hósdagur 13. oktober 2016síða 12

FRÍGGJADAGUR 14. OKTOBER 2016 SOSIALURIN 118 12 SÓLVIT E. NOLSØ Á ðrenn eldraøkið bleiv lagt út á kommunurnar, var økið skipað og ábyrgdina lá hjá land­ inum og harvið almanna­verk­ inum. Síðan eldraøkið bleiv lagt út á kommunurnar, er støðan við­ víkjandi ábyrgdarbýtinum blivin ógreið. Eitt markamótsskjal bleiv undir­skrivað av almennu myndug- leikunum og kommununum 30. mai í ár í samband við óvissuna um ábyrgdarbýtið millum land og kommunu. Markamótsskjalið er galdandi, tá ivi er um hvør myndugleiki skal veita einum borg­ ara eina tænastu. Fýra mánaðir seinni bleiv ein markamótsnevnd sett, ið skal taka avgerðir um hand­ faring av markamótum. Ætlanin við nevndini er at skapa fordømir í málum, har myndugleikar ikki koma ásamt um hvør eigur ábyrgd av onkrum ávísum øki. Tilboð til fólk undir 67 ár við staðfestum Alzheimer, er eitt av hesum økjum, ið eingin hevur tikið ábyrgd av enn. Eyðgunn: Alt fór út til kommunurnar Eyðgunn Samuelsen, landsstýris­ kvinna í almannamálum, sigur, at tá eldraøkið bleiv yvirtikið av kommununum, fylgdi ábyrgdin av teimum undir 67 ár við Alzheimer eisini við. – Demensøkið bleiv yvirtikið av kommununum tá eldraøkið fór út. Vit høvdu nøkur fakfólk, dagtilhald, stuðul o.s.fr., men alt bleiv lagt út og vit hava ongan ekspertisu í al­ mannaverkinum longur, tí tað fór út við eldraøkinum, sigur Eyðgunn Samuelsen. Eyðgunn Samuelsen sigur, at tað var ikki bert ekspertisan og starvsfólkið, ið fór út til komm- unurnar, men stovnarir fóru eisini við og liggja heilt undir komm- unum nú. – Øll dagtilhaldini, ið vórðu t.d. Vallalíð í Havn og Búatrøð í Klaksvík, fóru øll út frá okkum, so fyri mær er tað púra greitt, at vit standa eftir við ongum, sigur Eyðgunn Samuelsen. Eyðgunn Samuelsen sigur, at hóast demensøkið er lagt út til kommunurnar og harvið ábyrgdin, so liggur ein ósemja, ið skal greiðast millum landið og kommunur um stuðul og røkt. – Tað er ikki greitt við stuðuls­ skipanum enn. Um onkur til dømis hevur brúk fyri einum stuðli, so mugu vit finna eina loysn uppá tað, sigur Eyðgunn Samuelsen. Tórbjørn: Landið roynir at turka rokningina uppá kommunurnar Tórbjørn Jacobsen er borgar­stjóri í Runavíkar komm­unu og næst­ formaður í kommunu­felagnum. Hann ásannar, at í prinsippinum er talan um eina ósemju, ið snýr seg um at kommununar skilja støðuna sum, at hava fingið ábyrgd av eldraøkinum, ið umfatar tey, ið eru eldri enn 67, meðan landið sigur, at demensøkið er flutt við. Hann er klárur yvir trupulleikan og sigur, at kjarnin í málinum er fíggjarligur og at landið roynir at koyra rokningina av økinum yvir – Eitt sindur kyniskt sagt, so kann mann siga, at landið er komið í dýrastu neyð av hesum og hevur ikki fíggjarliga orku at taka sær av hesum. Tey royna at kroysta rokningina yvir á kommunurnar og kommunurnar royna sum frægast at verja seg, fyri ikki at bukka undir, sigur Tórbjørn Jacob­ sen. Tórbjørn Jacobsen sigur, at eftir at eldraøkið bleiv lagt út, eru tað nógvar kommunur, ið sita eftir við eini nógv størri rokning fyri eldra- økið enn fyrr, millum annað vegna ósemjur sum hendan. SOLVIT@SOSIALURIN.FO Landið og kommunur ósamdar um ábyrgarbýtið Eingin veit reiðiliga hvør eigur ábyrgdina av teimum, ið eru undir 67, rakt av Alzheimers og hava tørv á einum dagtilboðið. Eingin vil heldur átaka sær ábyrgdina, men kasta heldur ábyrgdina frá sær Yngri við alzheimers TEMA Eyðgunn Samuelsen, landsstýris­ kvinna í almanna­málum Tórbjørn Jacobsen, borgarstjóri í Runavíkar kommunu