast nýggi bil­urin hevur 100 HK minni motor, trekkir hann nakað tað sama sum hin gamli, men nýggi bilurin verður meira øko­ nomiskur, tá ræður um oljunýtslu. Trygvi K. Joensen sigur, at teir hugsa um at selja Volvo FH16, nú nýggi bilurin kemur. Nógvar tænastur Hans Egil Joensen & Synir hava ein hóp av tænastum í sínum konsepti. – Vit taka okkum av kranakoyring, grótkoyring, sandkoyring, mold­koyr­ ing, bingjukoyring, fiskaflutningi, maskin­flutningi, betongkoyring, grav­ ing av veitum, útgrevstri, salting av vegum og landingum - fyri at nevna nakrar av tænastunum og møgu­ leikunum, vit hava við okkara bilum. Trygvi K. Joensen sigur, at í februar fær fyritøkan enn ein nýggjan bil, og hesaferð verður tað ein kranabilur. – Nýggi bilurin hevur ein 65 tm krana, og hann kemur inn fyri ein við 41 tm krana. Tað, sum verður serstakt við nýggja bilinum, er, at hann kann fara langt út at grabba, sigur hann. Hetta er nýggjasti bilurin hjá Hans Egili Joensen & Synum, ein Volvo FH13 á 540 HK, sum skal brúkast til flutning av laksaslógvi fyri føroyskar alifyritøkur Mynd: Birgir W. Høgnesen – Vit hava ein hóp av tænastum í okkara konsepti, sigur Trygvi K. Joensen Mynd: Vilmund Jacobsen